သွေးသည်အသက်

မရမ်းချောင်းကို ဆေးသွားကုနေကြ တင်္နဂနွေတိုင်းလိုပင် ဤတင်္နဂနွေသည်လည်း ဘာမျှ ကျွန်တော့အတွက် မထူးခြား။ ဇူလိုင်လလယ်သည် မိုးရိပ်မိုးငွေ့များဖြင့် စိုစွတ်ထိုင်းမှိုင်းနေသည်။ မရမ်းချောင်းအ၀င်လမ်းမသည် ကားကြီးကားငယ်များဒဏ်ကြောင့် ဗွက်အိုင်များ ဟိုတကွက် သည်တကွက်ဖြင့် ကျွန်တော့်ဆိုင်ကယ်အစုတ် လေးအတွက် အခက်အခဲကြီးတခုပင်။ မရမ်းချောင်းပရဟိတဂေဟာ ရှေ့တွင် ကားနှစ်စီးခန့်ရပ်ထားသည်ကို ကြည့်ခြင်းအားဖြင့် ရန်ကုန်မှ စေတနာအလှူရှင်များရောက်နေလောက်ပြီဟု ခန့်မှန်းရသည်။ ဂေဟာကွက်လပ်ကျယ်တွင် လူငယ်တော်တော်များများနှင့် အဖိုးအဖွားများကို ပြုံးပျော်စွာတွေ့ရသော မြင်ကွင်းသည် စိတ်ချမ်းမြေ့စရာကောင်းလှသည်။ ကျွန်တော့်ခြေလှမ်းများက ဆာဆာကာဝါဖောင်ဒေးရှင်းမှ ဆောက်လုပ်လှူဒါန်းထားသည့် ဆေးခန်းရှိရာ တိုက်ပုလေးဆီသို့အလိုအလျှောက်လှမ်းနေသည်။ စနေနေ့ကတည်းမှ ကြိုတင် အကြောင်းကြားထားသဖြင့် ဆေးခန်းငယ်လေးထဲတွင် အဖိုးအဖွား သုံးယောက်ခန့်က ညိုးငယ်သော မျက်နှာများဖြင့် အဆင်သင့်စောင့်နေသည်။ မိုးတွင်းဖြစ်သောကြောင့် ဤတလောတွင် အဖျားအနာများသည်။ ၀မ်းပျက်ဝမ်းလျှောနှင့် ငှက်ဖျားရန်ကလည်း မသေးပါ။ ဆေးခန်းထဲရောက်ရောက်ချင်း မရမ်းချောင်းဂေဟာအား ကျွန်တော်မလာနိုင်သည့်အချိန်တွင် လာရောက်ကြည့်ရှုပေးသည့် သူနာပြုဆရာမ ဒေါ်မိုးမိုးလှိုင်က အပြုံးနှင့်ဆီးကြိုသည်။ ဆရာမက လူနာတချို့ကို ကြိုကြည့်ထားနှင့်သည်ထင်သည်။ ဆေးဘီဒိုထဲတွင် အလှူရှင်များလှူဒါန်းထားသော ဆေးများကလိုအပ်သလောက်ရှိနေသည်။ အဖိုးအဖွားများ အဖြစ်များသောရောဂါများမှာ အာရုံကြောများပျက်စီးခြင်းမှတဆင့် နောက်ဆက်တွဲဖြစ်ပွားသည့် အနာများ (trophic ulcer) ဆီးချို သွေးတိုး နှင့် ရောဂါကန်ခြင်းများ ၊ အဟာရမပြည်ဝခြင်းကြောင့် အားအင်ကုန်ခမ်းခြင်း နှင့် မျက်စိဝေဒနာများဖြစ်သည်။
ထိုရောဂါများအတွက် မရမ်းချောင်းတိုက်နယ်ဆေးရုံရှိသော်လည်း ဆရာဝန်ရောက်မလာနိုင်သေးသည့် အတွက် တင်္နဂနွေပါတ်တိုင်း အလှူရှင်များလှူဒါန်းသောဆေးဝါးများဖြင့် ဂေဟာမှလူနာများကိုကြည့်ရှုပေးရသည့် အလုပ်မှာ ကျွန်တော်အတွက်တော့ ဗဟုသုတများစွာကိုပေးစွမ်းနိုင်သလို အဖိုးအဖွားများနှင့်အနီးကပ်ဆက်ဆံခွင့်ရသည့် အခွင့်အရေးတရပ်လည်းဖြစ်သည်။ သို့သော် ကျွန်တော်ရောက်လာသည့် ရှစ်လအတွင်း ရောဂါကြီးကြီးမားမား များစွာ မကြုံရသေးပါ။ ကြုံလည်းမကြုံချင်ပါပေ။ သွားရေးလာရေးခက်သည့်အပြင် အဖိုးအဖွားများတွင် ရှိသည့် သိမ်ငယ်စိတ်ကြောင့် ဆေးရုံကြီးများတွင် သွားရောက်ကုသလိုစိတ်မရှိခြင်းတို့ကြောင့် တကယ်တမ်း အရေးပေါ်ဖြစ်လာလျှင် အသက်မှီရန်မလွယ်ပါ။ ဂေဟာတွင်လည်း အရေးပေါ်အသက်ကယ်ဆေးဝါး အနည်းငယ်သာရှိသည်မဟုတ်ပါလား။ ကျွန်တော့်အတွေးစကိုဖြတ်လိုက်ပြီး ဆေးခန်းစာအုပ်ပုံထဲမှ အောက်ဆုံးစာအုပ်ကို ဆွဲယူပြီး အဖိုးတယောက်အား စတင်ကြည့်လိုက်သည်။ အသက် ၆၉ နှစ် ညာဘက်ခြေထောက်မရှိ ဘယ်ဘက်ခြေထောက်တွင် အနာအခေါင်းပေါက်ဖြစ်ပြီး ချမ်းတုန်ဖျားသည်။ ပေါင်ရင်းအကျိတ်များယောင်နေပြီး သွေးပေါင်ချိန် အနည်းငယ်ကျနေသည်။ အနာကိုက်သဖြင့် အစားအသောက်ပျက်ပြီး ညဘက်အိပ်မပျော်။ ထိုအဖိုးအတွက် လိုအပ်သည့်စားဆေးထိုးဆေးများ ပြုလုပ်ပေးနေချိန်တွင် ဆေးခန်းအားကူညီပေးနေသည့် ဒေါ်ယဉ်နွဲ့ သုတ်သီးသုတ်ပြာဝင်လာသည်။
`ဆရာ အမျိုးသားအဆောင်ထဲက ဦးသိန်းဟန်ဆိုတဲ့အဖိုးကြီးကို ကြည့်ပေးပါအုန်းဆရာ … တကိုယ်လုံးဖြူဖျော့ပြီး အိပ်ယာထဲလဲနေတာ …….. မနေ့ကတော့ဝမ်းမဲမဲတွေသွားတယ်ပြောတယ် …. ဒီနေ့မနက်သူ့ကုတင်ဘေးကလူပြောတာတော့ သွေးတွေအန်တာ တစ်ဇလုံမကဘူးတဲ့´
ကျွန်တော် ခေါင်းနပန်းကြီးသွားသည်။ သူမပြောသည့်အတိုင်းဆို ထိုအဖိုး၏ အခြေအနေမှာ မလွယ်။ အစာအိမ်နှင့်အူလမ်းကြောင်းသွေးယို့ထားသည့်လက္ခဏာများ။ ကျွန်တော်နားကြပ်နှင့်သွေးပေါင်ချိန်တိုင်းကိရိယာကို ဆွဲပြီး ချက်ခြင်းထလိုက်ခဲ့တော့သည်။
လူနာမှာ အသက် ၇၀ ရှိ ပိန်ပိန်ပါးပါးအဖိုးကြီးတယောက်ဖြစ်ပြီး တကိုယ်လုံးဖြူဖျော့နေသည်မှာ အထင်းသားပေါ်လွင်နေသည်။ လူနာဘေးနားရှိ ၀မ်းအိုးထဲတွင် လတ်တလောသွားထားဟန်တူသည့် ကတ္တရာစေးရောင် မည်းညစ်နေသော ၀မ်းများအပြည့်။ ဘေးနားရှိ ထွေးခံထဲတွင်လည်း နီညိုရောင်သွေးများက ပြည့်နေသည်။ လူနာအမည်မှာ ဦးသိန်းဟန်။ ကျွန်တော့ဆေးခန်းကို ဒူးနာသည့်ပြဿနာဖြင့် တစ်ကြိမ်နှစ်ကြိမ်ခန့်သာ လာရောက်ပြသဖူးသည့်လူနာဖြစ်သည်။ ဦးသိန်းဟန်မှာ ထိုစဉ်ကတည်းက အကိုက်အခဲပျောက်ဆေးများနှင့် စတီးရွိုက်ဆေးများကို ပုံမှန်သုံးစွဲနေခဲ့သည်။
`အဘ .. ဘယ်လိုစဖြစ်တာလည်းပြောပါအုန်း´ ကျွန်တော်သွေးပေါင်ချိန်တိုင်းရင်းမှ လူနာအားမေးလိုက်သည်။ တုံပြန်သံအစား ညဉ်းသံအချို့သာထွက်ပေါ်လာသည်။
`မနေ့ညကတော့ တညလုံး ၀မ်းမည်းမည်းတွေသွားတယ်ဆရာ .. ၅ ခါလောက်ရှိမယ်။ သွေးအန်တာကတော့ ဒီမနက်မှ အန်တာ။ အရင်နေ့တွေကတော့ ဗိုက်အောင့်တယ်ပြောတယ်… ထမင်းမစားတာလည်း ငါးရက်လောက်ရှိပြီ … ဒီလိုပဲအိပ်ယာထဲလှဲနေတာ ´ ဘေးကုတင်မှ လူနာတယောက်က ၀င်ဖြေသည်။
ဦးသိန်းဟန်ပါးစပ်မှ ကြားရသောအသံမှာ ညဉ်းသံမဟုတ်ပဲ ဘုရားစာတမျိုးမျိုးရေရွတ်သံနှင့် ပို၍ဆင်တူသည်။ သွေးပေါင်ချိန်မှာ အပေါ်သွေး ၆၀ အောက်သွေး စမ်းမရတော့။ မျက်ခမ်းများက ဖြူဖွေးပြီး လက်ဖျားခြေဖျားများ အေးစက်နေသည်။ ဆီးလုံးဝမထွက်တော့သည်မှာ ၅ နာရီခန့်ကြာသွားပြီဖြစ်သည်။ သွေးခုန်နူန်းက ၁၀၀။ ကျွန်တော့်သွေးခုန်နူန်းပါ တဖြည်းဖြည်းမြန်လာသည်။ လူနာကို မရမက စကားမေးရန်ကျွန်တော်ဆုံးဖြတ်လိုက်သည်။
`ဦးသိန်းဟန် … ဦးသိန်းဟန် ကျွန်တော်ပြောတာကြားလား ….. အခုဘယ်လခံစားရလဲ ပြောပြပါလား´
`မောတယ်ဆရာ…. အသက်ရှုလို့မ၀ဘူး´ သူ့အသံမှာ ဖျော့တော့နေသည်။
`ဗိုက်ရောအောင့်သေးလား´
`နည်းနည်းတော့အောင့်သေးတယ်ဆရာ´ ဗိုက်ကိုစမ်းကြည့်လိုက်တော့ ဘာမျှထူးထူးခြားခြားမတွေ့။
`ဆရာမ ကျွန်တော်တို့ဆီမှာ ရှိတဲ့ drip တွေ အကုန်ယူခိုင်းလိုက်ပါ … ကျွန်တော်တို့ လောလောဆယ် လိုင်းတင်ထားတာပေါ့ … နှစ်လိုင်းတပြိုင်နက်တင်မှ ရမယ်ထင်တယ် နောက်ပြီး နှာခေါင်းပိုက်ပါ ယူလာပေးပါ ဗိုက်ထဲကဟာတွေကို စုပ်ထုပ်ကြည့်ရအောင်´
ပြောသာပြောတာ လိုင်းတင်ပြီးလျှင်လည်း ကျွန်တော်ဘက်က ဘာမှဆက်မလုပ်နိုင်။ သွေးတိတ်သွားအောင်ထိုးရမည့်ဆေးကလည်း ကျွန်တော့်တွင် ၁ လုံးသာရှိသည်။ အသက်ကယ်ဆေး ၂ လုံးရှိသည်။ ဆုံးရှုံးထားသော သွေးပမာဏမှာ မနည်းလှ။ သွေးပြန်သွင်းနိုင်မှသာ လူနာအခြေအနေမှာ ကျွန်တော်တို့ဘက်သို့ရောက်လာနိုင်မည်ဖြစ်သည်။ သွေးသွင်းဖို့ကိစ္စမှာ မရမ်းချောင်းတွင် မဖြစ်နိုင်။ မည်သည့်နေရာမှသွေးယိုနေသနည်းကို လည်းသိရှိရန် အရေးကြီးပြန်သည်။ သွေးအားနည်းပြီး မောနေသည့်အတွက် အောက်ဆီဂျင် ပေးရန်လည်းလိုသည်။ ထိုကိစ္စများကို ဆေးရုံကြီးများတွင်သာ လုပ်နိုင်မည်ဖြစ်သည်။
`ဆေးဘီဒိုထဲမှာတော့ နည်းနည်းပဲရှိမယ်။ ကျွန်မဆေးရုံမှာသွားတောင်းကြည့်အုံးမယ်´ ပြောပြောဆိုဆို ဆရာမထွက်သွားသည်။ သွေးတိတ်ဆေးရှာခဲ့ဖို့မမှာလိုက်ရ။ ဆရာမထံတွင်လည်း သိပ်များများစားစားမရှိနိူင်။
ဆေးရုံတွင် ဆရာဝန်မရှိသည့်အတွက် လူနာမရှိ။ ဆေးရှိမည်မရှိမည်ကိုလည်း ကျွန်တော်မပြောတတ်။ သူနာပြုဆရာမတယောက်သာအစောင့်ရှိသည့် မရမ်းချောင်းတိုက်နယ်ဆေးရုံသည် ကျွန်တော့်စိတ်ထဲတွင် တိုက်ပျက်ကြီးတခုနှင့်သာတူသည်။ လက်ရှိလူနာအခြေအနေမှာ သွေးကြောအတွင်းရှိ ဆုံးရှုံးသွားသောအရည်များကို ပြန်ဖြည့်ပေးနိုင်ရေးက အရေးအကြီးဆုံးဖြစ်သည်။
လူနာခြေဖျားလက်ဖျားရှိသွေးကြောများရှာမတွေ့တော့။ အေးစက်ပြီး ပြားကပ်နေသည်။ မိုးတွင်းကာလကြီးပင် ကျွန်တော်ချွေးစေးများ ပြန်လာသည်။ မတတ်သာသည့်အဆုံး ပေါင်ရင်းရှိသွေးပြန်ကြောမကြီးမှပင် ဆေးသွင်းရန်ကြိုးစားရတော့သည်။ သွေးပြန်ကြောမကြီးမ ကျွန်တော် ဆေးမသွင်းဘူးပါ။ ဖြစ်မှဖြစ်ပါ့မလား စိတ်ထဲက တထင့်ထင့်နှင့်ထိုးလိုက်ရသော်လည်း ကံကောင်းထောက်မစွာ ဘယ်ဘက်ပေါင်ရင်းရှိသွေးပြန်ကြောမကြီးမှ အဆင်ပြေသွားသည်။ ညာဘက်တွင် ခြေသလုံးသွေးပြန်ကြော တချောင်းမှ လိုင်းရလိုက်သဖြင့် ကျွန်တော့်ဆေးခန်းတွင်ရှိနေသည့် သွေးကြောသွင်းဆေးရည် ၂လုံးကို တပြိုင်နက်ထဲ အမြန်သွင်းလိုက်ပြီး အခြားလိုအပ်သည့်ဆေးများကိုလည်း ထိုဆေး၂လုံးထဲမှ သွင်းပေးလိုက်သည်။
လူနာအား ဆီးခံထားရန် နှင့် လိုအပ်သည်များမှာကြားပြီး လူနာအခြေအနေအား ဂေဟာဥက္ကဌနှင့်တိုင်ပင်ရန်ထွက်လာခဲ့သည်။ ဆီးပိုက်ထည့်ထားခဲ့ရန် ကျွန်တော့တွင် ဆီးပိုက် အလွယ်တကူမရှိ။ အပြင်တွင်မူ save the age အဖွဲ့မှလူငယ်များက ဂေဟာအဖိုးအဖွားများအား ဟာဒယရွှင်ဆေးတိုက်ကျွေးနေသည်အလား တသောသောရယ်သံများက ညံနေသည်။ ဂေဟာဥက္ကဌအား အကြောင်းစုံရှင်းပြပြီး နီးစပ်ရာဆေးရုံကို အမြန်ဆုံးပို့နိုင်ရန် ခေါင်းချင်းရိုက်တိုင်ပင်ကြည့်သည်။ လတ်တလောဆိုလျှင် အလှူရှင်အဖွဲ့ကားနှင့်ဆိုလျှင် ဆေးရုံပိုဖို့ကိစ္စမခက်တော့။ ကျွန်တော်တို့ဘက်မှ တတ်နိူင်သလောက်ကုသပေးလိုက်နိုင်လျှင် ဆေးရုံကြီးတခုခုသို့ အချိန်မီရောက်ရှိသွားနိုင်လျှင် ဦးသိန်းဟန်အခြေအနေမှာ မျှော်လင့်စရာများစွာရှိသည်။ သို့မဟုတ်ပါက မလွယ်ရေးချမလွယ်။
အလှူရှင်အဖွဲ့ခေါင်းဆောင်နှင့်တိုင်ပင်ကြည့်တော့ သူတို့ဘက်က လိုလိုလားလားကူညီချင်သည်။ ရန်ကုန်ထဲရှိဆေးရုံသို့ပို့ပေးမည့်အပြင် လိုအပ်သည့် ကုန်ကျစရိတ်များကိုလည်း သူတို့အဖွဲ့မှ အကူအညီပေးမည်ဟုပြောလာသည်။ ကျွန်တော့်ရင်ထဲမှ အလုံးကြီးကျသွားသည်။ ဦးသိန်းဟန်အား ဘာမျှမတတ်နိုင်ပဲ လက်လွတ်လိုက်ရသည့်အနေအထားမျိုးအဖြစ်မခံနိုင်ပါ။
အခြားလူနာများထဲမှ အရေးကြီးလူနာအချို့ကိုသာ ရွေးကြည့်ပြီး ဦးသိန်းဟန်အနားသို့ပြန်လာခဲ့သည်။ စောစောကသွင်းထားသော လိုင်း၂လုံးမှာ ကုန်လုပြီ။ စောင်အောက်မှခြေထောက်များကို စမ်းကြည့်တော့ အေးစက်နေဆဲပင်။ သွေးပေါင်ချိန်က အပေါ်သွေးအောက်သွေး ၁၀ဆီ ပြန်တက်လာသည်။ သို့သော် ခဏတာသာဖြစ်မည်ကို ကျွန်တော်သိပါသည်။ ဆီးအနည်းငယ်သွားသည်။ ဦးသိန်းဟန်အား ကျွန်တော်တို့ ရန်ကုန်ဆေးရုံကြီးသို့ပို့ပေးမည်ဖြစ်ကြောင်း စိတ်ပူရန်မလိုကြောင်း အခြေအနေအနည်းငယ်တိုးတက်လာကြောင်းကို ရှင်းပြလိုက်သည်။ သို့သော် ဦးသိန်းဟန်ထံမှ ထွက်လာသော တိုးညှင်းသည့်စကားသံက ကျွန်တော့်ကို အတော်လေးစိတ်ထိခိုက်သွားစေသည်။
`ဆရာရယ် … ကျွန်တော့်ကို ဘယ်မှာ မပို့ပါနဲ့တော့ … ကျွန်တော်အခြေအနေ ကျွန်တော်သိပါတယ်။ ကျွန်တော် သူစိမ်းတွေကြားထဲမှာ သူများတွေ နှာခေါင်းရှုံ့ခံရတဲ့ဘ၀ကြီးနဲ့တော့ မသေချင်ဘူး။ ဆရာတို့လက်ထဲမှာပဲ သေပါရစေဆရာရယ်´
ဦးသိန်းဟန်၏ စကားက ကျွန်တော့်ကို ခဏတာဆွံ့အသွားစေသည်။ လူနာပေါင်းများစွာအား နှစ်သိမ့်စကား ပြောဖူးသော်လည်း ဦးသိန်းဟန်ကိုပြောရန် ကျွန်တော်ရုတ်တရက်စကားရှာမရ။
`အဘ မသေပါဘူးအဘရယ် … အနည်းဆုံးလှည်းကူးဆေးရုံလောက်……´
`ကျေးဇူးပြုပြီး ကျွန်တော့်ကို ဘယ်မှမပို့ပါနဲ့တော့ဆရာရယ်…… ကျွန်တော်ဒီမှာပဲသေချင်တယ်´ ဦးသိန်းဟတ်က ကျွန်တော့စကားကို ဖြတ်ပြောလိုက်သည်။သူ့စကားသံက တိုးညှင်းသော်လည်း ပြတ်သားသည်။ လူနာတယောက်၏တောင်းဆိုမှုကို ကျွန်တော် လျှစ်လျှူရှုသင့်သလား။ ဘာဆက်လုပ်သင့်သလဲ။ ကျင့်ဝတ်ပိုင်းဆိုင်ရာမေးခွန်းများက ကျွန်တော့်ခေါင်းထဲတွင် ရှုပ်ထွေးလာသည်။
ဘေးနားရှိ ဂေဟာဥက္ကဌကလည်း စိတ်မကောင်းသည့်မျက်နှာဖြင့် နူတ်ဆွံ့နေသည်။ ကျွန်တော် ဆုံးဖြတ်ရတော့မည်။ မပို့ဘူးဆိုလျှင် ကျွန်တော့်လက်ထဲမှာတော့ အသေမခံနိုင် ကျွန်တော် တတ်နိုင်သမျှ ကြိုးစားကြည့်ချင်သည်။ သို့သော် ကျွန်တော်တို့တွင် ပစ္စည်းကရိယာ ဆေးပစ္စည်း ဘာမျှစုံစုံလင်လင်မရှိ။ ကံတရားနှင့်စိတ်ဓါတ်သာရှိသည်။ ဥက္ကဌ ကိုလှဌေးကို အပြင်သို့ခေါ်ထုတ်ပြီး save the age မှ အဖွဲ့သားများနှင့် တိုင်ပင်ကြည့်သည်။ သူတို့ကလည်း လူနာကိုယ်တိုင်က ငြင်းဆန်သဖြင့် စိတ်မကောင်းကြ။ သို့သော် မတတ်နိုင်ပါ ဦးသိန်းဟန်၏ အခြေအနေသည် ကျွန်တော်တို့ဘက်တွင် ၃၀% ခန့်သာရှိနေသည်။ နောက်ပြီး ကျွန်တော်တို့ သူ၏ ဆုံးဖြတ်ချက်ကိုလေးစားရမည်။ ထို့ကြောင့် ဂေဟာတွင်တတ်နိုင်သမျှ ကုမည် မရမှသာ လက်လျှော့မည်ဟု ဆုံးဖြတ်လိုက်သည်။
လက်ရှိအနေအထားနှင့်ဆိုလျှင် အမြန်ဆုံး သွေးသွင်းရမည်။ သွေးအလှူခံသည့်ပုလင်းများ တိုက်နယ်ဆေးရုံတွင်ရှိကောင်းရှိနိုင်သည်။ အလှူရှင်အဖွဲ့များထဲမှ လူငယ်အချို့ကလည်း သွေးလှူချင်သည်။ ထို့ကြောင့် ကိုလှဌေးကို တိုက်နယ်ဆေးရုံလွတ်ပြီး သွေးပုလင်းများအယူခိုင်းလိုက်ရသည်။ ဦးသိန်းဟန်၏ သွေးအမျိုးအစားမှာ `အို´ ။ ကျွန်တော်တို့ စွန့်စားရတော့မည်။ လူငယ်များထဲမှ သွေးသွင်းဘူးသော အိုသွေးပိုင်ရှင်များကို ရှာကြည့်လိုက်သည်။ သိပ်များများစားစားမရှိ။ နှစ်ဦးသာရှိသည်။ ထိုနှစ်ဦးထဲမှတစ်ဦးမှာ လွန်ခဲ့သောတလခန့်ကမှ သွေးလှူထား၍ ပယ်လိုက်ရသည်။ နောက်တဦးက အိုကေသည်။ မကြာခင်ကိုလှဌေးသွေးပုလင်းများကိုင်၍ ပြန်ရောက်လာသည်။ သွေးပုလင်းအလွတ်များမှာ ၂၀၀၉ ခုနှစ်တွင် ဒိတ်လွန်ခဲ့ပြီးသား အဟောင်းများ။ ပုလင်းထဲရှိ သွေးကျဲစေရန် အခံထည့်ထားသည့်အရည်များ ပျက်ကုန်လျှင် တဒုက္မ။ စိတ်ညစ်ရပြန်သည်။ ကိုလှဌေးကိုမေးကြည့်တော့ ဆေးစတိုးတခုလုံးတွင် ၂၀၀၉ဒိတ်အစောဆုံးဖြစ်သည်ဟုဆိုသည်။ ဆရာမတယောက်ထည်းကြာနေမှာစိုး၍ သူကိုယ်တိုင်ဝင်ရှာခဲ့သည်ဟုဆိုသဖြင့် ဒိတ်ကောင်းရရန်လက်လျှော့လိုက်ရတော့သည်။ ရှိသည့်ဟာနှင့်ဖြစ်အောင်လုပ်ရတော့မည်။ လက်ရှိတွင် ဦးသိန်းဟန်အခြေအနေမှာ အနည်းငယ်တိုးတက်လာသည်။ သွေးတိတ်ဆေး၂လုံးထိုးထားပေးသောကြောင့် သွေးမအန်တော့။ သွေးပေါင်ချိန် အနည်းငယ်ပြန်တက်လာသည်။ ဆီးသွားသည်။ သို့သော် စိတ်မချရသေး။ အနည်းဆုံးသွေး ၃လုံးခန့်သွင်းရန်လိုသည်ဟု ကျွန်တော်တွက်လိုက်သည်။ ဘယ်ကရှာရမည်နည်း။
သွေးလှူမည့်လူငယ်လေးဆီမှ ရသည့်သွေးတပုလင်းကိုသာ အရင်သွင်းထားနှင့်ပြီး အိုသွေးအလှူရှင်ထပ်ရှာမှဖြစ်မည်။ အလှူရှင်များကလည်း မကြာမီပြန်တော့မည်။ ထို့ကြောင့်ရွာထဲမှ သွေးလှူချင်သည့်လူများကို ရွာဥက္ကဌမှတဆင့်ရှာခိုင်းလိုက်ရသည်။ သွေးလှူမည့်လူငယ်လေးကလည်း အရမ်းတက်ကြွနေသည်။ ကုသိုလ်လာလုပ်ရင်း ပို၍မြင့်မြတ်သည့် သွေးလှူရမည်ဆိုတော့ ၀မ်းသာနေသည်။ သူ့ကိုသွေးဖောက်နေရင်း ပုလင်းအောက်ခြေလောက်အရောက်တွင် သွေးကဆက်မကျတော့။ ပိုက်တွင်သွေးခဲပိတ်သည်ဟုထင်၍နည်းမျိုးစုံကြိုးစားသော်လည်းမရ။ နောက်ဆုံး သွေးပုလင်းရော အပ်နှင့်ပိုက်ပါလဲလိုက်သော်လည်း ဤနည်းအတိုင်းထပ်ဖြစ်ပြန်သည်။ ကောင်လေးခမျာ နှစ်ခါနာသည့်အပြင် ပုလင်းထဲသွေးကျအောင် နေရာပေါင်းစုံပြောင်းပေးသော်လည်း မရတော့။ သွေးပုလင်းများ မကောင်းတော့ပါ။ ကျွန်တော့်နဖူးမှ ချွေးများ ဗူးသီးကင်းခန့်ကျလာသလို ခံစားရသည်။ သွေးမရလျှင် ဦးသိန်းဟန် ဘာဖြစ်မည်ကို ကျွန်တော်သိနေသလို အားလုံးလည်းသိနေကြသည်။ မတတ်သာသည့်အဆုံး ရန်ကုန်ပြန်မည့်အလှူရှင်များနှင့် လိုအပ်သည့်သွေးအိတ်များနှင့် ဆေးများကို အမြန်ဆုံးဝယ်၍ ပြန်ပို့ပေးရန် မေတ္တာရပ်ခံရတော့သည်။ ဦးသိန်းဟန်အတွက် သွေးရရန် အသွားအပြန်အချိန် ၃နာရီခန့် စောင့်ရမည်။ ရွာထဲက လူများထဲမှလဲ လုံလောက်သော သွေးပမာဏရရှိရန်မသေချာ။ ဤအချိန်ကာလအပိုင်းအခြားလေးအား ကံကြမ္မာ၏လက်ထဲတွင်ပုံအပ်ထားရုံသာရှိတော့သည်။
ဤကြားထဲတွင် drip ၅ လုံးခန့်သွေးကြောတွင်းသွင်းပြီးသော်လည်း ဦးသိန်းဟန်အခြေအနေမှာ ဆက်လက်တိုးတက်မလာချေ။ ရွာထဲမှသွေးလှူရှင် လူလတ်ပိုင်း ၃ ဦးခန့်ရောက်လာသည်။ သူတို့ ၃ ဦးစလုံး သွေးမလှူဘူး။ အိုသွေးဖြစ်သည်ဟု ကိုယ့်ကိုယ်ကိုတော့သိကြသည်။ သို့သော် မသေချာ၍မဖြစ်။ ထို့ကြောင့်ဆရာမအား သွေးအုပ်စုခွဲသည့် ဆေးရည်အား တိုက်နယ်ဆေးရုံမှ ခေတ္တငှားရမ်းစစ်ဆေးကြည့်ရသေးသည်။ မှန်သည် သုံးယောက်လုံးအိုသွေးဟုသာအဖြေထွက်သည်။ သို့သော် ဆေးရည်က ၂၀၀၇ ကတည်းက ဒိတ်လွန်နေပြီ။ ကျွန်တော်မယုံရဲတော့။ ထို့ကြောင့် ကျွန်တော့်သွေးအမျိုးအစားနှင့်တိုက်ဆိုင်စစ်ဆေးကြည့်သည်။ ကျွန်တော့်သွေးက အေဘီ။ သို့သော် အဖြေထွက်လာတော့ အိုဟုထွက်နေသည်။ ဆရာမသွေးအမျိူးအစားက ဘီသွေး သို့သော် အဖြေက အေဘီထွက်သည်။ ဘယ်လိုမှ ယုံ၍မရတော့။ ယုံလဲမယုံရဲတော့။ သွေးမှားသွင်းမိပါက ဦးသိန်းဟန်အား အဆင်းဘီးတပ်ပေးသလိုဖြစ်နေမည်။ အခြေအနေတွေက ပို၍ဆိုးကုန်မည်ဖြစ်သည်။ ထိုသို့ဖြစ်ကုန်လျှင် ကျွန်တော်တို့ကြိုးစားထားသမျှ သဲထဲရေသွန်ဖြစ်ပြီ။ ထို့အပြင် သွေးလှူမည့်သူသုံးဦးထဲမှ တစ်ဦးမှာ သွေးပေါင်ချိန် ၉၀/၆၀သာရှိသဖြင့် သူ့ကိုလည်းပယ်လိုက်ရပြန်သည်။ မကြာခင်မှာပင် လှည်းကူးမှ မှာလိုက်သော သွေးအိတ်များနှင့်ဆေးများရောက်လာသည်။ ဦးသိန်းဟန်က ၀မ်းမဲမဲများတခါထပ်သွားသည်။ သွေးပေါင်ချိန်တက်မလာ။ ထို့ကြောင့်လူနာ၏သွေးနှင့်သွင်းမည့်သွေးကို ကြွေပြားလေးပေါ်တွင် ရောနှောကြည့်သည်။ အလွယ်တကူရောနှောသွားပြီး သွေးအမျိုးအစားမတူလျှင် ဖြစ်သည့် သွေးအစိုင်အခဲအစုအဝေးလေးများမဖြစ်။ ထို့ကြောင့်ဤအလှူရှင်၂ယောက်ထံမှ သွေးကိုသာ မသွင်းမဖြစ်သွင်းမည်ဟု ကျွန်တော်ဆုံးဖြတ်လိုက်သည်။
သွေးသွင်းကာစမှစပြီး ဦးသိန်းဟန်နားတွင်ရင်တမမနှင့်စောင့်ကြည့်နေရသည်မှာ အတော်လေးဆိုးလှသည်။ သွေးမတည့်လျှင်ဖြစ်တတ်သည့် သဘောသဘာဝများကို ဦးသိန်းဟန်အားရှင်းပြထားပြီးဖြစ်သော်လည်း စိတ်မချနိုင်၍ ၁၅မိနစ်တခါစမ်းသပ်နေမိသည်။ သွေးသွင်းပြီး မိနစ် ၃၀ ခန့်အထိ ဘာမျှမဖြစ်မှ ကျွန်တော်သက်ပြင်းချနိုင်သည်။ အခြားဆေးများကိုလည်း အခြားလိုင်းတခုမှ လိုသလိုသွင်းပေးနေရင်း ကျွန်တော်စိတ်မောလူမောဖြစ်လာသည်။ ကျွန်တော်လိုဆရာဝန်ပေါက်စတယောက်လက်ထဲတွင် ရဲရဲဝံ၀ံ အသက်ကိုပုံအပ်ရဲသော လူနာကို ကျွန်တော် မသေစေလိုပါ။ သွေးတလုံးသွင်းပြီးနောက်တွင် ဦးသိန်းဟန်အခြေအနေမှာ အနည်းငယ်တိုးတက်လာသည်။ အသက်ရှုနူန်းမှန်လာပြီး သွေးပေါင်ချိန် ၈၀/၆၀ ဖြစ်လာသည်။ သွေးအန်ခြင်းဝမ်းသွားခြင်းများမရှိတော့။ ထည့်ထားသော နှာခေါင်းပိုက်မှလည်း သွေးမထွက်တော့။ သို့သော် မောနေသေးသည်။ ဆီးအထွက်နည်းနေသေးသည်။ ကျွန်တော် စိတ်ဒုန်းဒုန်းမချရဲသေးပါ။ ဘေးနားတွင်ဖွင့်ထားသည့်တရားခွေကြောင့်လည်း တစုံတရာကိုစိုးရိမ်နေမိသေးသည်။ သွေးနောက်တလုံးသွင်းပြီးချိန်အထိ အခြေအနေမှာ ထူးမလာသေးသည့်အချိန်တွင် ကျွန်တော် နောက်ထပ်သွေးတလုံးထပ်သွင်းရန်ဆုံးဖြတ်လိုက်သည်။ ကိုလှဌေးမှာ အိုသွေးဖြစ်သော်လည်း ကျန်းမာရေးသိပ်မကောင်းသဖြင့် ပယ်လိုက်ရသေးသည်။ကျွန်တော်တို့တပ်မှ အိုသွေးပိုင်ရှင် တပ်ကြပ်ကြီးတယောက်အား သွေးသွင်းရန် စည်းရုံးကြည့်သည်။ ထိုဆရာကြီးက လိုလိုလားလားရှိသော်လည်း သွေးမလှူဘူး။ သွေးတော့စစ်ဘူးသည်။ သွေးမြင်လျှင်ကြောက်တတ်သည်။ ကျွန်တော့်တွင်လည်း သွေးအိတ်က ၂ အိတ်သာလက်ကျန်ရှိတော့သည်။ ရွာထဲတွင်ထပ်ရှာရန်လည်း အချိန်မရှိတော့။ ထို့ကြောင့် ထိုတပ်ကြီးအား ချော့မော့ပြောဆိုကာ သွေးလှူရန် တိုက်တွန်းရတော့သည်။ သွေးလှူရှင်မှာ မိမိသွေးလှူရမည့်လူနာအခြေအနေကို သဘောပေါက်ပြီး ချက်ခြင်းထုတ်ရန် ခွင့်ပြုသဖြင့် နောက်ထပ်သွေးတလုံးထပ်သွင်းရန်အခွင့်အရေးရသွားသည်။
သွေးသုံးလုံးသွင်းပြီးသည့်နောက်တွင် ဦးသိန်းဟန်သွေးပေါင်ချိန် သိသာစွာတဖြည်းဖြည်းတက်လာသည်။ ဖြူဖျော့နေသောအသားအရေမှာ အနည်းငယ်ပန်းရောင်သန်းလာသည်။ ဆီးလည်းကောင်းစွာသွားနိူင်လာသည်။ အနည်းငယ်သက်သာကြောင်း အသက်ရှုရသည်မှာအဆင်ပြေကြောင်းပြောနိုင်လာသည်။ ခြေဖျားလက်ဖျားလေးများပြန်လည်နွေးထွေးလာသည်။ ဗိုက်အောင့်သက်သာသွားသည်။ ကျွန်တော်တို့ဘက်သို့ ၇၀ % ပြန်ပါလာပြီဟုပြောနိုင်လာသည်။ ကျွန်တော့၏ မရမ်းချောင်းတင်္နဂနွေသည် စိတ်ပျက်စရာမဟုတ်တော့။ ကျွန်တော်တို့၏ စေတနာဖြင့်အားထုတ်မှုကို ကံကြမ္မာက အသိအမှတ်ပြုလိုက်သလိုခံစားရသည်။ သွေးလှူရှင်များအနေဖြင့်လည်း မိမိ၏ သွေးဖြင့်အသက်ကယ်လိုက်ရသော ပီတိကို မျက်ဝါးထင်ထင် ကောင်းစွာခံစားလိုက်ရသဖြင့် လည်းကောင်းတို့၏စိတ်ထဲတွင် နောက်တဖန်သွေးလှူချင်စိတ်များ တဖွားဖွားပေါ်ပေါက်မည်လားမပြောတတ်။ ကျွန်တော့်ရင်ထဲတွင်တော့ နောက်တကြိမ်အစာအိမ်သွေးယိုစီးမှုမဖြစ်ရန်သာ အကြိမ်ကြိမ်ဆုတောင်းနေမိသည်။
နောက်ရက်များတွင် ဦးသိန်းဟန်၏ အခြေအနေမှာ အတော်လေးသိသိသာသာ ကောင်းမွန်လာသည်။ အစာမစားနိုင်သေးသော်လည်း သွေးကြောတွင်းသွင်းအရည်များနှင့်အားဆေးများကြောင့် ထူထူထောင်ထောင်ဖြစ်လာသည်။ နောက်ထပ်သွေးယိုစီးသည့် လက္ခဏာများမရှိတော့။ နောက်တပါတ်အကြာတွင် ဦးသိန်းဟန် ချိုင်းထောက်နှင့်လမ်းလျှောက်လာနိုင်သည်။ လူမတွဲရတော့။ အစာပျော့ပျော့စားနိုင်လာသည်။ ဆီးမှန်ဝမ်းမှန်ပြန်ဖြစ်လာသည်။ နောက်၃လအကြာတွင် mutdfan အဖွဲ့မှ ဂေဟာရှိ အဖိုးအဖွားများအား ပထမဆုံးအကြိမ် ကျိုက်ထီးရိုးဘုရားဖူးပို့ပေးသည့်အစီအစဉ်တွင် ကျန်းမာစွာ လိုက်ပါဖူးမျှော်နိုင်ပြီဖြစ်သည်။ လက်ရှိအချိန်အထိ ကျန်းမာစွာ နေနိုင်သည့်အပြင် ကျွန်တော့်ဆေးခန်းကိုပင် သာမန်ရောဂါများဖြင့်မလာတော့ ။ ဂေဟာရောက်တိုင်း သူ့အားအမြဲတမ်းပြုံးရွှင်စွာတွေ့ရသည်။ သူ့အားအသက်ကယ်ပေးခဲ့သည်မှာ မည်သည့်အကျိုးကိုမှ မမျှော်မှန်းပဲ လှူဒါန်းခဲ့သည့် သွေးလှူရှင်များ၏ သွေးပင်ဖြစ်သည်။
မှတ်ချက်။ ။ဤဆောင်းပါးဖြင့် မရမ်းချောင်းဂေဟာတွင် သွေးလှူဒါန်းပေးခဲ့ကြသော အလှူရှင်သုံးဦးအား မှတ်တမ်းတင်ဂုဏ်ပြုလိုက်ပါသည်။