ငရဲပြည်သို့အလည်တစ်ခေါက်....(၆)

သုံးဘီးကားပေါ်မှာ နှစ်ယောက်သား ကျုံ့ကျုံ့လေးထိုင်ပြီး ငရဲပြည်ရဲ့ရှုခင်းတွေကို အပြတ်ငေးမယ် စိတ်ကူးနဲ့ နေရာယူထားတဲ့ ကျုပ်တို့နှစ်ယောက်စိတ်ကူးဟာ ဧည့်ကြိုငရဲသားရဲ့ အမောင်းကြမ်းပုံကြောင့် ကြက်ပျောက်ငှက်ပျောက်ပျောက်ကုန်တယ်။ ဘေးက ဘော်ဒီသံကိုင်းနှစ်ခုကိုကိုင်ပြီး နှစ်ယောက်သား ယိမ်းထိုးနေတယ်။

          `ဟာ…ဟာ….ဟေ့လူ…အဲ..ဟေ့..ငရဲသားကြီး….ဖြေးဖြေးမောင်းပါဗျာ အကုန်မသာပေါ်ကုန်အုံးမယ်`

ပြောသာပြောရတယ်တယ် ကျုပ်တို့ပြောတာကို သူကြားဟန်မတူဘူး။ သူ့ဖီလင်နဲ့သူ နောက်ကို တစက်ကလေးမှ လှည့်မကြည့်ဘူး  ကြည့်ရတာ ရန်ကုန်မြို့က ဟိုင်းလတ်မောင်းတဲ့ဒရိုင်ဘာဘ၀ကနေ ဘ၀ကူးလာတာလားမသိ။ တနေရရောက်တော့ ကျုပ်တို့သုံးဘီးဆိုင်ကယ်လေးက ရုတ်တရက်ဆိုသလို နှေးသွားတယ်။

          `ဟာ….သေပြီကွာ….လမ်းပိတ်မှာဆိုးလို့ အသားကုန်မောင်းပါတယ်ဆိုမှ …. ဆန္ဒဖော်ထုတ်ပွဲနဲ့ လာတွေ့နေပြီ …. အလကား အလုပ်မရှိအကိုင်မရှိတွေ´

          ယာဉ်မောင်းငရဲသားရဲ့ မြည်တွန်တောက်တီးသံကြားမှ ကျုပ်တို့နှစ်ယောက်သက်ပြင်းချနိုင် တော့တယ်။ ဆန္ဒဖော်ထုတ်ပွဲကြောင့်သာပေါ့ နို့မဟုတ်ရင် ကျုပ်တို့နှစ်ယောက် တနေရာရာမှာကျကျန်နေခဲ့မှာ။ သုံးဘီးလေး နှေးသွားတုန်း ငရဲပြည်က ဆန္ဒဖော်ထုတ်ပွဲလေး လေ့လာဦးမှ။ လက်ကိုင်ဖုန်းလေးသာ ပါလာခဲ့လို့ကတော့ ဓါတ်ပုံရိုက်ထားပြီး လူ့ပြည်ပြန်ရောက်ရင် ဂျာနယ်ထဲထည့်လို့ရတယ် ။ `ငရဲပြည်မှ ဆန္ဒဖော်ထုတ်ပွဲများအကြောင်း တစေ့တစောင်း´ တို့ဘာတို့ ခေါင်းစဉ်တပ်ပြီးလေ။

          ကျုပ်တို့သုံးဘီးရှေ့မှာတော့ ငရဲသားဝတ်စုံတွေနဲ့ အရောင်အသွေးမျိုးစုံ ငရဲသားတွေ ဆိုင်းဘုတ်မျိုးစုံကို ကိုင်ပြီး ညှိုးငယ်သော မျက်နှာထားတွေနဲ့  လမ်းလျှောက်ပြီး ဆန္ဒဖော်ထုတ်နေကြတယ်။ လက်ထဲမှာ ကိုင်ထားတဲ့ ဆိုင်းဘုတ်တွေမှာတော့ ရေးထားတာ ဘာသာပေါင်းစုံပဲ။ မြန်မာလိုရေးထားတဲ့ ဆိုင်းဘုတ်တွေလည်း တခုနှစ်ခုတွေ့ရတယ်။ ကျုပ်လဲ မနေနိုင်တာနဲ့ ယာဉ်မောင်းငရဲသားကိုပဲ စပ်စုလိုက်တယ်။

          `ဘာကို….ဆန္ဒဖော်ထုတ်ကြတာလဲဗျ´

          `ဘာရယ်လို့မဟုတ်ပါဘူးဗျာ…..လာမယ့်ငရဲမင်းကြီးရွေးကောက်ပွဲအတွက် လက်ရှိငရဲမင်းကြီးကို မကြိုက်ကြလို့ ဆန္ဒပြနေကြတာ´

          `ဘာလို့မကြိုက်ကြတာလဲဗျ …´

          `အာ…..ဟိုးအရင်ငရဲမင်းကြီးလက်ထက်တုန်းကလဲ …. ဒီလိုပဲဆန္ဒထုတ်ဖော်နေကြပဲဗျာ…. ပြောင်းလဲခါနီးရင် သာမဲ့ဘက်ကို ပြေးကပ်တာပေါ့ဗျာ….´

          `အော် .. ငရဲပြည်မှာလည်း ….ဒါမျိုးရှိတာလား´ ကျုပ်လဲ နဲနဲအံ့သြသွားတယ်။

          `ခင်ဗျားကလည်းဗျာ….ငရဲသားဆိုတာလူကဖြစ်လာတာလေ…လူ့ဘ၀တုန်းကအကျင့်လေးတွေလည်း နည်းနည်းတော့ကျန်အုံးမှာပေါ့´

          သူပြောတာလဲ ဟုတ်သလိုလိုရှိတာနဲ့ ကျုပ်လဲ လူတန်းကြီးက ဆိုင်းဘုတ်တွေကို လိုက်ကြည့်မိတယ်။ တခြားဘာသာစကားတွေ မဖတ်တတ်တော့ မြန်မာလိုရေးထားတဲ့ ဆိုင်းဘုတ်တွေကိုပဲ ပြူးပြဲပြီး လိုက်ရှာရတယ်။

          `ငရဲသားတိုင်း….တန်းတူအခွင့်အရေးရရှိရေး´

          `ငရဲခရိုနီများ…အလိုမရှိ´

          `နှစ်ကြီးငရဲသားများအား … လူ့ပြည်အလည်ပြန်ခွင့်ပေးရေး´

          `ဆီပူနှင့်အကြော်ခံရခြင်းကို..မလိုလား၊ ရေလုံပြုတ်ခံရခြင်းသာ..လိုလားသည်´

          `အဆင့်မမှီသော…ဒယ်အိုးများ…. ခုချက်ခြင်းဖယ်´

          `ဘာသာအားလုံး…..တန်းတူညီမျှ….ပြစ်ဒဏ်ကျခံနိုင်ရေး…..ဆောင်ရွက်ပေး´

စသည်ဖြင့် တောင်းဆိုချက်တွေကတော့ အတော်စုံစုံလင်လင်ပဲဗျ။ ကျုပ်လဲ ဖတ်ရင်းဖတ်ရင်း အတော်လေး မျက်စိနောက်လာတယ်။ ငရဲမင်းတယောက်ရင်ဆိုင်ရမဲ့စိန်ခေါ်မှုတွေကလည်းမနဲမနောပါလား။ အဲသည့်ထဲမှာ ထူးထူးဆန်းဆန်း ဆိုင်းဘုတ်တခုကို ကျုပ်တွေ့လိုက်တယ်။

          `ကမ္ဘာကြီး ပူနွေးလာမှုကို တားဆီးပေးရေး´ ငရဲမင်းက ကမ္ဘာကြီးပူနွေးလာမှုကို ဘယ်လိုများ တားဆီးပေးနိုင်မှာပါလိမ့်။ ကျုပ်လဲခေါင်းပူအောင်စဉ်းစားပြီး အဖြေမရတာနဲ့ ယာဉ်မောင်းငရဲသားကိုပဲ စပ်စုရပြန်တယ်။

          `ငရဲသားကြီး…ဟိုလေ…ကမ္ဘာကြီးပူနွေးလာမှုဆိုတာ ငရဲပြည်နဲ့ ဘာဆိုင်လို့တုန်းဗျ´

          `ဆိုင်တာပေ့ါဗျာ…..ကမ္ဘာကြီးပူနွေးလာအောင်လုပ်တဲ့ကိစ္စတွေထဲမှာ ကျုပ်တို့ ငရဲပြည်က ဆီပူတွေအဆမတန်သုံးပြီး အပြစ်ပေးတာတွေလည်းပါတယ် …. ဒါတွေကို တချို့ပါတ်ဝန်းကျင်ထိန်းသိမ်းရေး ငရဲသားတွေက ဆန္ဒဖော်ထုတ်တာပေါ့ဗျာ.. ဖော်ထုတ်သာဖော်ထုတ်နေတာ … ဘယ်တုန်းကမှလည်း သူတို့တောင်းတာ မရဘူးပါဘူးဗျာ..ငရဲမင်းကြီးကလည်း သူ့ငရဲသားတွေ စိတ်ပြေလက်ပျောက် ပေါက်ပန်းသေး တောင်းဆိုလို့ရအောင် လွှတ်ထားပေးတာနေမှာပါ …. သူ့ဆီတောင် လိုလားချက်တွေ ရောက်မှာမဟုတ်ဘူး´

          `အာ…ဒါဆို…မီဒီယာတွေကနေတဆင့် ငရဲမင်းကြီးဆီကိုရောက်အောင်လုပ်ရမှာပေါ့´ ကျုပ်လဲ နည်းနည်းလေး အထွန့်လေးတက်ကြည့်လိုက်တယ်။

          `ကျုပ်တို့မြန်မာပြည်တောင် မီဒီယာတွေအားကောင်းလို့ ဒီမိုကရေစီ ရလာတာဗျ´

          `တော်ပါဗျာ…အရင်ငရဲမင်းကြီးလက်ထက်တုန်းက Hell Media Group ဆိုတာရှိတယ်။ ရွေးကောက်ပွဲမှာ အဲဒီငရဲမင်းကြီးသည်းခြေကြိုက်သတင်းတွေပဲတင်တယ်။ လက်ရှိငရဲမင်းကြီးကို အသားကုန် နှိပ်ကွပ်တယ်။ လက်ရှိငရဲမင်းတက်လာတော့ အရင်ငရဲမင်းကို အပုပ်ချတာနဲ့ လက်ရှိငရဲမင်းကြီးက သောက်မြင်ကပ်ပြီး အ၀ီစိကို လွတ်ရက်မရှိပို့ထားလို့ တကောင်မှ မကျန်တော့ဘူး ….ဒါနဲ့ ခင်ဗျားက မီဒီယာသမားလား´

          `အာ….ဟုတ်ပါဝူးဗျာ….ကျုပ်ကဆရာဝန်ပါ…ဟီးဟီး..မသိလို့မေးကြည့်တာပါ´

ကျုပ်လဲ ဇက်ကလေးပုပြီး ရယ်သွမ်းသွေးလိုက်ရတယ်။ သူပြောပုံအရဆို ကြောက်စရာကြီးလေ။

          `တော်သေးတာပေါ့….ဒီငရဲမင်းကြီးက မီဒီယာသမားဆို ဆန်းစတစ်(Sensitive)ဗျ´

          ကျုပ်တို့စကားပြောနေတုန်း ငရဲသားတန်းကြီး စဲသွားတာနဲ့ သကောင့်သားက လီဗာကိုစွတ်ဆွဲပြီး အသားကုန်မောင်းတာနဲ့ ကျုပ်လဲထပ်မစပ်စုလိုက်ရဘူး။ အတော်လေး မောင်းပြီးသွားတာနဲ့ အမည်းရောင်တိုက်ပုကြီးတလုံးရှေ့မှာ ထိုးရပ်လိုက်တယ်။

          `ဒါက ဘယ်နေရာလည်း….ဟင်…´ တလမ်းလုံး ငြိမ်လာတဲ့ မင်းသားနောင်နောင်က ထမေးတယ်။

          `ဒါ..ခင်ဗျားတို့ကို အရေခွံ့ဆုတ်မဲ့နေရာလေ….´

          `အာ…ဟုတ်ဘူးလေ….ကျုပ်တို့ကမြောလာတာလေ….မေးစရာရှိတာမေးပြီး ပြန်လွှတ်ပေးမယ်ဆို´

          ကျုပ်တို့နှစ်ယောက်လုံး သူ့စကားကြောင့် တကိုယ်လုံးက အကြောတွေထောင်ကုန်တယ်။

          `ဟားဟား….ကျုပ်ကနောက်တာပါဗျာ…ဒီနေရာမှာ ခင်ဗျားတို့ မြောလာတဲ့သူတွေကို မေးစရာရှိတာ မေးပြီးရင် ငရဲပြည်လေ့လာရေးလေးဘာလေး ပို့မှာပေါ့ဗျာ….ကဲ…တယောက်ကို ကူးတို့ခ ၂၀၀ ဆီထုတ်´

          `ကျွန်တော်ကြားဖူးတာကတော့..ကူးတို့ခဆိုတာ လူ့ပြည်နဲ့ငရဲပြည်ကြားမှာပဲပေးရတာဆို…´

          မင်းသားက ထပြီးအထွန့်တက်လိုက်တယ်။

          `ဒါတွေက ...အရင်တုန်းကတော့ဟုတ်တယ်။ အခုငရဲပြည်က ဆီတောင်အရင်လိုဖောဖောသီသီ မရတော့ဘူး…အိတ်စိုက်နေရတယ်ဗျ… ကဲ..ကြာတယ်ဗျာ…၂၀၀ထည်းကို´

          သူအရစ်ရှည်နေမှာစိုးတာနဲ့ ကျုပ်အိတ်ထဲက ၁၀၀၀ တစ်ရွက်ထုတ်ပေးလိုက်တယ်။ ငရဲယာဉ်မောင်း ကျုပ်ကို ၆၀၀ ပြန်အမ်းပြီး လှစ်ခနဲမောင်းထွက်သွာတယ်။ သူပြန်သွားမှ မင်းသားနောင်နောင်ကို လှည်ပြီး ရန်တွေ့ရသေးတယ်။

          `ခင်ဗျားကလည်းဗျာ…ငွေလေး ၂၀၀နဲ့ စကားအခြေအတင်ဖြစ်အောင်လို့´

          `ကျုပ်မှာ ပိုက်ဆံနည်းနေပြီဗျ´ သူပြောမှ ကျုပ်လဲနဲနဲစိတ်မကောင်းဖြစ်သွားတယ်။

          `အေးဗျာ …ကျွန်တော်မသိလို့ပါ…ရော့ရော့…ပြန်အမ်းတဲ့ပိုက်ဆံ ၆၀၀ ခင်ဗျားယူထားလိုက်… လူချင်းကွဲသွားရင်သုံးရတာပေါ့´ သကောင့်သားက ဟန်တောင်မဆောင်တော့ပဲ ပိုက်ဆံကို ဇတ်ခနဲဆွဲယူပြီး ငရဲသားဝတ်စုံထဲ ထိုးထည့်သွားတယ်။

          `ကျေးဇူးပဲဗျာ…လူ့ပြည်ရောက်မှပြန်ဆပ်မယ်´

ကျုပ်တို့ စကားပြောနေတုန်း အပြာဝတ်ငရဲသားနှစ်ယောက် ရောက်လာပြီး ကျုပ်တို့နှစ်ယောက်ကို အမည်းတိုက်ပုကြီးထဲခေါ်သွားတယ်။ အထဲမှာတော့ လူဖြူတွေရောလူမည်းတွေရောလူနီတွေရော နိုင်ငံသားပေါင်းစုံ လူမျိုးပေါင်းစုံ အရောင်အသွေးပေါင်းစုံ လေဆိပ်ကလိုခုံတန်းလေးတွေမှာ တန်းစီထိုင်နေတာ တွေ့လိုက်ရတယ်။

          ဒီလိုမည်းမည်းညစ်ညစ်တိုက်ပုထဲမှာ အရောင်အသွေးစုံလူပေါင်းစုံ ထိုင်နေတာတန်းတွေ့လိုက်ရတော့ ကျုပ်တို့နှစ်ယောက်လုံး မျက်ကလဲဆန်ပြာဖြစ်သွားတယ်။ တကမ္ဘာလုံးက မြောနေတဲ့သူတွေ လာစုနေသလားမသိ။ ဒီလိုနဲ့နှစ်ကောင်သား ယောင်ပေ ယောင်ပေဖြစ်နေတုန်း ငရဲသားတစ်ကောင် ကျုပ်တို့ရှေ့ရောက်လာတယ်။ သူကြည့်ရတာ မင်္ဂလာဆောင်တွေက နေရာချထားရေးတာဝန်ယူတဲ့သူလို စပ်ဖြဲဖြဲနဲ့ဆိုတော့ ကျုပ်လည်းနဲနဲကြောက်စိတ်ပြေသွားတယ်။

          `@#%#^%$&**^%*&&^´

          `ဟ…မင်းသား…ဘာတွေပြောနေလဲမသိဘူး…လုပ်ပါအုန်း´ ကျုပ်တခါမှမကြားဘူးတဲ့စကားနဲ့ ကျုပ်တို့နှစ်ယောက်ကို လာမေးနေတယ်။

          `ကျွန်တော်လဲမသိဘူး….ငရဲစကားထင်တယ်´

          `အာ ...ဒုက္ခပဲ …ကျုပ်တို့တော့ ဂွကျပြီထင်တယ်´

ဘေးဘီလှည့်ကြည့်လိုက်တော့လည်း ကူညီမဲ့သူမမြင်။

          `@$!%$#&^%$%$^´  ငရဲသားပုံစံက နဲနဲဒေါသထွက်လာပုံပေါက်လာတယ်။  မင်းသားနောင်နောင်က ဇက်ကလေးပုပြီး ခြေခါလက်ခါလုပ်ပြတယ်။ ငရဲသားကနားမလည်။ ကျုပ်လည်း မနေနိုင်တာနဲ့ ကိုရီးယား`အ-အ´ကားများထဲကကြည့်ဖူးတာတွေ တတ်သလောက်မှတ်လုပ်ပြကြည့်တယ်။ အဆင်မပြေ။ သကောင့်သားက သူပြောချင်တာတွေချည်းစွတ်ပြောနေတယ်။ မင်းသားနောင်နော်က ကြံရာမရဖြစ်ပြီး ဖွက်ယူလာတဲ့ အကယ်ဒမီရုပ်ကြီးထုတ်ပြမယ်လုပ်လို့ မနည်းတားထားရသေးတယ်။

          ‘!@#$%$#^$%#*&”

ကျုပ်တို့နှစ်ယောက် ဒုက္ခပင်လယ်ဝေနေတုန်းမှာပဲ ကျုပ်တို့ဘေးနားကို အသားညိုညို ဖောသွပ်သွပ်နဲ့ မျက်မှန် ကျွဲကော်ကိုင်းတပ်ထားတဲ့ ငနဲတကောင်ရောက်လာတယ်။ သွားတွေက ကွမ်းဂျိုးတွေကြောင့် အဖြူထည်ကို မရှိတော့ဘူး။ ကျုပ်စိတ်ထဲ သူ့ကို တနေရာရာမှာ တွေ့ဘူးတယ်လို့ စိတ်ထဲထင်နေမိတယ်။ အခန်းကလည်း အတော်လေးမှောင်နေတော့ သိပ်ပြီးမသဲကွဲဘူး။

          `ခင်ဗျားတို့ ..မြန်မာတွေမလား …မြန်မာလိုတွေပြောနေတာ ကျုပ်ကြားတယ်´

အရေးထဲမှ စုံထောက်မောင်စံရှားနဲ့တွေ့နေပြန်ပါရောလား။ ဘာပဲဖြစ်ဖြစ် ငရဲပြည်လိုနေရာမျိုးမှာ မြန်မာ အချင်းချင်းကူညီမဲ့သူလေးဘာလေးရတော့ တော်သေးတာပေါ့လို့ စိတ်သွင်းပြီး ငနဲသားကို မျက်နှာချိုသွေးလိုက်တယ်။

          `ဟုတ်ပါတယ်…အကိုကြီးရာ….ကူညီပါအုန်း´

ငနဲသားက လက်ကာပြပြီး ကွမ်းဂျိုးအလိပ်လိပ်နဲသွားညစ်ထေးထေးကို ပေါ်အောင်ဖြဲပြီး ငရဲသားကို ရီပြလိုက်တယ်။ ပါးစပ်ကလဲ

          “$!#@%$%^$#^%$´

သူတို့နှစ်ယောက် ကျုပ်တို့နားမလည်တဲ့ ဘာသာစကားနဲ့ အပြန်အလှန် နှစ်ခွန်းသုံးခွန်းပြောပြီး ငရဲသားကြီး ပြန်ထွက်သွားတယ်။

          `ကျေးဇူးတင်လိုက်တာ အကိုကြီးရာ´

          `ဟုတ်တယ်..နောင်ကြီးရာ…ခင်ဗျားသာမကူညီရင် ကျုပ်တို့ဘာဖြစ်မယ်မှန်းတောင် မတွေးတတ်ဘူး´

ငနဲသားက လက်ပိုက်ပြီး မိန့်မိန့်ကြီးပြုံးလို့ မေတ္တာတော်ခံယူနေသေးတယ်။

          `လာ…လာ ခင်ဗျားတို့ဝင်လာကထည်းက အူလည်လည်နဲ့ ဒုက္ခတွေ့တော့မယ်ဆိုတာ ကြိုသိလို့ ကျုပ်စောင့်ကြည့်နေတာ … ငရဲသားက ခင်ဗျားတို့ကို ရောက်ရှိကြောင်းသတင်းပို့ဖို့ ပြောနေတာ´

          `အော်….ဒီလိုလား…ကျုပ်တို့က ဘယ်ကိုသတင်းပို့ရမှာလဲ´

          `အာ…ခင်ဗျားတို့က မြန်မာလူမျိုး-ဗုဒ္ဒဘာသာဆိုတော့ သူနဲ့ဆိုင်တဲ့ငရဲပေါ့ဗျာ …. ဘာတွေလောနေတာလည်းဗျာ.. ကျုပ်တောင်နှစ်ပါတ်ရှိပြီ အခုအထိမှတ်ပုံတင်မရသေးဘူး .. အေးဆေးပေါ့ … အချိန်တန်ရင် နာမည်ခေါ်ပါလိမ့်မယ်´

          ပြောပြောဆိုဆိုနဲ့ ကျုပ်တို့နှစ်ယောက်ကို ခုံတန်းတစ်ခုဆီ ခေါ်သွားတယ်။

          မင်းသားနောင်နောင်ကတော့ အခန်းထဲကလူတွေဆီကိုအာရုံရောက်နေတယ်။ ကျုပ်လဲအချိန်ရတုန်း ဒီလူ့ကိုစပ်စုဖို့ အကြံရတာနဲ့ မျက်နှာကို အနီးကပ်သေချာကြည့်လိုက်တယ်။

          `အာ…. ခင်ဗျား…ကိုပွကြီးမှတ်လား….facebook မှာခင်ဗျားစာတွေ အတော်များများဖတ်ဖူးတယ်´ ငနဲသားရဲ့ပွယောင်းယောင်းမျက်နှကြီးက ပုပ်နေတဲ့ဂေါ်ဖီထုပ်ကြီး အပေါ်တစ်ထပ်ခွာလိုက်သလို နဲနဲလန်းသွားတယ်။

          `ဟုတ်တယ်ဆိုပါတော့ … ကျုပ်စာတွေကို ဖတ်တဲ့သူတွေများတော့ ခင်ဗျားတော့ ကျုပ်မသိဘူး´

          `အာ…..ကျော်ဟိန်းကတော့လူတိုင်းကို ဘယ်သိနိူင်ပါ့မလဲဗျာ…. ဒါက ကိစ္စမရှိပါဘူး…. ခင်ဗျားလဲ ဆရာဝန် ကျုပ်လဲဆရာဝန်ဆိုတော့ ငရဲပြည်မှာ အဖော်ရတာပေါ့ဗျာ´

          `ဒါနဲ့… ကွမ်းလေးဘာလေးမပါဘူးလားဗျာ´ သူ့မေးခွန်းကြောင့် ကျုပ်နဲနဲကြောင်သွားတယ်။

          `မပါဘူးဗျ´

          `ဆောရီးဗျာ…ကျုပ်လည်းတောင်းစားနေကြဆိုတော့ အကျင့်ပါနေလို့´

          `ရပါတယ်ဗျာ…အချင်းချင်းတွေပဲ…… ဆရာရေးတဲ့ `ကျွန်တော်ဂျီပီ´ဆိုတဲ့ နုတ်တွေ အတော်ဖတ်လို့ကောင်းသဗျာ…. ကျွန်တော်အမြဲတမ်းဖတ်တယ်…. ဆရာကဘယ်လိုဖြစ်ပြီး ငရဲပြည်ရောက်လာတာလဲ´ ကျုပ်လဲ စွတ်တင်ပြီးစုပ်စုလိုက်တယ်။

          ကိုယ်တော်က မြှောက်တိုင်းမမြှောက်ဆိုတဲ့ အမူအယာနဲ့ လက်ပိုက်ပြီး ခန့်ခန့်ကြီးလုပ်နေသေးတယ်။

          `ပြောရမှာတော့ အရှည်ကြီးပဲဗျာ…. အကျီင်္ကျွတ်နဲ့ facebook သုံးနေရင်း လေဖြတ်သွားတယ်ထင်တာပဲ ….´

          `အော်….ဖြစ်ရလေဗျာ…..ဆရာ့လို ကလောင်ကောင်းတလက်ဆုံးရှုံးရမှာ စိတ်မကောင်းဘူးဗျာ´

          `ဟာ…ဖွဟဲ့လွဲပါစေဖယ်ပါစေ… ဘာဖြစ်လို့ဆုံးရှုံးရမှာလည်းဗျ… ကျုပ်လဲမြောနေတာပဲ .. သူတို့မေးတာ နည်းနည်းပါးပါး ဖြေပြီးရင် လူ့ပြည်ပြန်ရမှာပဲ´

          သူ့အဖြေက အတော်လေးယုံကြည်မှုရှိနေပုံပဲ။

`ဆောရီးဆရာရယ်….ကျွန်တော်လဲ လွှတ်ခနဲပြောထွက်သွားတာ…စိတ်မဆိုးပါနဲ့..ဒါနဲ့ဆရာက ဘာဖြစ်လို့ ၂ပါတ်တောင်ကြာနေရတာလဲ´

          `အာ ဒီကနှစ်ပါတ်က လူ့ပြည်အချိန်နဲ့ဆိုနှစ်ရက်ပဲရှိတာ ဒီက မြန်မာ့ငရဲက နည်းနည်းလုပ်တာကိုင်တာ ကြာတယ်။ ခင်ဗျားကြည့်ပါလား…. တခြားနိုင်ငံတွေကငရဲဌာနတွေ ကွန်ပျုတာတွေနဲ့အလုပ်လုပ်နေတာ … ဟောတယောက် ဟောတယောက်ပဲ.. ကျုပ်တို့ဆီက လက်နှိပ်စက်လေးတလုံးနဲ့  စာရွက်ထပ်ကြီးတွေ တောင်လိုပုံလို့ ပြီးမပြီးနိုင်ဘူး´

          `ဒါကတော့…မြန်မာရိုးရာကိုထိန်းသိန်းတာနေမှာပေါ့ဗျာ..´

          `နောက်ပြီးတော့ အလုပ်အကိုင်အပေါ်မှာ မူတည်ပြီးလည်းကြာသေးတယ်ဗျ … သာမန်ပြည်သူပြည်သားတွေဆို မေးတာမြန်းတာမြန်တယ်။ ဆရာဝန်တို့ ဘုန်းကြီးတို့ တရားသူကြီးတို့ဆိုရင် ကြာတယ် .. ဒါကြောင့်မို့သူတို့ ကျုပ်ကို နောက်ဆုံးပို့ထားတာ´

          `အာ….ဒါဆိုကျုပ်လဲမိပြီပေါ့ဗျာ…´ သူ့စကားကြားလိုက်ရတော့ ကျုပ်အတော်လေးစိတ်ပျက် သွားတယ်။

          `သိပ်လဲစိတ်မညစ်ပါနဲ့ဗျာ…. ကျုပ်ပြီးရင်ခင်ဗျားအလှည့်ပဲ..ကြားထဲမှာမရှိပါဘူး´

          `မပြန်ရတော့ရင်ဒုက္ခဗျာ…လူ့ပြည်မှာ ကျုပ်မိန်းမလေး မျက်နှာငယ်နေရှာတော့မှာ´ ကျုပ်စကားကြောင့် ကိုပွကြီးမျက်နှာ ညှိုးကြသွားတယ်။

          `ခင်ဗျားကမှ တော်ပါသေးတယ်ဗျာ… ကျုပ်မှာ မိန်းမလေးတယောက်ယူဖို့ မနည်းအားထည့်ထားရတာ ခုတော့…အဟွန့်´

          `ခင်ဗျားကလည်း …ရုပ်ကြမ်းကြီးနဲ့ငိုမနေပါနဲ့ဗျာ….ကျုပ်တို့နှစ်ယောက်လုံးကောင်းတာလုပ်ရင် ပြန်ရမှာပေါ့..´ ကျုပ်ကပဲ စီနီယာကြီးကို ပြန်နှစ်သိမ့်လိုက်ရသေးတယ်။

          ကျုပ်တို့ထိုင်နေတဲ့ အခန်းနံရံတွေပေါ်မှာ ငရဲမင်းရဲ့ စစ်ဆေးချက်တွေကို LED တီဗွီကြီးတွေနဲ့ ပြနေတယ်။

          မင်းသားနောင်နောင်က ကျုပ်ကိုလက်တို့ပြီး နံရံပေါ်က LED တခုကိုထိုးပြနေတယ်။ တီဗွီထဲမှာ မြန်မာပြည်က ဒါရိုက်တာတယောက်ကို ငရဲမင်းက စစ်နေတယ်။

          `မောင်မင်း လူ့ပြည်မှာတုန်းက ဒါရိုက်တာလုပ်ပြီး အသက်မွေးဝမ်းကျောင်းပြုတယ်..ဟုတ်လား´

          `ဟုတ်ပါတယ်…ငရဲမင်းကြီး´

          ဘေးနားက ငရဲသားတစ်ယောက်က အဲဒီဒါရိုက်တာကို ကျာပွတ်နဲ့လှမ်းရိုက်လိုက်တယ်။

          `နောက်တခါ ငရဲမင်းကြီးမေးရင် - ဟုတ်ပါတယ် အဘငရဲမင်းကြီးခင်ဗျ- လို့ထည့်ဖြေမယ်´

          `ဟုတ်ကဲ့ပါ .. ဘဘငရဲမင်းကြီး…အဲ…အဘငရဲမင်းကြီးခင်ဗျ´

          `မောင်မင်းရိုက်တဲ့ဇာတ်ကားတွေကြောင့် …လူသုံးယောက်ယောက်တိတိ … ရီလွန်းလို့ အူတက်ပြီး    ကိစ္စချောသွားတာ… မောင်မင်းမှာ အပြစ်ရှိတယ်ဆိုတာသိလား´

ဒါရိုက်တာမျက်နှာက နှပ်ချေးနဲ့မျက်ရည်တွေရောပြီး အတော်လေးတုန်လှုပ်နေတယ်။

          `ဟုတ်ကဲ့ပါ အဘငရဲမင်းကြီးခင်ဗျ….ကျွန်တော်ရိုက်တာတော့မှန်ပါတယ်…ဒါပေမယ့်…၀တ္ထုဇာတ်ညွန်း ရော..မင်းသားမင်းသီး..အဲ…မင်းသမီးတွေမှာလည်း တာဝန်ရှိပါတယ်….. ဘဘငရဲမင်းကြီးမျ´

          `မောင်မင်းမှာတာဝန်ရှိတာကို မောင်မင်းကသူများအပေါ်လွှဲချချင်တာလား….. မောင်မင်းဇာတ်ကား ပိုစတာမှာ -ဒါရိုက်တာဦးစားကြီး၏ ကလီစာတွင်းဖြစ်- ဆိုတဲ့စာသားကို ပြူးနေအောင်ရေးထားတာ ဘာငြင်းချင်သေးလဲ´

          `အဲဒါ….ဟိုလေ…ကြော်ငြာသဘောအရ….ဘဘငရဲမင်းကြီးခင်….´

          `တော်စမ်း …. ဒီလူ့ကို မသေမချင်း ကလိထိုးပြီး သတ်စေ….ဒီအမှုကို ဇာတ်ညွန်းတွေ မင်းသားမသမီးတွေ အကုန်စုံမှ ပြန်စစ်မယ်….ဒါဘဲ´

          မင်းသားနောင်နောင်က အမှုစစ်ဇာတ်လမ်းတိုလေးကြည့်ပြီး ချွေးသီးချွေးပေါက်တွေပြန်နေတယ်။ သူ့ကြည်ရတာ အတော်လေးကြောက်နေပုံပဲ။

          `သိပ်လဲမကြောက်ပါနဲ့ဗျာ … အဆင်ပြေသွားမှာပါ´ နှစ်သာနှစ်သိမ့်ရတယ် ကျုပ်လဲ နည်းနည်းတော့ လန့်နေတယ်။ တော်ကြာ မသေမချင်းဆေးထိုးသတ်စေ ဆိုတာမျိုးတွေလာတွေနေမှ ဂွကျရချည်ရဲ့လို့ တွေးပြီး နုတ်ဆိတ်နေလိုက်တယ်။

          သိပ်မကြာခင်မှာပဲ ငရဲသားနှစ်ယောက် ကျုပ်တို့နေရာကိုရောက်လာပြီး မင်းသားနောင်နောင်ကို လာခေါ်သွားတယ်။ 

ငရဲပြည်သို့အလည်တစ်ခေါက်(၅)

ငရဲပြည်သို့အလည်တစ်ခေါက် ....(၅)

ငရဲပြည်သွားခရီးမှာ ကားထဲကနေအပြင်ဘက်ကို မမြင်ရပေမယ့် ကားလေးကတော့ အရှိန်ပြင်းပြင်းနဲ့ တရိပ်ရိပ်ပြေးနေတယ်။ ကားထဲမှာတော့ ရုပ်ရှင်မင်းသားနောင်နောင်ရော ကျန်တဲ့သူတွေပါ အတွေးကိုယ်စီနဲ့ နူတ်ဆိတ်နေကြတယ်။ ကျုပ်တယောက်ပဲ ဂနာမငြိမ်ဖြစ်နေတယ်ထင်ပါရဲ့။ ကျုပ်လဲ စိတ်ငြိမ်အောင် ကားကူရှင် နောက်ဖက်အိတ်ထဲက မှင်ဖျက်ဆေးတချောင်းကိုယူပြီး ကားနံရံပေါ်က နေရာလွတ်တခုမှာ `ငရဲဆိုဂျိုနဲ့လားကွဲ့´ ဆိုပြီးရေးနေလိုက်တယ်။ သိပ်မကြာခင်မှာပဲ စောစောက ဘောလုံးပွဲကြေငြာတဲ့အသံ ပြန်ထွက်လာတယ်။

          `ကျေးဇူးပြု၍ နားဆင်ပါမျှာ…. ကျွန်တော်တို့ရဲ့ငရဲပြည်ခရီးသွား ယာဉ်ငယ်လေးဟာ… မကြာမီအချိန် အတွင်းမှာ ငရဲပြည်ဆိုက်ရောက်လက်ခံဌာနသို့ ရောက်ရှိတော့မှာ ဖြစ်ပါတယ်မျှာ…. လူကြီးမင်းတို့အား သက်ဆိုင်ရာ ငရဲဌာနများမှ လာရောက်ခေါ်ဆောင်မည်ဖြစ်ပါ၍ မိမိတို့၏မော်တော်ယာဉ်အနီးမှ စောင့်ဆိုင်းကြပါရန်.. လေးစားစွာ..မေတ္တာရပ်ခံအပ်ပါတယ်မျှာ….ကျေးဇူးတင်ပါတယ်မျှာ….´

          ကားပေါ်ကလူတွေအားလုံး အိပ်ချင်မူးတူးနဲ့ ရှုးရှုးရှဲရှဲဖြစ်ကုန်တယ်။ မျဉ်းကျားမှာ မကူးလို့ကားတိုက်ခံရတဲ့ကောင်မလေးကတော့ အဆိုးဆုံးပဲ။ ခြေမကိုင်မိလက်မကိုင်မိနဲ့ ရပ်ကွက်လူကြီးဆီက ခေါင်းပေါင်းကိုဆွဲချွတ်ပြီး နှပ်တွေတဗြင်းဗြင်းညှစ်နေတယ်။

          `အဟင့် ….ဟင့်…ဟီး…သမီးမကောင်းတာ ဘာမှလုပ်ပဲနဲ့ ..အဟင့်…ဟီး´

          `ဟဲ့…ကလေးမ…စိတ်ထိန်းအုံးလေ….ငါ့..ခေါင်းပေါင်းပြန်ပေး….ဟာ..နှပ်ချေးတွေ..သွားပါပြီကွာ..´ ကားပေါ်မှာ ရုတ်ရုပ်သဲသဲဖြစ်ကုန်တယ်။

          `တော်ကြပါတော့ဗျာ….ခင်ဗျားတို့ကလည်း .. အရေးထဲမှ´

           မင်းသားနောင်နောင်က စိတ်ပေါက်ပေါက်နဲ့ ၀င်ငေါက်လိုက်မှ ငြိမ်သွားတယ်။ မကြာခင်မှာ ငရဲပြည်ဆိုတာကြီးကို နဖူးတွေ့ဒူးတွေ့ကြုံရတော့မှာဆိုတော့ အားလုံးစိတ်လှုပ်ရှားကြတာပေါ့။ ကျုပ်လို စိတ်ဓါတ်ခိုင်မာတဲ့လူတောင် အီအီးပါချင်သလို ရှုးရှုးပေါက်ချင်သလိုဖြစ်ကုန်တယ်။

          ကျုပ်တို့တသိုက် ရင်တုန်းပန်းတုန်ဖြစ်လို့ အားမရသေးခင်မှာပဲ ကားလေးက ရုပ်တရက်ကြီးထိုးရပ်သွား တယ်။ ကားပေါ်ကလူတွေ အကုန်လုံး တယောက်မျက်နှာတယောက်ကြည့်ပြီး တိတ်ဆိတ်ကုန်တယ်။ ရပ်ကွက်လူကြီးလောင်းက ကောင်မလေးနှပ်ညှစ်ထားတဲ့ခေါင်းပေါင်းကို ခေါင်းပေါ်မှာ မရွံ့မရှာ ပြန်ဆောင်းလို့။ မင်းသားနောင်နောင်ကတော့ သူ့အကယ်ဒမီရုပ်ကြီးကို ကျစ်ကျစ်ပါအောင်ဆုပ်ပြီး ကားတံခါးဘက်ကို ကြောင်စီ စီမျက်လုံးတွေနဲ့ငေးကြည့်နေတယ်။ မျဉ်းကားမှာကားတိုက်ခံရတဲ့ ကောင်လေးကတော့ ရှိသမျှ လက်သည်းခွံတွေကို တခါထဲကုန်အောင်စားပစ်တော့မဲ့ပုံ သွားနဲ့ကိုက်နေလိုက်တာများ ကျုပ်ဖြင့် ကြက်သီးတောင်ထတယ်။ ကျုပ်လည်းရင်တထိတ်ထိတ်နဲ့ ကားတံခါးအဖွင့်ကိုပဲ စောင့်နေလိုက်တယ်။ မတော်လို့ တခါထဲသေတဲ့သူမှတ်ပြီး တန်းခေါ်သွားမှ ခက်ရချည်သေး။

          ကားတံခါးကိုဖွင့်လိုက်တာနဲ့တပြိုင်နက် စူးရှတဲ့အလင်းရောင်ကြောင့် ကျုပ်တို့အားလုံး မျက်စိတွေ ကျိန်းကုန်တယ်။

          `ငရဲပြည်မှ…… ကြိုဆိုပါတယ်ရှင်….ကားပေါ်ကဆင်းတာနဲ့တပြိုင်နက်လူကြီးမင်းတို့နဲ့သက်ဆိုင်သည့် ငရဲဌာနများမှ အမည်နဲ့တကွ လာရောက်ခေါ်ဆောင်သည်ကို မိမိတို့၏မော်တော်ယာဉ်ဘေးမှခေတ္တ စောင့်ဆိုင်းပေးကြပါရန် လေးစားစွာဖြင့် ပန်ကြားအပ်ပါတယ်ရှင်… ကားပေါ်ကဆင်းလို့ရပါပြီရှင်´

          မြန်မာသံချိုချို ပီပီသသလေးကြားလိုက်ရတော့ အတော်လေးကြည်နူးသွားတယ်။ အဲဒီ့စာကြောင်းကိုပဲ အင်္ဂလိပ်လိုရော ကျုပ်မသိတဲ့ဘာသာရပ် ရှစ်မျိုးလောက်နဲ့ ပြောနေတော့ အတော်လေးအံ့သြသွားတယ်။ တယ်ဟုတ်တဲ့ ငရဲပြည်ပါလား။ ရန်ကုန်လေဆိပ်မှာတောင်ဒီလိုကြေငြာတာမတွေ့ဘူးဖူး။ ကားပေါ်ကဆင်းတာနဲ့ အမြန်ကားလိုင်းတွေလို သွားတိုက်ဆေးတို့ စနိုးတာဝါတို့များ ကမ်းအုန်းမလားမသိဘူး။ ကားပေါ်က ဆင်းတာနဲ့ တပြိုင်နက် မန္တလေးကားကြီးဝင်းထဲက ဆိုင်ကယ်ကယ်ရီတွေလို ငရဲသားအုပ်ကြီးကို တန်းတွေ့လိုက်ရတော့ ကျုပ်ရင်ထိတ်သွားတယ်။ ဆိုင်ကယ်ကယ်ရီနဲ့များသွားခိုင်းရင်တော့ ပါလာတဲ့ကူးတို့ခတော့ ပြောင်ရချည်သေး။ နာမည်တွေရေးထားတဲ့ ဆိုင်းဘုတ်တွေ ကိုင်ထားတဲ့ ငရဲသားတွေကိုတွေ့လိုက်ရတော့မှ ရင်ထဲကအလုံးကြီး `ဇတ်´ ခနဲကျသွားတယ်။

          ကားပေါ်ပါလာတဲ့ လူငါးယောက်ထဲမှာ ၃ယောက်က ဒါရိုက်ကြီးသေတာဆိုတော့ လာကြိုတဲ့ဌာနက လူတွေနဲ့ တန်းတိုးပြီး ချက်ခြင်းပျောက်သွားတယ်။ နူတ်တောင်မဆက်လိုက်ရဘူး။ ကျုပ်နဲ့မင်းသားနောင်နောင်ပဲ မျက်စေ့သူငယ်နားသူငယ်နဲ့ ငရဲသားအုပ်ကြားမှာ ကျန်ခဲ့တယ်။ အဲဒီအချိန်အထိ ငရဲပြည်ရှုခင်းကို ကောင်းကောင်းမခံစားနိုင်သေးဘူး။ ကျုပ်တို့နာမည်တွေရေးထားတဲ့ဆိုင်းဘုတ်ကို ငရဲသားကို မနဲပြူးပြဲပြီး လိုက်ရှာနေရတယ်။ မတွေ့လို့ ကြုံရာငရဲသားနဲ့ထည့်လိုက်မှ မရောက်သင့်တဲ့နေရာတွေ ရောက်ကုန်ရင် ခက်သားလား။ အတော်လေးရှာလိုက်မှ ကျုပ်တို့နာမည်တွေပါတဲ့ ဘုတ်ပြားကိုင်ငရဲသားက အုပ်ကြားထဲက တိုးထွက်လာတယ်။

          `ဆောရီးဗျာ…ကျုပ်နဲနဲနောက်ကျသွားတယ်..ဆန္ဒဖော်ထုတ်ပွဲလုပ်နေတာနဲ့ လမ်းတွေပိတ်နေလို့လေ´

          `အော်…ဟုတ်လား…ရပါတယ်ဗျာ..´ ကျုပ်လဲအလိုက်သင့်ပဲပြန်ဖြေလိုက်ရတယ်။

`        `ငရဲပြည်မှာလဲ ဆန္ဒဖော်ထုတ်တာတွေရှိလား´ ကျုပ်လဲမနေနိုင်လို့ လျှာရှည်ကြည့်လိုက်တယ်။

          `ရှိတာပေါ့ဗျာ….ခင်ဗျားနောက်တော့သိလာပါလိမ့်မယ်..မြန်မြန်သွားရအောင် … ကျုပ်နောက်လူတွေ ကြိုရအုန်းမယ်…´

          နောင်နောင်ကတော့ အကယ်ဒမီရုပ်ကြီးပိုက်ပြီး ကြက်သေသေနေတာနဲ့ ငရဲသားက လက်ဆွဲခေါ်မှ အိပ်မက်ကလန့်နိုးလာတဲသူလို ဆန့်ငင်ဆန့်ငင်နဲ့ပါလာတယ်။ ကျုပ်တို့နှစ်ယောက်သွားမယ်လုပ်တုန်း ကျုပ်တို့စီးလာတဲ့ကားပေါ်က လူတယောက်ဆင်းလာပြီး ကျုပ်လက်ဆွဲလှမ်းဆွဲထားတယ်။ ကျုပ်စိတ်ထဲ ကျုပ်ကိုတော့ဖြင့်လူ့ပြည်ပြန်ပို့တော့မယ်ထင်ပြီး ပျော်လိုက်တာဗျာ။

          `ဟေ့လူ…ကားပေါ်က မှင်ဖျက်ဆေး ခင်ဗျားယူသွားတာမဟုတ်လား´

သူပြောမှ အိပ်ကပ်ထဲ ကပြာကယာစမ်းကြည့်ပြီး မှင်ဖျက်ဆေးကို ထုတ်ပေးလိုက်ရတယ်။

          `ဟီး….ကျုပ်က အကျင့်ပါနေလို့ပါ…ဆောရီးနော်…ဟီးဟီး´ လူ့ပြည်မှာတုန်းက ဘောပင်တို့ မှင်ဖျက်ဆေးတို့ဆိုတာ ငှားပြီးရင်အိပ်ကပ်ထဲခဏခဏပါလာလို့မိန်းမနဲ့ မကြာခဏပြဿနာတက်ရတယ်။ အခုငရဲပြည်ရောက်တဲ့အထိကို အဲဒီ့အကျင့်က မပျောက်သေးဘူး။ ကျုပ်ကိုလာကြိုတဲ့ အကြိုတော်ငရဲသား အထင်စမောသွားလို့ လူ့ပြည်ဗီဇာပိတ်သွားမှ ခက်ရချည်သေးလို့တွေးပြီး စကားကို ပြန်ပြင်ပြောလိုက်တယ်။

          `ဟဲဟဲ…စိတ်လှုပ်ရှားနေတာနဲ့ …ဟွန်းဟွန်း´

ငရဲသားဒရိုင်ဘာက အာဋာဝကမျက်စောင်းတချက်ခဲပြီး ကျုပ်လက်ထဲက မှင်ဖျက်ဆေးကို ဇတ်ခနဲ့ဆွဲယူသွားတယ်။

          `ကဲ…ခင်ဗျားတို့နှစ်ယောက် ငရဲသားဝတ်စုံလဲရမယ်´ လာကြိုတဲ့ ငရဲသားက ကျုပ်တို့ကို မီးရောင်မှိန်ပျပျနဲ့  အခန်းတစ်ခန်းထဲခေါ်သွားတယ်။

          `ဒီမှာ …. ခင်ဗျားတို့နှစ်ယောက်အတွက်ဝတ်စုံ….မြန်မြန်လဲပါ´ ပြောပြောဆိုဆိုနဲ့ ကျုပ်တို့နှစ်ယောက်ကို ခရမ်းရောင် ၀တ်စုံနှစ်စုံထုတ်ပေးပြီး အခန်းတံခါးကို ဆောင့်ပိတ်လိုက်တယ်။ အမှောင်ထဲမှာတော့ မင်းသားနောင်နောင်နဲ့ကျုပ်နဲ့ တယောက်မျက်နှာတယောက်ကြည့်ပြီး စိတ်မသက်မသာနဲ့ပဲ ၀တ်စုံကိုလဲလိုက်ရတယ်။ ၀တ်စုံဒီဇိုင်းက ၀ပ်ရှော့ဆရာတွေဝတ်သလို အပေါ်နဲ့အောက်နဲ့ဆက်ထားတဲ့ ဖက်ရှင်။ နောက်ကျောဘက်မှာတော့ `VISITOR´ ဆိုတဲ့စာတန်းကို အဖြူရောင်နဲ့ ထင်းနေအောင်ရေးထားတယ်။

          `ဒီဇိုင်းကတော့ ရေလည်ပိန်းတယ်ဗျာ´ ကျုပ်ပါးစပ်က လွှတ်ခနဲထွက်သွားတယ်။

          `တိုးတိုးလုပ်ပါဗျာ….တော်ကြာကျုပ်တို့နှစ်ယောက်ကို ကိုယ်လုံးတီးနဲ့သွားခိုင်းနေမှ´ မင်းသားနောင်နောင်က အတော်လေးကြောက်နေပုံရတယ်။

          `ဟေ့လူ … ကျုပ်အကယ်ဒမီရုပ်ကြီး ဘယ်လိုလုပ်ရမတုန်း….ယူလာလို့ဖြစ်ပါ့မလား´ မင်းသားက ညှောင်နာနာအသံလေးနဲ့ ကျုပ်ကိုလက်တို့ပြီးမေးတယ်။

          `အာ….ဖြစ်မှာပါ….ဒါမှဟိုရောက်ရင်…ခင်ဗျားကို ရုပ်ရှင်မင်းသားမှန်းသိပြီး အော်တိုတွေဘာတွေ ထိုးခိုင်းပြီး မြန်မြန်ပြန်ခိုင်းမှာ´ ကျုပ်လဲစိတ်ပေါက်ပေါက်နဲ့ မြှောက်ပေးလိုက်တယ်။

          `အေးဗျ..တော်သေးတာပေါ့…ဒါလေးပါလာလို့´ဆိုပြီး သူ့အကယ်ဒမီရုပ်ကို အာဘွားပေးနေသေးတယ်။

          `မြန်မြန်လုပ်ဗျာ….ဟိုက.စိတ်တိုနေအုန်းမယ် .. ခင်ဗျားဟာကြီး ဖွက်ရင်ဖွက်ယူခဲ့ဗျာ တော်ကြာ…..ရစ်နေအုန်းမယ်´ မြန်မြန်လောလိုက်မှ သကောင့်သားက သူ့အကယ်ဒမီရုပ်ကို လည်ပင်းပေါက်ကနေလျှိုပြီး ထည့်လိုက်တော့တယ်။ အပြင်မှာတော့ ကျုပ်တို့နှစ်ယောက်ပြန်ထွက်တာကို အကြိုတော်ငရဲသားက သုံးဘီးဆိုင်ကယ်နဲ့စောင့်နေလေရဲ့။ 

ဆက်စပ်ဝတ္ထုတိုများ

ငရဲပြည်သို့အလည်တခေါက်(၄) 

ငရဲပြည်သို့အလည်တခေါက်(၃)

ငရဲပြည်သို့အလည်တခေါက်(၂)  

ငရဲပြည်သို့အလည်တခေါက်(၁) 

ငရဲပြည်သို့အလည်တခေါက်(၆)  

ကျွန်တော်သိသော ပိုးကိုက်ပန်းများ

ဘ၀ဆိုးကြီး

သေပြီးတဲ့လူဟာ လူဝင်စားပြန်ဖြစ်ရင်

တဖန်လူပြန်ဖြစ်လို့ရသေးတယ်။

အနူဟာ

တခါနူပြီးရင်

နောက်တခါ လူတောထဲတိုးလို့မရတော့ဘူး။

လူပြန်မဖြစ်တော့ဘူး။

ရောဂါတွေလုံးဝပျောက်ကင်းပြီး

အနာကြီးရောဂါပိုး လုံးဝကင်းစင်သွားသည့်တိုင်

အနူဘ၀က

လွတ်ငြိမ်းချမ်းသာခွင့်မရရှာပါဘူး။

သေဒဏ်ကြခံနေရတဲ့သူတွေ

လွတ်ငြိမ်းချမ်းသာခွင့်နဲ့တွေ့ရင်

မသေတော့ဘူး ၊ လွတ်ခွင့်ရှိတယ်။

အနူက တခါနူပြီးရင်

တသက်လုံးအနူဖြစ်ရတဲ့ဘ၀ဆိုးကြီးပါ။

ဦးမောင်မောင်

နံသာမြိုင်အနာကြီးရောဂါစခန်း

(ဆရာချစ်စံဝင်း ၏ ပိုးကိုက်ပန်း-၂၀၀၅ မေ)

“မြန်မာနိုင်ငံမှာ အနာကြီးရောဂါပိုးကို လုံးဝကင်းစင်တဲ့နေရာ အဖြစ်ကြေငြာမယ်ဆိုရင် နံသာမြိုင်စခန်းကို စိတ်ချလက်ချ ယုံကြည်စွာ ကြေငြာလို့ရပါတယ်၊ ဘာပြုလို့လဲဆိုတော့ ကျွန်တော်တို့က MDT ဆေးပေါင်းစားထားပြီးတဲ့လူတွေလေ၊ ကျွန်တော်တို့က ကမ္ဘာပေါ်မှာ အနာကြီးရောဂါကင်းစင်တဲ့ဒေသ အဖြစ် နံသာမြိုင် ကိုကြေငြာဝံတဲ့အချိန်မှာ ဘယ်နေရာ ဘယ်မြို့၊ ဘယ်ရွာက ကျွန်တော်တို့လိုရဲရဲဝံ၀ံ ကြေငြာလို့ရသလဲ။ မကြေညာနိုင် ကြသေးပါဘူး”

      

        ရန်ကုန်တိုင်းလှည်းကူးမြို့နယ်ရှိ (အနာကြီးရောဂါဒဏ် ခံစားခဲ့ရသော) အဖိုးအဖွားများ ကို စောင့်ရှောက်ထားသည့် `မေတ္တာပရဟိတ´ ဂေဟာသို့ အပါတ်စဉ်လိုလို အနယ်နယ်အရပ်ရပ်မှ လာရောက်လှူဒါန်းကြသော စေတနာရှင် အဖွဲ့အစည်းများ၊ မိသားစုများမှာ ၂၀၀၉-၂၀၁၀ ခုနှစ်အတွင်း လွန်ခဲ့သော ၁၀ နှစ်ခန့်ကထက် ပိုမိုများပြားလာခဲ့သည်။ မြန်မာလူမျိုးအချင်း ချင်းရိုင်းပင်းကူညီသော စိတ်ဓါတ်ကြောင့် ဂေဟာမှာလည်း ယခင်နှစ်များစွာနှင့်မတူ သိသာစွာတိုးတက် ပြောင်းလဲလာခဲ့သည်။ ထပ်မံ၍လည်း လာရောက်လှူဒါန်းလိုသူများ တိုးပွားနေဆဲ ပင်ဖြစ်သည်။ ယခင်က လူ့အသိုင်းအ၀ိုင်းမှ အပယ်ခံ ဒုက္ခိတများကို လူထုက မေတ္တာတရားရှေ့ထားပြီး ကိုယ်ချင်းစာစိတ်ဖြင့် ကူညီထောက်ပံပေးနေသော်လည်း လာရောက်လှူဒါန်းသူများ၏ စိတ်ထဲတွင် ဤရောဂါနှင့် ပါတ်သက်သော မေးခွန်းများက တပုံတပင်ရှိနေသည်။

        လာရောက်လှူဒါန်းသူ အတော်များများသိလိုသော အဓိကကျသည့် မေးခွန်းမှာ ဤရောဂါသည် သူတို့ထံ (လာရောက်လှူဒါန်းသူများ) သို့ရော ကူးစက်နိုင်ပါသလား? ဆိုသည့် မေးခွန်းပင်ဖြစ်သည်။ အခြား သံတူကြောင်းကွဲ မေးခွန်းများရှိသော်လည်း အရင်းစစ်ကြည့်လျှင် ဤမေးခွန်းဆီသို့သာ ဦးတည်လာသည်ချည်းသာဖြစ်ပါသည်။ အင်မတန်မှ အဓိကကျသော ကျန်းမာရေး အသိရှိသူတိုင်း တွေးမိမည့် မေးခွန်း ဖြစ်မည်ဟု ကျွန်တော်ထင်ပါသည်။ ယခုအချိန်တွင် SARS လို ကြက်ငှက် တုပ်ကွေးလို လေထဲမှတဆင့် ပျံနှံပြီး လျှင်မြန်သော နူန်းဖြင့်ကူးစက်သည့် ကြောက်စရာ ကောင်းသော ရောဂါ များကလည်း တခုပြီးတခု ဖြစ်ပေါ်နေသည် မဟုတ်ပါလား။ ထို့ကြောင့် ထိုမေးခွန်းကို ဖြေဆိုရန် ပထမဆုံး အနာကြီးရောဂါ အကြောင်း အနည်းအကျဉ်းမျှ သိထားသင့်သည်မဟုတ်ပါလော။

        ကျွန်တော်ကိုယ်တိုင်ပင် ငယ်စဉ်ကတည်းက အနာကြီးရောဂါသည်များနှင့် ထိတွေ့ခဲ့ရသည်။ ကျွန်တော့်အဖိုးမှာ အနာကြီးရောဂါတိုက်ဖျက်ရေးတွင် ရှေ့တန်း စစ်မျက်နှာမှတိုက်ခဲ့သော ကျန်းမာရေးမှူးတဦးဖြစ်သောကြောင့် အနာကြီးရောဂါသည် များနှင့် ၂ တန်းအရွယ်မှစ၍ ရင်းနှီးခဲ့ရသည်။ အဖိုးဆီသို့လာပြသည့်လူနာများတွင် အရေတရွှဲရွှဲ တွန်းလှည်းပေါ်တင်လာရသော လူနာများ တကိုယ်လုံး မြင်မကောင်းအောင် အဖုအပိန့်ထနေသော ကြောက်စရာ လူနာများအပြင် လူသိမှာ ရှက်သဖြင့် တိုးတိုးတိတ်တိတ်လာပြသော ကျွန်တော်တို့ကျောင်းမှ ဆရာမကြီးလို အကွက် စတွေ့သော လူနာများကလည်းမနည်း ။အဖိုးက ရမည်းသင်းမြို့ဘေးနားရှိ ကျေးရွာများတွင် ကွင်းဆင်းကုသရာတွင် အကြောင်း တိုက်ဆိုင်ပါက ကျွန်တော့်ကိုပါ ခေါ်သွားလေ့ရှိသဖြင့် အနာကြီးရောဂါ သည်များသည့် ကျွန်တော့်၏ အထိန်းတော်များ လို ဖြစ်နေသည်။ ကျောင်းပိတ်ရက် များတွင် အဖိုးဆေးထိုးဆေးပေး သည်ကို ကူညီ လုပ်ကိုင်ပေးလေ့ရှိသော်လည်း (များသောအား ဖြင့် ဆေးထည့်သော ပလတ်စတစ် အိတ်အား ဖယောင်းတိုင်ဖြင့် ပိတ်ခြင်းမျှသာ) ထိုဝေဒနာသည်များကို တော့ ကျွန်တော်ရွံ့သည်။ ထိုစဉ်ကတည်းက `ငါ့ကိုများကူးရင်ရော´ဆိုသည့် အတွေး ၀င်သဖြင့် အဖိုးကိုမေးဖူးသည်။ `အဖိုး….သားတို့ကို ကူးရင်ဘယ်လိုလုပ်မလဲ´ ဟုမေး ကြည့်ရာ အဖိုးက `ငါ ကုပေးမှာပေါ့ကွာ´ ဟုပြန်ဖြေသဖြင့် ကျွန်တော် ကျေနပ်သွား သည်။ ထိုအရွယ်တွင် ထိုအဖြေသည် ကျွန်တော့်အတွက်လုံလောက်သည်။ အဖိုးလုပ် သူက အာမခံမှတော့ ဘာကြောက်စရာလိုသေးလည်းဟု တွေးမိဟန်တူပါသည်။

 လူနာများကို ခံတောင်းမြှောင်နေအောင်ကျိုက်ခိုင်း၍ နေရောင်ထဲတွင် အရေပြားပေါ်မှ အကွက်များလိုက်ရှာရသည့်အလုပ်ကို ကျွန်တော် သဘောအကျဆုံး ဖြစ်သည်။ မျက်စိ မကောင်းသော အဖိုးအား ` အဖိုးရေ…. ဟိုနားမှာတကွက်… ဒီဘက်ဘေးမှာတကွက်´ စသဖြင့် လျှာရှည်ရသည်ကို အာတွေ့ခဲ့သည်။ အဖိုးကလည်း တခါမျှ မောင်းမထုတ်။ ထိုအချိန်က MDT မပေါ်သေး။ ဒက်ပဆုန်း (၁၉၄၀ မှ စတင်ပေါ်ပေါက်ခဲ့ပြီး အနာကြီးရောဂါပိုးမှ ဆေးယဉ်သွားသဖြင့် နောက်ပိုင်းတွင် MDT နှင့် အစားထိုးခဲ့သည်) နှင့် ပရန်တီစလုန်း သာအပေးများသည်။အနာကြီးရောဂါအပြင် အခြားသော အရေပြားရောဂါများကလည်း သင်္ကာမကင်း၍ လာပြကြသည်များလည်း ရှိသည်။  ဆေးပေးပြီး လူနာများကို `ငပိငါးခြောက် ငံပြာရည်မစားရ၊ မြေပေါ်တတောင် မြေအောက် တတောင်မစားရ…´ အစချီသော ကျန်းမာရေးဟောပြောမှုကို အဖိုးက ကျွန်တော့်အား အလွတ်ကျက်ခိုင်းပြီး အချို့လူနာများကို ပြောစေသည်။ ထိုစဉ်အချိန်က ငပိငါးခြောက်နှင့် အနာကြီးရောဂါ ဘာဆိုင်လို့လဲဟုတွေးမိသော်လည်း မမေးမိ။ မြေပေါ်တတောင်မြေအောက်တတောင် ဆိုတာလည်း သေချာနားမလည်။ သို့သော် အနာကြီးရောဂါရှင်များကိုတော့ မကြောက်တော့။ ကူးစက်ခံရလျှင်ရော ဆိုသည့် အတွေးကတော့ ကျွန်တော့်ခေါင်းထဲတွင် အမြစ်မပြတ်ခြင်သေး။ ထို့ကြောင့် အသက်ကြီးလာချိန် ဆေးကျောင်းရောက်ချိန်မှ `ထိုစဉ်က ငါတို့ ဒီလောက်နီးစပ်ခဲ့ပြီး ဘာလို့မကူးတာပါလိမ့်´ ဆိုသော မေးခွန်းကို စာအုပ်စာပေ များနှင့် အဖြေထုတ် ကြည့်ရတော့သည်။

        ပထမဆုံး ထိုမေးခွန်းအား မဖြေဆိုမီ `အနာကြီးရောဂါသည်´ ဆိုသည့် အဓိပ္ပါယ် ဖွင့်ဆိုချက်ကို ဦးစွာရှင်းပြလိုပါသည်။ အလှူရှင်များကြားတွင် `မရမ်းချောင်းမှ အနာကြီး ရောဂါသည်တွေ´ ဆိုသော စကားကို မကြာခဏကြားနေရသည်မှာ စိတ်မကောင်းစရာ ပင်ဖြစ်သည်။ အနာကြီးရောဂါဖြစ်နေသည်ဟု သတ်မှတ်ရန် လူတစ်ယောက်သည် အောက်ပါရောဂါလက္ခဏာ (၃) ချက်အနက်မှ အနည်းဆုံးတချက်ရှိရမည်ဖြစ်သည်။

1.  အရေပြားပေါ်တွင် ကွက်၍ အရောင်ဖျော့နေခြင်း၊ နီမြန်းနေခြင်း၊ ထိ နာ ပူ အေး မသိပဲထုံနေခြင်း။

2.  အာရုံကြောပျက်စီးသည့် လက္ခဏာဖြစ်သော ထိ၊ နာ၊ ပူ၊ အေး မသိခြင်း၊ ခြေလက်မျက်နှာရှိ ကြွက်သားများ အားနည်းခြင်း၊ လှုပ်ရှားမရခြင်းနှင့် အာရုံကြောကြီးခြင်း။

3.  အရေပြားအကွက်မှ အသားခြစ်စမ်းသပ်ရာတွင် ပိုးတွေ့ခြင်း။

 `အနာကြီးရောဂါသည်ဆိုသည်မှာ အနာကြီးရောဂါလက္ခဏာများရှိပြီး ၊ ဆေးစံချိန်ပြည့် မစားရသေးသူကိုဆိုလိုပါသည်။ပြည့်စုံသောအထောက်အထားမရှိပဲနှင့် အနာကြီးရောဂါ သည်ဟု အမည်မတပ်ရ။´

ဟု ကျန်းမာရေးဝန်ကြီးဌာနမှထုတ်ပြန်သည့် အနာကြီးရောဂါတိုက်ဖျက်ရေးလက်စွဲ စာအုပ်ထဲတွင် ဖော်ပြထားသည်။

                အနာကြီးရောဂါ နှင့် မှားတတ်သော အခြားရောဂါ ပေါင်း ၂၂ မျိုးခန့်ရှိနေသေးရာ မိမိကိုယ်တိုင်ရောဂါနာမည်တပ်ခြင်းထက် ကျွမ်းကျင် သောဆရာဝန်နှင့်ပြသတိုင်ပင်ကြည့်ပြီးမှသာ အနာကြီးရောဂါဟု အမည်တပ်ရပါမည်။ ၎င်းတို့ထဲတွင် ပွေး၊ နှင်းခူ၊ ညှင်း၊ သမင်ဖြူ၊ အင်ပြင်၊ မွေးရာပါအမှတ်များ၊ ဆစ်ဖလစ်၊ အရေပြားတီဘီ၊ အဆီဖုများ၊ ဆီးချိုရောဂါ၊ အာရုံကြောထိခိုက်မိခြင်း စသည့်ရောဂါများ ပါဝင်သည်။

         မရမ်းချောင်း မေတ္တာပရဟိတမှ လူအားလုံးသည် MDT ဆေးပေါင်းကို ဆေးပါတ်လည် အောင်သောက်ပြီးသည့် လူနာများဖြစ်သည့် အတွက် ၎င်းတို့ကို `အနာကြီးရောဂါသည်´ ဟု အမည် မတပ်ရပါ။ ၎င်းတို့သည် `အနာကြီးရောဂါဒဏ် ကြောင့် ကိုယ်လက်အင်္ဂါပျက်စီးရခဲ့ရသည့်လူများ´ သာ ဖြစ်ပါသည်။ တနည်းအားဖြင့်ဆိုသော် အနာကြီးရောဂါ ပျောက်ကင်းပြီး ပိုးကင်းစင်သော လူများသာဖြစ်ပါသည်။ သို့သော် အချို့သောဝေဒနာရှင် များတွင် အနာကြီးရောဂါ ဝေဒနာကြောင့် ပျက်စီးသွားခဲ့ရသော အာရုံကြောများမှာ ပြန်လည်ကောင်းမွန်လာခြင်း မရှိတော့သဖြင့် နောက်ဆက်တွဲဝေဒနာ များ ဆက်လက်ခံစားနေရဆဲလူနာများသာ ဖြစ်ပါသည်။

        အနာကြီးရောဂါ၏ အဓိပ္ပါယ်ဖွင့်ဆိုပုံကို ရှင်းပြပြီးနောက်ပိုင်းတွင် အနာကြီးရောဂါ ကူးစက်ပျံပွားပုံအကြောင်းကို အကျဉ်းချုပ်ဖော်ပြလိုပါသည်။ လွန်ခဲ့သော ဆယ်စုနှစ်က တည်းကပင် ဆရာကြီးဒေါက်တာတင်ရွှေရေးသည့် အနာကြီးရောဂါနှင့် ပါတ်သက်သည့် စာအုပ်များစွာ ထွက်ရှိပြီးဖြစ်ပါသည်။ အသေးစိတ်သိရှိလိုပါက ဆရာရေးထားသော စာအုပ်များကို ပြန်လည်ဖတ်ရှုစေလိုပါသည်။

         

        အနာကြီးရောဂါဆိုသည်မှာ ကူးစက်တတ်သောနာတာရှည်ရောဂါတမျိုးဖြစ်ပြီး Mycobacterium Leprae (တီဘီဖြစ်ပွားစေသောပိုးနှင့် မျိုးစိတ်တူ) ကြောင့်ဖြစ်ရပါ သည်ကို နော်ဝေနိုင်ငံမှ သိပ္ပံပညာရှင် ဒေါက်တာဟန်ဆန်(Dr.G.A.Hansen) က ၁၈၇၃ ခုနှစ်တွင် အတိအကျ ဖော်ထုတ်နိုင်ခဲ့သည်။ အနာကြီးရောဂါသည် အဓိကအားဖြင့် အရေပြား၊ နာဗ်ကြောများ၊ အသက်ရှုလေပြွန် အထက်ပိုင်း နှင့် အသက်ရှုလမ်း ကြောင်းကိုလည်းကောင်း၊ မျက်စိ ကိုလည်းကောင်း ထိခိုက်ပျက်စီးစေတတ်ပါသည်။ ဦးနှောက်နှင့်အာရုံကြောမကြီးအား ထိခိုက်ပျက်စီးမှု မရှိပါ။

        အနာကြီးရောဂါသည် အသက်အရွယ်မရွေး၊ ကျားမ မရွေး ဖြစ်ပွားစေပါသည်။ ရောဂါစ၀င်ချိန်မှစတင်၍ရောဂါလက္ခဏာများပြချိန်အထိ ရောဂါပျိုးချိန်မှာ ပျှမ်းမျှ (၃) နှစ်မှ (၅) နှစ်အထိ အလွန်ကြာတတ်ပါသည်။ ရောဂါပိုးရှိသူတဦးမှ အခြားလူများကို တိုက်ရိုက်ကူးစက်ပြီး ငှက်ဖျားကဲ့သို့ ကြားခံလက်ခံကောင် (ခြင်) မရှိပါ။ သို့သော် ကူးစက်ခံရမှုမှ အနာကြီးရောဂါလက္ခဏာဖြစ်ပေါ်သူ အနည်းငယ်သာရှိပါသည်။ အနာကြီးရောဂါသည် ဆေးကုသခံယူနေရခြင်းမရှိသော လူနာများထံမှ အခြားလူများသို့ အသက်ရှုလမ်းကြောင်းနှင့်အရေပြားတို့မှတဆင့်ကူးစက်ပါသည်။ ဆင်းရဲချမ်းသာမရွေး ကူးစက်သောရောဂါမဟုတ်သည့်အပြင် မျိုးရိုးလိုက်၍ဖြစ်ပွားတတ်သော ရောဂါမဟုတ် ပါ။သို့သော် အနာကြီးရောဂါသည်များနှင့် ကြာရှည်နေထိုင်သူများတွင် ပိုမိုကူးစက်ပျံပွား  ကြောင်းတွေ့ရှိရပါသည်။

         အနာကြီးရောဂါဝင်ရောက်ခံရသူတိုင်း ရောဂါမဖြစ်ပါ။ အနာကြီးရောဂါဖြစ်ပွားသူ အများစုတွင် ရောဂါပိုးတိုက်ဖျက်သောကိုယ်ခံအား (Cell Mediated Immunity_CMI) လျော့နည်းနေကြောင်းတွေ့ရှိရသည်။ CMI အနည်းအများပေါ်လိုက်၍ ရောဂါအမျိုး အစားပါ ကွဲပြားသွားသည်။ အနာကြီးရောဂါ သည် နေရာဒေသမရွေး မည်သည့် ပါတ်ဝန်းကျင်တွင်မဆို ကူးစက်ပျံနှံနိုင်ပါသည်။ သို့သော် ကျန်းမာရေးဝန်ကြီးဌာန၏ စာရင်းဇယားများအရ မြန်မာနိုင်ငံအလယ်ပိုင်း အပူပိုင်းဒေသတွင် ပိုမိုအဖြစ်များ ခဲ့ကြောင်းတွေ့ရှိရသည်။

        အနာကြီးရောဂါတွင် ရောဂါပင်ရင်း နှင့် ရောဂါသိုလှောင်ရာဌာနမှာ လူပင် ဖြစ်သည်။ MDT ဆေးဖြင့်ကုသခြင်းမခံရသေးသောလူနာ (Undetected patients / Hidden cases) များသည် ရောဂါပင်ရင်းနှင့် ရောဂါသိုလှောင်ရာ ဌာနများဖြစ်နေတတ် သည်။ ၎င်းလူနာများသည် MDT ဆေး တစ်ကြိမ် သောက်ပြီးရုံမျှဖြင့် အခြားသူများကို ကူးစက်မှုလုံးဝမရှိတော့ပါ။ အနာကြီးရောဂါပိုးသည် ရောဂါသိုလှောင်ရာလူ၏ အရေပြားအနာ (Lepromatous ulcer) များမှသော်လည်းကောင်း ၊ နှာရည် မှ သော် လည်းကောင်း ကိုယ်ခန္ဒာပြင်ပသို့ထွက်နိုင်ပါသည်။ ထိုသို့ထွက်ပြီးနောက် ရောဂါပိုး ကူးစက်ခံရမည့် ရောဂါလက်ခံသူထံသို့ ပွန်းပဲ့ဒဏ်ရာမှလည်းကောင်း ၊ လေထဲမှသော် လည်းကောင်း တိုက်ရိုက်ကူးစက်ပါသည်။ ကြားခံကောင်မရှိပါ။

        မရမ်းချောင်းပရဟိတ ဂေဟာမှ လူနာများသည် MDT ဆေး ကို ဆရာဝန် ဆရာမများ၏ စနစ်တကျ စောင့်ကြပ်ကြည့်ရှုမှု အောက်တွင် မှတ်ပုံတင်ပြီး ဆေးပါတ်လည်အောင် သောက်ပြီး သောလူနာများ (Treated cases) ဖြစ်သော ကြောင့်အခြားသူများကို ကူးစက်မှု လုံးဝမရှိနိုင်တော့ပါ ဟု ဖြေနိုင်ပါသည်။ ၎င်းတို့တွင် ဖြစ်ပွားနေသော အနာများမှလည်း အာရုံကြောပျက်စီးခြင်း၊ သွေးလှည့်ပါတ်မှု ပျက်စီးခြင်း၊ ထုံနာပူထိ မသိခြင်းမှ ဒဏ်ရာရပြီး ပိုးဝင်ခြင်း၊ အဟာရချို့တဲ့ခြင်း တို့ကြောင့်ဖြစ်ပွားနေသော အနာ များသာဖြစ်ပါသည်။ အနာကြီးရောဂါပိုးကြောင့် ဖြစ်ပွားနေသော ရောဂါများ လုံးဝ မဟုတ်ပါ။ မရမ်းချောင်းဂေဟာရှိ အဖိုးအဖွားများကို အနီးကပ် စောင့်ရှောက်ပေးနေသည့် ကလေးသူငယ်များတွင်လည်း ရောဂါကူးစက်ခံ ရမှု လုံးဝမရှိသည့်အပြင် MDT ဆေးပေါင်းစနစ်တကျသောက်ထားသည့် လူများဖြစ် သောကြောင့် ၅ နှစ်အတွင်း နောက်ထပ်လူနာသစ်တွေ့ရှိမှု မရှိသောရွာအဖြစ် ရပ်တည် နိုင်ပြီဖြစ်ပါသည်။ သို့သော် ဆေးပညာသဘော နှင့် ရောဂါပိုးများ၏ မျိုးရိုးဗီဇ အစဉ်တစိုက်ပြုပြင် ပြောင်းလဲတတ်သောသဘောများကြောင့် လုံးဝကူးစက်နိုင်စွမ်း မရှိတော့ပါ ဆိုသည့် စကားအစား ကူးစက်နိုင်စွမ်း(လုံးဝနီးပါး)မရှိတော့ပါ ဟု ပြောင်းလဲ သုံးစွဲလျှင် ပိုမိုသင့် လျှော်ပါမည်။

        ကမ္ဘာပေါ်တွင် နှစ်စဉ်လူ ၇၅၀ ၀၀၀ ခန့် အနာကြီးရောဂါကူးစက်ခံနေရပြီး အများစုမှာ ကလေးများဖြစ်သည်။ ကမ္ဘာအနာကြီးရောဂါရှင်ဦးရေ၏ ၇၀%သည် အိန္ဒိယ၊ ဘရာဇီး၊ အင်ဒိုနီးရှား၊ မိုဇမ်ဘီ၊ မဒါဂတ်စကား၊ တန်ဇန်နီးယား နှင့် နီပေါနိုင်ငံ တို့တွင်ဖြစ်သည်။ သို့သော် ကမ္ဘာကျန်းမာရေးအဖွဲကြီးက သတ်မှတ်ထားသည့် ရောဂါဖြစ်ပွားမှုများသည့်နိုင်ငံ ၁၆ နိုင်ငံကျန်ရှိနေသည့်အထဲတွင် မြန်မာနိုင်ငံပါဝင်သည့် အတွက် ၁၉၉၁ ခုနှစ်မှစ၍ MDT ဆေးပေါင်းတိုက်ကျွေးရေးလုပ်ငန်းများကို အစိုးအရအဖွဲ့အစည်းများ ပြည်တွင်းပြည်ပ လူမှုရေးအဖွဲ့အစည်းများ၊ မီဒီယာများ၊ အခြေခံကျန်းမာရေးဝန်ထမ်းများနှင့် ပူးပေါင်းဆောင်ရွက်ခဲ့ရာ ၂၀၀၃ ခုနှစ်တွင် မြန်မာ နိုင်ငံအား လူဦးရေ သန်း ၅၀ တွင် မှတ်ပုံတင်ထားသော အနာကြီးရောဂါသည် ၅၀၀၀ အောက်သာရှိတော့သဖြင့် အနာကြီးရောဂါကင်းစင်သော နိုင်ငံအဖြစ် ကြေငြာခဲ့သည်။ ၁၉၉၅ မှ ၂၀၀၀ပြည့်နှစ်အထိ လိုအပ်သော MDT ဆေးဝါးများကို Nippon Foundation မှ လှူဒါန်းခဲ့ပြီး ၂၀၀၁ မှ ၂၀၁၀ ခုနှစ်အထိ လိုအပ်သောဆေးဝါးများကို Novartis Foundation မှ လှူဒါန်းရန် ကမ္ဘာကျန်းမာရေးအဖွဲ့အား ကတိပြုပြီးဖြစ်ပါသည်။

        သို့သော် အနာကြီးရောဂါသည် ကျောက်ရောဂါကဲ့သို့ ကာကွယ်ဆေးရှိသည့် ရောဂါမဟုတ်ခြင်းကြောင့် နှစ်စဉ်လူနာအသစ်အနည်းငယ်ကို ဆက်လက်ဖော်ထုတ် ဆေးဝါးကုသပေးလျှက်ရှိပါသည်။ အနာကြီးရောဂါ ဝေဒနာကိုခံစားခဲ့ရသော ဝေဒနာ ရှင်များကို ယခင်က လူအသိုင်းအ၀ိုင်းမှ ပယ်ကျဉ်၍ လိင်အပျော်ပါးလိုက်စားမှု ကြောင့် ဖြစ်သောရောဂါ၊ မျိုးရိုးလိုက်သည် နူနာရောဂါ စသည့်ဖြင့် မသိနားမလည်သူများက ရှောင်ဖယ်ထားကြသော်လည်း အသိပညာကြွယ်ဝလာသည့် မြန်မာလူမျိုးများ၏ ဖေးမ စောင့်ရှောက်မှုဖြင့် အနာကြီးရောဂါအား မြန်မာ့မြေပေါ်မှ လုံးဝတိုက်ထုတ်နိုင်မည်ဆိုပါ မရမ်းချောင်း၊ ရေနံသာ၊ မြရတနာ (စစ်ကိုင်း)၊ တောင်ဝိုင်း (မော်လမြိုင်) စသည့် နေရာများမှ အနာကြီးရောဂါခံစားခဲ့ရသူများသည် မြန်မာ့သမိုင်းတွင် အနာကြီး ရောဂါ ဖြစ်ပွားခဲ့ဖူးသည့် နောက်ဆုံးမျိုးဆက်များသာ ဖြစ်သွားနိုင်ပါသည်။

        ထို့ကြောင့် မရမ်းချောင်းပရဟိတဂေဟာသို့ ကိုယ်တိုင်ကိုယ်ကျ လာရောက် လှူဒါန်းလိုသူများအနေဖြင့် အနာကြီးရောဂါ၏ ဗီဇရုပ်ကို တီးခေါက်မိစေရန်နှင့် သံသယ ရှင်းစွာလှူဒါန်းနိုင်ရေးအတွက် တတ်စွမ်းသည့်ဘက်မှ တင်ပြထားခြင်းသာဖြစ်ပါသည်။ မြန်မာလူမျိုးအချင်းချင်းရိုင်းပင်းကူညီဖေးမခြင်းဖြင့် မြန်မာ့မြေကို ပိုမိုစိမ်းလန်းအောင် ဖန်တီးနိုင်ကြသူများ ဖြစ်ကြပါစေ…………….။

တောကျီးဂန်း (ခေတ္တ-မင်းကုန်း)

၉ နိုဝင်ဘာ ၂၀၁၀

ကိုးကား

1.   Davidson’s PRINCIPLES AND PRACTICE OF MEDICINE 20^TH EDTION

2.   အနာကြီးရောဂါတိုက်ဖျက်ရေးလုပ်ငန်းလက်စွဲ/ကျန်းမာရေးဝန်ကြီးဌာန/၂၀၀၈ဖေ။

3.   AN ATLAS OF LEPROSY; SASAKAWA MEMORIAL HEALTH FOUNDATION.1983 EDTION

4.   A GUIDE TO ELIMINATING LEPROSY AS A PUBLIC HEALTH PROBLEM/MINISTRY OF HEALTH; MYANMAR.

5.   ပိုးကိုက်ပန်း-ချစ်စံဝင်း (၂၀၀၅)