ငရဲပြည်သို့ အလည်တစ်ခေါက် ....(၃)

          အိပ်မက်ထဲမှာ ငရဲမင်းက ကျုပ်ကို အင်တာဗျုးနေတယ်။ သူမေးတာတွေလည်း ကျုပ်တလုံးမှ အဆီအငေါ်တဲ့အောင် မဖြေနိုင်ဘူး။ တီဗွီကြော်ငြာထဲက ကင်းကောင်ကိုမေးသလို ‘မောင်ကင်း …. ငှက်ဖျား ဘာကြောင့်ဖြစ်သလဲ´ ဆိုတာမျိုးတွေမေးရင်လည်းအကောင်းသား။ အခုတော့ မေးလိုက်တာတွေက စုံနေတာပဲ။

          `မြန်မာနိုင်ငံရဲ့ ပထမဆုံး တရားဝင် မိန်းမနှစ်ယောက်ယူတဲ့သူက ဘယ်သူတုန်း´

          `အင်း…… ဘုရင့်နောင် …. အဲ… အလောင်းဘုရား´

          `နိုး…နိုး… သေချာစဉ်းစားပါအုံး´

          `ဟို….နတ်သျှင်နောင်ဖြစ်မလားမသိဘူး…သူကနဲနဲရှုပ်တယ်…ဟီး´

          `ကဲ…. နောက်မေးခွန်းတခုမေးမယ်….. ဗဟုသုတနဲ့ဆိုင်တာပေါ့…. မြန်မာနိုင်ငံမှာ တံတားဘယ်နှစ်စင်းရှိလဲ´

          `၁၂၈၄ စင်း´ ဒါမျိုးတော့ဘယ်ရမလဲ ကျုပ်လဲဝန်ထမ်းရွေးချယ်လေ့ကျင့်ရေးဝင်ထားဘူးတော့ ဒါမျိုးတော့အေးဆေး။

          `နိူး …. မှားတယ် … ၁၂၀၀ ပဲကျန်တော့တယ် … ၈၄စင်းကို KIA ကမိုင်းခွဲလိုက်ပြီ´ ငရဲမင်းက ကျုပ်အပိုင်ဖြေလိုက်တဲ့ အဖြေမှားသွားတော့ အတော်လေးကျေနပ်သွားတဲ့ဟန်နဲ့ ကျုပ်ကို စပ်ဖြီးဖြီးကြီး ကြည့်နေတယ်။ သေပြီဆရာ။ ဒါမျိုးတွေကို ကျုပ်ထည့်စဉ်းစားမိဖို့ကောင်းတယ်။ တော်သေးတာပေါ့…… နဲနဲနီးစပ်လို့။

          `ကဲ …. နောက်တခု …. ဘာသာရေးနဲ့ဆိုင်တာမေးမယ် …. မောင်မင်း ဗုဒ္ဓဘာသာမှုတ်လား ´ ဆိုပြီး သူ့ရှေ့က အိုင်ပက်လိုလို ဟာကြီးကို ဟိုပွတ်ဒီပွတ်လုပ်နေတယ်။ ကျုပ်လဲသွားပြီလို့တွက်လိုက်တယ်။ ဒီမေးခွန်းလဲ ကျုပ်ဖြေနိုင်မှာ မဟုတ်ဘူးထင်တယ်။ ဒီငရဲမင်းက ကျုပ်ကို လူ့ပြည်ပြန်မတက်နိုင်အောင် သက်သက်ညစ်တာပဲ။

          `သီတဂူ ဆရာတော်ဘုရားကြီး မုတ်ဆိတ်ရိတ်ရင် … ဘယ်ဒါးအမျိုးအစားကိုသုံးလဲ´

ဝူး….တော်သေးတာပေါ့ .. ခန့်မှန်းရလွယ်တဲ့ မေးခွန်းမို့လို့။ ကျုပ်နဲနဲအသက်ရှုချောင်သွားတယ်။ ဒါမျိုးတွေက ဖောလို့ရတယ်လေ။

          `ဦးဇင်းဘ၀တုန်းကတော့ သင်တုန်းဓါးပဲသုံးပြီ….. ဆရာတော်ကြီးဖြစ်လာတော့ အချိန်သိပ်မရတာနဲ့ ဂျီးလတ်ကဂျုတ်နဲ့ပဲရိတ်ပါတယ် …. တခါတလေ ပျင်းရင်တော့ လျှပ်စစ်ဂျုတ်နဲ့ရိတ်ပါတယ်´

          ကျုပ်လည်း အတော်လေးပြည့်ပြည့်စုံစုံ ဖောပစ်လိုက်တယ်။

`မောင်မင်း …. ရွှီးတာကြီးကသိသာတယ်….. မသိရင်မသိဘူးဖြေပေါ့ … သီတဂူဆရာတော်ကြီးက မုတ်ဆိတ်မွေးမရိတ်ဘူး…. နုတ်ပဲနုတ်တာ´

          `အာ….ဒါမဖြစ်နိုင်တာပဲ … ဟိုလေ….များလာရင်တော့ ….အချိန်မရရင် ….ရိတ်..ရိတ်´ ငရဲမင်းက သူ့လက်ထဲက ဖန်ခွက်ကို ဆောင့်ချလိုက်တဲ့အသံက အခန်းတခုလုံးကို ဟီးထွက်သွားတယ်။ ကျုပ်လဲ နဲနဲတော့ ဖြုံသွားတယ်။

          `တော်…. မောင်မင်းတို့ ဆရာဝန်တွေက မေးလိုက်ရင် ဒီတိုင်းပဲ…. မသိရင် မသိဘူး မဖြေဘူး… ဝေ့လည်ကြောင်ပတ်နဲ့…. မောင်မင်းတို့ စာမေးပွဲတွေမှာလို ဖြေလို့ရမယ်ထင်လို့လား´

          ငရဲမင်း ရူးရူးရှဲရှဲဖြစ်ပြီး အခန်းထဲမှာ ခေါက်တုံ့ခေါက်ပြန်လမ်းလျှောက်နေတယ်။ သူ့ကြည့်ရတာ ဆရာဝန်တွေကို အတော်လေး အစာမကြေဖြစ်နေပုံရတယ်။ တော်ကြာဆက်မမေးတော့ပဲ … တခါထဲ အမြဲထမ်းဝန်ထမ်းခန့်လိုက်မှ အကျိုးနည်းရချည်သေးလို့တွေးပြီး ကျုပ်လဲ အထွန့်မတက်ဖို့ဆုံးဖြတ်လိုက်တယ်။

          `မထင်ပါဘူး … ငရဲမင်းကြီးခင်ဗျာ´

          `မောင်မင်းကို နောက်ဆုံးမေးခွန်းတခုမေးမယ် …. သက်ညှာတဲ့အနေနဲ့ မောင်မင်းတို့ ဆေးပညာနဲ့ ဆိုင်တာပဲမေးမယ်… မှန်အောင်ဖြေပါ …. မဖြေရင် မောင်မင်းကို လူ့ပြည်ပြန်မလွှတ်တော့ဘူး …. တို့ဆီမှာလည်း နေရာလွတ်က လောလောဆယ်မရှိတော့ …..´ ငရဲမင်းက ရုတ်တရက်တိတ်သွားပြီး ဘေးနားက ကွန်ပျုတာတချောက်ချောက်လုပ်နေတဲ့ ငရဲစာရေးမလေးကို လှမ်းမေးတယ်။

          `တခြားဘုံတွေမှာ …. ဘယ်နေရာတွေအများဆုံးလွတ်လဲကြည့်လိုက်စမ်း….သမီး´ အောင်မလေး .. ဒီစာရေးမလေးကို ကျတော့သမီးတဲ့ ငါ့ကျတော့ သေးထွက်ကျမတတ် ဟိန်းလိုက်ဟောက်လိုက်တာများ။

ကောင်မလေးက ကျုပ်ကို မျက်မှန်အပေါ်ကနေ တချက်ကျော်ကြည့်လိုက်ပြီး…. မဆိုင်းမတွပဲ ပြန်ဖြေတယ်။

          `၀က်´

          အောင်မငီး….၀က်တဲ့လား။ တခြားရှားပါးသတ္တ၀ါတွေထဲမှာရောမရှိတော့ဘူးလား။ ဟိုတလောက မှကျားတွေမျိုးတုန်းတော့မယ်ဆိုပြီး ကယ်ကြပါ ..ဘာညာနဲ့ အင်တာနက်မှာတွေ့လိုက်ရသေးတယ်။ အဲလို အကောင်မျိုးတွေနေရာပို့ပေးရင် တော်သေး။ အခုဟာက မွေးပြီးသိပ်မကြာဘူး သေချာပေါက် ဟင်းအိုးထဲ ရောက်မဲ့နေရာကြီး။ ကျုပ်…လူ့ပြည်မတုန်းက မိန်းမနဲ့ ၀က်သားဒုတ်ထိုး တနင့်တပိုးအုပ်ခဲ့တာတွေ ပြန်သတိရလာတယ်။ နှာနူလေးပေးပါအုန်း …. လျှာဖျာလေးလုပ်ပါအုန်း….အသားကောင်းတာလေး တကင်လောက် အဆစ်ပေးအုန်းလေ … ဒီလိုတွေပြောပြီး အားပါးတရအုပ်ခဲ့တာတွေတွေးပြီး ခြေတုန်လက်တုန် တောင်ဖြစ်လာတယ်။ ကျုပ်….ဒီမေးခွန်းကိုတော့ သေချာပေါက်ဖြေနိုင်မှ ရမယ်။ ဆေးပညာနဲ့ဆိုင်တာ ဆိုရင်တော့ ကျုပ်မသိတာက ခပ်ရှားရှားရယ်။ ကိုယ့်ဂွင်ထဲ ရောက်မှကိုယ်မရရင် သိက္ခာကျရချည်သေး။

          `ဟုတ်ကဲ….မေးပါ..ငရဲမင်းကြီး´

          `ကမ္ဘာပေါ်မှာ …. ဆရာဝန်တွေအတွက် ….. လစာအနိမ့်ဆုံးက ဘယ်နိုင်ငံလဲ´

အာ….ခက်ပြီ။ မြန်မာနိုင်ငံလား?။ ကျုပ်တို့မြန်မာနိုင်ငံက ကမ္ဘာ့အဆင်းရဲဆုံးနိုင်ငံတွေထဲမှာ မပါသေးဘူး။ ကျုပ်တို့ထက်ဆင်းရဲတဲ့နိုင်ငံတွေ တပုံကြီးကျန်သေးတယ်။ ကမ္ဘာ့အဆင်းရဲဆုံးနိုင်ငံက ဘယ်နိုင်ငံပါလိမ့်။ ဟိုတလောကမှ ဂျာနယ်တွေထဲမှာ ဖတ်လိုက်ရသေးတယ်။ ကွန်ဂို…။ ဟုတ်တယ်…..ကွန်ဂို။ ကွန်ဂိုမှာ ဆရာဝန်တွေ လစာနည်းလို့ ဆန္ဒပြကြတယ်တဲ့ … ရေးထားတာဖတ်လိုက်ရတယ်။ ဒါဆိုရင် ကမ္ဘာပေါ်မှာ ဆရာဝန်တွေအတွက် လစာအနည်းဆုံးနိုင်ငံက ကွန်ဂိုပဲပေါ့။ ဒီအဖြေက မှားဖို့နည်းသွားပြီလေ။ အမလေး…လေး…ကျုပ် .. ဗဟုသုတလေး နည်းနည်းရှိလို့တော်သေးတာပေါ့။ ကျုပ်လဲ မျက်နှာကို မော့ပြီး…. ဒီလောက်ကတော့ သိပါတယ် ဆိုတဲ့အထာနဲ့ ပြန်ဖြေလိုက်တယ်။

          `ကွန်ဂို´

          `မှားတယ်… မောင်မင်းဖောပြန်ပြီ….ကွန်ဂိုက ကမ္ဘာပေါ်မှာ အဆင်းရဲဆုံးနိုင်ငံဆိုတာတော့ မှန်တယ်။ အေး…..ဒါပေသိ ဆရာဝန်တွေကို တစ်လကို ဒေါ်လာ ၅၅၀ မြန်မာငွေနဲ့ဆိုရင် ၄သိန်းကျော် ပေးတာကို မကျေနပ်လို့ ဆန္ဒပြကြတယ် … ဆိုတာ အင်တာနက်မှာအကျယ်တ၀င့်ပါတယ်။ မောင်မင်း….အင်တာနက်တွေ ဘာတွေလည်း သုံးပုံမရဘူး။ အလကားနေအလကား အသုံးမကျတဲ့ facebook လိုဟာမျိုးတွေမှာပဲ အချိန်ဖြုန်းနေတယ်´

          ကျုပ်ခေါင်းတခုလုံးချာချာလည်သွားတယ်။ နောက်ဆုံးမေးခွန်းလဲ လွဲပြန်ပြီ။ ကျုပ်တော့ သေချာပေါက် `၀က်´ဖြစ်ပြီလို့တွေးပြီး မျက်ရည်ပေါက်ကြီးတွေစီးကျလာတယ်။

          `ဒီလူကို ခေါ်သွားကြစမ်း….သူ့ passport မှာ လူ့ပြည်အပြန်ခရီးကို cancel လုပ်လိုက် .. ´

          `အာ…. နေပါအုန်း ငရဲမင်းကြီးရယ် … ကျုပ်ကို နောက်မေးခွန်းတခုလောက်ဆက်မေးပါအုန်း.. ကျုပ်ဖြေနိုင်မှာပါ´

          `နောက်တယောက်သွင်းလိုက်…´

          ငရဲမင်းက မင်းထိုက်နဲ့မင်းကံ ခံပေတော့ဆိုတဲ့အထာနဲ့ လက်နောက်ပစ်ပြီး ကျောခိုင်းနေလေရဲ့။ ငရဲသား နှစ်ယောက်က ကျုပ်ကို ဘေးတဖက်တချက်ကနေဆွဲခေါ်ပြီး မှည်းမှောင်နေတဲ့ ချောက်ကြီးထဲကို ပစ်ချလိုက်တဲ့အချိန်မှာပဲ ခေါင်းကို တစုံတခုနဲ့ဆောင့်မိပြီး ကျုပ်လန့်နိုးလာတယ်။ အေးစက်နေတဲ့ အဲကွန်းကားထဲမှာ တကိုယ်လုံးလဲချွေးစေးတွေပြန်လို့ ။

          `ဘာဖြစ်တာလဲ…´ ဘေးနားက ကျုပ်လိုပဲ အိပ်ငိုက်နေတဲ့ ခေါင်းပေါင်းနဲ့ ငနဲကြီးကို မေးကြည့်လိုက်တယ်။ သူလည်း အူကြောင်ကြောင်ဖြစ်နေပုံပဲ။

          `ဂျိုင့်ထဲကျတာနေမှာပေါ့´

ကျုပ်တို့ စကားမဆုံးခင်မှာပဲ ကားကထိုးရပ်သွားပြီး ကားတံခါး ရုတ်တရက်ပွင့်လာတယ်။ ကျုပ်တို့ကားရဲ့ နောက်ဆုံးခေါ်ရမဲ့လူတစ်ယောက်တော့ ရောက်လာပြီလို့ ကျုပ်တွေးလိုက်တယ်။ ကျုပ်တုန်းက လာခေါ်သလိုပဲ စတစ်ကော်လံ ပုဆိုးအမဲနဲ့လူနှစ်ယောက်က တွဲပြီးကားထဲကို လူတယောက်တွန်းထဲပေးလိုက်တယ်။

ငရဲပြည်သို့အလည်တစ်ခေါက် .... (၂)

ကျုပ်အိမ်အောက်မှာ ကားအနက်ကြီးတွေ စီတန်းပြီးရပ်ထားတယ်။ အားလုံးကလည်း မဲနက်ပြောင်လက်ပြီး ကားအကောင်းစားတွေချည်းပဲ။ BMW, GMC, Mercedes, Ferrari အားလုံး နာမည်ကြီးတွေချည်းပဲ။ ဒီလိုကားမျိုးတွေကို ငရပြည်သွားမှပဲစီးရတော့မယ်ဆိုတဲ့ အတွေးကြောင့် ကျုပ်မျက်နှာ စပ်ဖြီးဖြီးကြီးကိုဖြစ်လို့။ ကျုပ်ကို တွဲခေါ်လာတဲ့ စတစ်ကော်လံနဲ့ ငနဲသားတယောက်ကို မေးကြည့်လိုက်တယ်။

          `ကျုပ်ကို ဒီကားတွေနဲ့ ခေါ်မှာလား….. ဘယ်ကားစီးစီးရလား´

          `နိူး…ဆရာ ကားပေါ်မူတည်ပြီး ကူးတို့ခ ကွာသွားမယ်….. BMW ဆို ၁၀၀၀၀၊ Ferrari ဆို ၈၀၀၀ ၊ GMC ဆို ၁၂၀၀၀…. တိုယိုတာ စီးရီးက အနိမ့်ဆုံး ၂၀၀၀ ရှိမယ်၊ လမ်းကောင်းတဲ့ အမြန်လမ်းကမောင်းပေးမယ်´

          `အာ….ခင်ဗျားတို့ကလည်း ….. ဒါသက်သက်လုပ်စားတာပဲ…. ဘယ်နှဲ့ဗျာ… ဘယ်သူက ကူးတို့ခ ဒီလောက်ထည့်လာမှာလဲ ..´  ဆရာသမားက ကျုပ်ကို နူတ်ခမ်းရွဲ့ပြီး ပုခုံးတွန့်ပြတယ်။

          စိတ်ထဲကလည်း ကူးတို့ခ ၁၀၀၀၀ ပဲထည့်ပေးလိုက်တဲ့ မိန်းမကို ကျိတ်ပြီး ကျိန်ဆဲမိတယ်။ အိမ်အ၀က နာနာဘာဝစောင့်ကြည့်လေ့လာရေးကကောင်ကို ၂၀၀၀ ပေးလိုက်ရတော့ ကျုပ်အိတ်ထဲ ၈၀၀၀ ပဲကျန်တော့တယ်။ ကားအကောင်းစားကြီးစီးပြီး ဟိုရောက်မှ ငွေလိုနေရင်ဒုက္ခ။ ကားအကောင်းစားစီးလို့ မဖြစ်သေးပါဘူး။

          `အနိမ့်ဆုံးကူးတို့ခက ဘယ်လောက်လည်း.. ဘာကားနဲ့လည်း၊ လိုင်းကားတွေဘာတွေ ရောမရှိ

ဘူးလားဗျာ´

          `အနိမ့်ဆုံးကတော့ လိုင်းကားပေါ့ဗျာ…. အောက်ခြေလူတန်းစားနဲ့ ငရဲပြည်ကသေချာပေါက် ပြန်မရောက်မဲ့လူတွေ စီးတာများတယ် …. ၅၀၀ပဲရှိတယ်….လမ်းကတော့ကြမ်းမယ် …. အချိန်လဲပိုကြာတယ်´

          `ကျုပ်လဲ အဲဒါပဲစီးမယ်ဗျာ….ရတယ်မှုတ်လား´

          `ခင်ဗျားဗျာ …. ဆရာဝန်တယောက်ဖြစ်ပြီး ကိုယ့်ကိုကိုယ်အဲ့လောက်တောင် ယုံကြည်မှုမရှိဘူးလား၊ ခင်ဗျားကောင်းတာလုပ်ရင် ပြန်လာရမှာပေါ့…. ပိုက်ဆံကိစ္စထည့်တွက်မနေပါနဲ့ဗျာ… ကားအကောင်းပဲ စီးစမ်းပါ´

          ဧကန္တ… ငနဲသားက ကားပွဲစားကနေ ဘ၀ပြောင်းလာတာထင်တယ်။ ကျုပ်ကိုလာချုပ်နေလိုက်တာများ။ သူပြောတာနဲ့တင် ကျုပ်နဲနဲထွေသွားတယ်။ အေးလေ…ငါလည်းမကောင်းတာတွေ ဘာမှသိပ်မလုပ်ပဲလေ။ ငရဲပြည်မှာ နည်းနည်းပါးပါး အစစ်ခံပြီး ပြန်ရမှာပဲ။ ဒီငနဲပြောသလို ကားအကောင်းစားလေးနဲ့ပဲ သွားတာကောင်းပါတယ်လေ။ အင်း…..ဟိုရောက်လို့ ပိုက်ဆံထပ်လိုနေမှ ဒုက္ခ။ ပိုက်ဆံချေးမဲ့ ဘော်ဒါတွေကလည်း ချက်ခြင်းတော့ မသေလောက်သေး။ ကျုပ်တွေဝေနေပုံကြည့်ပြီး အဲဒီငနဲကပဲ…

          `ဒီလိုလုပ်ဆရာ …. ကူးတို့က နည်းနေရင်လည်း ၆ယောက်စီးရတဲ့ super custom လောက်နဲ့သွား … လမ်းလဲကောင်းမယ်…မြန်မြန်ရောက်မြန်မြန်ပြန်ပေါ့ဗျာ….ဟုတ်ဘူးလား… လူပြည့်အောင်တော့ .. စောင့်ရမယ်´

ဒါတောင် ကျုပ်အပေါ်မှာ ခင်ဗျားကျေးဇူးရှိလို့ လုပ်ပေးတာ။

          `ကျုပ်ကျေးဇူးတွေခင်ဗျားအပေါ်မှာရှိတယ်…ဟုတ်လား..ခင်ဗျားကိုလဲ ကျုပ်မသိပါလား´

          `တိုက်ရိုက်ကြီးတော့မဟုတ်ဘူးလေ…. ခင်ဗျား ကျုပ်ယောက္ခမကြီးကို ဆေးလာထိုးပေးပြီး နောက်သုံးရက်လောက်နေတော့ ရှောသွားတယ် … အဲဒါလေးတခုကို ကျုပ်က စိတ်ထဲက ကျိတ်ပြီး ကျေးဇူးတင်နေတာ´

          `ခင်ဗျားဟာကလည်းဗျာ …. ကျုပ်ဆေးထိုးလို့ တန်းပြီးသေတဲ့လူမရှိပါဘူး … သူ့ဟာသူ နေ့စေ့ကံကုန်ဖြစ်မှာပါ´

          `ကဲ… ဒါတွေထားတော့ဗျာ .. ကူးတို့ခဘယ်လောက်ကျမှာလဲ´ ကျုပ်လဲလိုရင်းကိုတည့်တိုးပဲ မေးချလိုက်တယ်။

          `၁၅၀၀ ပဲကျမယ်ဗျာ….ဘယ်လိုလဲ …. ဆရာဝန်ဖြစ်ပြီး အဲလောက်လဲ ကပ်စေးမနဲပါနဲ့ဗျာ´

          `အာ … ဒီလူတော့ … ဆရာဝန်တိုင်းချမ်းသာတယ်လို့ ဘယ်သူပြောလဲ…´ ကျုပ်လဲ စိတ်ပေါက်ပေါက်နဲ့ ဘုတောလိုက်တယ်။ ဟုတ်တယ်လေ … ကိုယ်တွေမှာ တလနဲ့တလ အလျှင်မှီဖို့တောင် မနည်းလုပ်နေရတာ။ ဒီလူက ၀ါးလုံးရှည်နဲ့လာရမ်းနေသေး။

          `ကဲပါ … စိတ်တိုမနေပါနဲ့ ကျုပ်ကားခေါ်လိုက်မယ်။ ပြောပြောဆိုဆို သူက ကျုပ်ရှေ့က ကားအကောင်းစားတွေကို အချက်ပြလိုက်တာနဲ့ လှစ်ခနဲပျောက်သွားပြီး ကျုပ်ရှေ့ကို ခပ်စုတ်စုတ် super custom တစ်စီးရောက်လာတယ်။

          `ခင်ဗျားဟာက … စောနကားတွေနဲ့ တခြားစီပါလားဗျာ..´

          `လျှာမရှည်နဲ့ဆရာ … ဒီဈေးနဲ့ ဒါမျိူးပဲရမယ်။ ဒါတောင်ကျေးဇူးရှိလို့နော် … လူနှစ်ယောက်ပဲစောင့်ရမယ် … ပြည့်ရင်ချက်ခြင်းထွက်မှာ…´

          ကားပွဲစားနာနာဘာဝက ကျွန်တော့်ကို ကားပေါ်တင်ပေးပြီးတာနဲ့ လှစ်ခနဲပျောက်သွားလေရဲ့။ ကားပေါ်ရောက်တော့ ကျုပ်ထက်စီနီယာကျတဲ့ လူသုံးယောက်လောက်အဆင်သင့်ရောက်နေတယ်။ ကျုပ်ကိုလည်း စပ်စုတဲ့မျက်လုံးတွေနဲ့ လိုက်ကြည့်လို့။ ကားအတွင်းခန်းနံရံတွေမှာလည်း Mr Guitar တို့ အတွဲတွေချိန်းတွေ့တဲ့နေရာခုံတွေပေါ်မှာရေးထားသလို ဘယ်နေ့ကဘယ်သူနဲ့ရောက်ခဲ့တယ်ဆိုတာ မျိုးတွေကို ဆော့ပင်တွေ၊ မှင်ဖျက်ဆေးတွေနဲ့ ပွနေအောင်ရေးထားတယ်။ `ပေသီးရေ … ငါတော့သွားနှင့်ပြီ´ ဆိုတာမျိုးတွေ `သဲ နဲ့ကိုကို ဒီကားနဲ့ ငရဲပြည်သွားတယ်´ဆိုတာမျိုးတွေပေါ့။ ဒီလိုဆိုတော့လည်း ငရဲပြည်ကား လိုင်းက စိတ်ကူးကောင်းသားပဲလို ကျုပ်တွေးမိတယ်။ ကျုပ်လဲ ဘယ်လိုရေးရင်ကောင်းမလဲလို့ စဉ်းစားနေတုန်း ကားပေါ်ကလူတစ်ယောက် ဖြတ်မေးတယ်။

          `ခင်ဗျားက ကြည့်ရတာ ငယ်ငယ်ပဲရှိအုန်းမှာ ဘယ်လိုသေတာတုန်း´ ဆိုပြီးမိတ်ဆက်လာတယ်။ ဒီလူပုံစံက အသက် ၅၀ဆယ်လောက်တော့ရှိမယ်။ ၀ဖိုင့်ဖိုင့်နဲ့ ခေါင်းပေါင်းကြီးနဲ့ဆိုတော့ လွတ်တော်အမတ်ပုံစံ။  

          `ကျုပ်လား…. သေတော့သေသေးဘူးဗျ…မြောနေတာ…. ဘာကြောင့်မြောနေတာလဲဆိုတာတေ့ာ ကျုပ်မမှတ်မိဘူးဗျ…. ငရဲပြည်လေ့လာရေးပေါ့ဗျာ ..ဟဲဟဲ´

ဟုတ်တယ်လေ ကျုပ်ခေါင်းမော့ပြီး ဖြေလိုက်တယ် ။ ကျုပ်က လူ့ပြည်ပြန်တက်ဖို့ အခွင့်အရေးရှိသေးတာပဲ။ သူတို့ကတခါထည်းသေတဲ့လူတွေ ဖြစ်ဖို့များတယ်။

          `ခင်ဗျားရော … ဘယ်လိုဖြစ်တာလည်း´ ကျုပ်လဲ ဘယ်ရမလဲ ပြန်စပ်စုလိုက်တယ်။ လွှတ်တော် အမတ်ပုံစံငနဲက မဖြေချင်ဖြေချင်နဲ့ ….

          `ကျုပ်က ရပ်ကွက်အုပ်ချုပ်ရေးမှူးဝင်အရွေးခံရင်း အသတ်ခံရတာ´ ကျုပ်တောင် ကြက်သီးမွှေးညှင်း ထသွားတယ်။ ဘယ်နှဲ့ကျုပ်က ဒီလူ့ကို လွှတ်တော်အမတ်ထင်ထားတာ။

`အုပ်ချူပ်ရေးမှူးရွေးတာနဲ့ ဒီလောက်တောင်လုပ်ရသလားဗျာ …. အတော်လေးပြိုင်ဆိုင်မှုပြင်းထန်တာပဲ´ ကျုပ်လဲစကားများထပ်ထွက်လာအုန်းမလားဆိုပြီး ဆက်အစ်ကြည့်သေးတယ်။ ဘဲကြီးက တခုခုကို ဆွေးနေတဲ့ ဒီဇိုင်းနဲ့ ဘာမှမမြင်ရတဲ့ ကားပြူတင်း ကနေ အပြင်ကိုကြည့်နေတယ်။ ကျုပ်လဲ စပ်စုတာ အရှိန်ရနေတာနဲ့ပဲ ဘေးနားက စုံတွဲကို ဆက်ပြီးစပ်စုလိုက်တယ်။

          `ညီလေးတို့ ဘာဖြစ်ကြတာလဲ … စုံတွဲတွေလား´ ကောင်လေးက ခပ်ငယ်ငယ်ပဲရှိအုန်းမယ်။ ရည်ရည်မွန်မွန်လေး။

          `အာ…. ဘယ်ကလာအကိုရာ … သပ်သပ်စီပါ … ကျွန်တော်က ကျောက်မြောင်းက …. မျဉ်းကျားမှာ လမ်းကူးနေရင်း ကားတိုက်ခံရတာ …´

          `အဟင့်….သမီးကလည်း အတူတူပဲ …. ဟင့်… မျဉ်းကျားပေါ်မှာ ကားတွေပိတ်နေလို့ လွတ်တဲ့နေရာ … အဟင့် … ဖြတ်ကူးရင်း … ဟင့်..အတိုက်ခံရတာ´ ကောင်မလေးက နှပ်တွေကို တဗြင်းဗြင်းညှစ်ရင်း ဖြေရှာတယ်။ တစ်သျှူးပေပါမပါလာဘူးထင်ပါရဲ့။ လက်ကမ်းစာစောင်လို ဟာမျိုးကြီးနဲ့ညှစ်နေရရှာတာ။ ရုပ်ကြည့်တောလည်း သားသားနားနားလေး။ နှမြောစရာလေး။ ကျုပ်စိတ်ထဲ ကောင်မလေးကို ပိုပြီးသနားမိတယ်။ မြန်မာနိုင်ငံမှာ ဘယ်လိုလမ်းကူးကူး သေဖို့များတယ်ဆိုတာကို ကျုပ်လူ့ပြည်ပြန်ရောက်လို့ သတင်းစာရှင်းလင်းပွဲလုပ်ရင် ထည့်ပြောအုန်းမှလို့ တေးထားလိုက်တယ်။ ကျုပ်မေးလိုက်မှ ကားပေါ်က သုံးယောက်လုံး စိတ်မကောင်းဖြစ်သွားရှာတယ်ထင်တယ်။ တယောက်တစ်နေရာစီ ကြည့်ပြီး သက်ပြင်းတွေ ကိုယ်စီချနေကြတယ်။ ကျုပ်ကတော့ ဘာလို့မြောနေမှန်းမသိတဲ့ကောင်ဆိုတော့ သိပ်မခံစားရတာလားမသိ။ ရှေ့ခန်းဆိုဖာကူရှင်အောက်က အိတ်လေးထဲမှာ စောစောက ကောင်မလေးနှပ်ညှစ်နေတဲ့လက်ကမ်းစာစောင် လေးငါးခုကိုတွေ့လိုက်ရတော့ ယူဖတ်ကြည့်လိုက်တယ်။

          `ငရဲပြည်လမ်းညွန်´

          `ငရဲခရီးသွားများအတွက် သိကောင်းစရာ´

အထဲမှာတော့ ငရဲပြည်သွားတဲ့သူတွေအတွက် လိုအပ်တာတွေ အတော်လေးပြည့်ပြည့်စုံစုံရေးထားတယ်။ ကားအပြင်ဘက်ကို ဘာမှမမြင်ရပေမယ့် ချိုင်တွေထဲကျပြီး ခုန်ဆွခုန်ဆွဖြစ်နေပုံထောက်တော့ ရန်ကုန်ထဲက မထွက်သေးလောက်ဖူးလို့ ကျုပ်တွက်လိုက်တယ်။ ဟုတ်တယ်လေ… နောက်ထပ်ခေါ်စရာ လူတစ်ယောက်ကျန်သေးသကိုး။ ကျုပ်လဲဖတ်ရင်းဖတ်ရင်း မှေးခနဲဖြစ်ပြီး အိပ်ပျော်သွားတယ်။ 

ဆက်လက်ဖော်ပြပါမည်.....

ငရဲပြည်သို့ အည်တစ်ခေါက် .... (၁)

ကျုပ်အသိစိတ်ဝင်လာတဲ့အချိန် ပါတ်ဝန်းကျင်ကို သတိထားမိတာက ခပ်စူးစူးအလင်းတန်းကြောင့်ပဲ။ ကျုပ်ခန္ဒာကိုယ်ကြီးက လေထဲမှာဝဲပျံနေသလိုပေါ့ပါးပြီး ဘေးပါတ်ဝန်းကျင်မှာ တိမ်တိုက်လိုလိုတွေပဲရှိတယ်။ ကျုပ်ဘယ်ရောက်နေတာလဲ? ဘာတွေဖြစ်နေတာလဲ? အော်ကြီးဟစ်ကျယ်မေးလိုက်ချင်ပေမဲ့ ကျူပ်ပါးစပ်က ဘာသံမှထွက်မလာခဲ့ဘူး။ ဒီလိုပဲမျောလွင့်နေရင်း ကျုပ်နေတဲ့ အိမ်ရှေ့ကို လေညှင်းတခုလို ကျုပ်ရောက်မှန်းမ သိ ပြန်ရောက်လာခဲ့တယ်။ အိမ်ရှေ့မှာလည်း ကျုပ်မသိတဲ့ကားကြီးကားကောင်းတွေရောက်လို့။ ကျုပ်စိတ်ထဲ အလှူတွေဘာတွေများလုပ်နေလား ထင်မိတယ်။ အိမ်ထဲကို ကျုပ်ဝင်မယ်လုပ်တော့ တံခါးပေါက်နားမှာရပ်နေ တဲ့ တိုက်ပုံနဲ့ စုတ်ချွန်းချွန်းငနဲတကောင်က ကျုပ်ကိုဖမ်းတားထားတယ်။

          `ဟိုးထားဆရာ…… ခင်ဗျားဝင်လို့မရဘူး`

          `ဟ… ကောင်လေးရ …. ဒါငါ့အိမ်ကွ…. ငါ့ဟာငါဝင်ချင်ဝင်ထွက်ချင်ထွက်.. မင်းနဲ့ဘာဆိုင်လဲ`

          `ဟုတ်တယ်…  လူ့ဘ၀တုန်းက ခင်ဗျားအိမ် … အခုခင်ဗျားသေပြီဆိုတော့ … ဒီလိုဝင်ချင်တိုင်းဝင် ထွက်ချင်တိုင်းထွက်နေတာကို ကျုပ်တို့အဖွဲ့က လက်မခံနိုင်ဘူး`

          `နေပါဦး … မင်းကဘာကောင်လဲ … မင်းတို့အဖွဲ့ဆိုတာက ဘာလဲ`

          `ကျုပ်က ဒီအိမ်ရဲ့အိမ်စောင့်နတ် ကျုပ်တို့အဖွဲ့က ၁၀၉/၁၁၀ မျိုးဆက်ကျောင်းသားများ နာနာဘာဝလေ့လာစောင့်ကြပ်ရေးအဖွဲ့ ….. ရှင်းပြီလား`

          `ဟ… ငါ့လခွမ်းကွာ… သေတာတောင်မင်းတို့နဲ့မလွတ်ပါလား .. နေပါအုန်း အဲဒီ မျိုးဆက်ကျောင်းသားတွေက အသက်တွေ အတော်လေးကြီးနေပါပြီ … မင်းလို နို့နံ့တောင်မစင်သေးတဲ့ကောင်က´

ပြောပြောဆိုဆို ကျုပ် ဒီငနဲကို ဆောင့်တွန်းလိုက်တယ်။ ကျုပ်ခန္ဒာကြီးက ဒီကောင့်ကိုဖောက်ထွက်သွားပြီး ရှေ့ကိုအတော်လေးငိုက်သွားတယ်။ ဒီတော့မှ ကျုပ်လည်း ငယ်ငယ်ကကြည့်ဖူးတဲ့ ဂို့စ်ကားထဲက မင်းသားကို သွားသတိရမိတယ်။ ဒီကားထဲက မင်းသားနာနာဘာဝက တခုခုထိချင်ကိုင်ချင်ရင် ဘီယာဘူးတို့ အကြွေစေ့တို့နဲ့ လေ့ကျင်ရသေးတာကိုး။ ကျူပ်ကတော့ ဒီမင်းသားလောက် စိတ်မရှည်ဘူး။ အိမ်ထဲကိုလည်းဝင်ချင်စိတ်က အားကြီးနေတော့ ဒီကောင့်ကိုပဲ မျက်နှာချိုသွေးရတော့တယ်။

          `လုပ်ပါငါ့ကောင်ရာ … အဲ… အိမ်စောင့်နတ်ကြီးရာ … ကျုပ်အိမ်ထဲမှာဘာတွေဖြစ်နေလဲ … ကျုပ်ဘယ်လိုသေတာလဲသိချင်လို့ပါ … ခဏတော့ဝင်ခွင့်ပေးပါ`

          `ခင်ဗျားဘာမှမျက်နှာချိုလာသွေးမနေနဲ့ … ခင်ဗျားဝင်ချင်တယ်ဆိုရင် …. ကျုပ်တို့ ခေါင်းဆောင်ဆီကို အသနားခံစာတင်ရမယ်`

          `ဟ…. မင်းပြောပုံအရဆိုရင်…. ငါ့အိမ်ငါဝင်ဖို့ …. ၂လလောက်စောင့်ရမယ်ထင်တယ် … ဘာလဲ နေပြည်တော်အထိပို့ရမှာလား …..`

          `ခင်ဗျားကလည်း ဒီခေတ်ကြီးထဲမှာ ပေပါဝေါ့ခ်တွေ မလိုတော့ဘူးဗျ.. ကျုပ်ဖုန်းကနေပြီးအကုန်လုံး လုပ်လို့ရတယ်`

ငနဲက ပြုံးဖြီးဖြီးနဲ့ သူ့တိုက်ပုံထဲက လက်တ၀ါးလောက်ရှိတဲ့ ဖုန်းကြီးကိုထုတ်ပြတယ်။

          `ဒါက နောက်ဆုံးပေါ် အိုင်ဖုန်း-၇ … ဒီထဲမှာ ခင်ဗျားဒေတာတွေဖြည့်ပြီး အထက်က နာနာဘာဝကြီးတွေဆီ တင်ပေးမယ် … ၁​မိနစ်အတွင်း ခင်ဗျားဝင်ခွင့်ရမယ်.. မမိုက်ဘူးလား`

          `မင့် အိုင်ဖုန်းတွေ အိုင်ကုန်းတွေ ငါမသိဘူးကွာ …. ငါ့ဝင်ခွင့်ရအောင်သာ အမြန်လုပ်ပေး`

          `နိူး…နိူး… ဆရာ ဖရီးတော့မရဘူး … အကုန်လုံးက Pay Service တွေပဲ .. အပြီးအစီး ၂၀၀၀ ကျမယ်`

          ကျုပ် နဲနဲအကြံအိုက်သွားတယ်။ ဘယ့်နှယ်ဗျာ သေပြီးသားလူဆီက အိမ်စောင့်နတ်က ငွေညှစ်တာ ကြားမကောင်းလိုက်တာ။ ဘာပဲပြောပြော ကျူပ်က ၀င်ချင်နေတဲ့လူကိုး။ ခက်တာကသူတောင်းတဲ့ပိုက်ဆံ ကျုပ်မှာ ပါမပါ ကျုပ်မသိဘူး။

          `ငါ့ကောင်ရာ ၂၀၀၀ကြီးကတော့ များပါတယ်ကွာ… ၁၀၀၀ ထားလိုက်`

ကျုပ်လဲ ရသလောက်တော့ ဈေးဆစ်ရမှာပဲ။ ဒါမျိုးတွေ မသေခင်ကတည်းက ကြုံဖူးနေကျ။ ရိုးနေပြီ။ သကောင့်သားမျက်နှာ နည်းနည်းတော့ တည်သွားတယ်။

          `ခင်ဗျားသေတုန်းက ခင်ဗျားမိန်းမက ကူးတို့ခဆိုပြီး ၁၀၀၀၀ ကြီးတောင်ထည့်ထားပေးတာလေ … ဘယ်ရောက်သွားလဲ`

          ဒီ နတ်ဆိုတဲ့ကောင်ပြောမှ ကျုပ်ဘောင်းဘီအိတ်ကတ်ထဲ နှိုက်ကြည့်လိုက်တော့ ငါးထောင်တန်နှစ်ရွက်ထွက်လာတယ်။ ဒီလိုဆိုတော့ ကျုပ်မိန်းမက ဘယ်ဆိုးလို့လဲ ယောကျာင်္းလုပ်တဲ့သူကို သိတတ်သားပဲ။ ကျုပ် နဲနဲတော့ပီတိဖြစ်သွားတယ်။

          `ရော့….သုံးထောင်ပြန်အမ်း .. မြန်မြန်လုပ်ပေး` ပြောပြောဆိုဆို အဲဒီငနဲလက်ထဲကို ငါးထောင်တန်ထိုးထည့်ပေးလိုက်တယ်။ ပိုက်ဆံရတဲ့ မျက်နှာပေးက စောစောကလိုမဟုတ်တော့ဘူး… ငါးဖောင်ရိုးခြောက်ကို ရေစိမ်လိုက်သလိုမျိုး နဲနဲပွတက်လာတယ်။ ငနဲက လက်ဝါးလောက်ရှိတဲ့ဖုန်းကို ဟိုထိသည်ထိ လုပ်ပြီး ခဏကြာတော့ ကျုပ်ကိုဝင်စေတဲ့။ မြန်လိုက်တဲ့ အင်တာနက်။ MPT က နာနာဘာဝဖြစ်မှ အတော်မြန်မှန်းသိရတယ်။

          `လုပ်စရာရှိတာ မြန်မြန်လုပ် … သိပ်အလွမ်းသယ်မနေနဲ့ … ခဏနေခင်ဗျားကို သက်ဆိုင်ရာက လာခေါ်တော့မှာ`

          ကျုပ်ကတော့ အိမ်ထဲဝင်ချင်ဇောနဲ့ ဒီကောင့်စကားကို သိပ်အဖက်မလုပ်တော့ဘူး။ အိမ်ထဲမှာတော့ ကုတင်ပေါ်မှာ ပက်လက်ဖြစ်နေတဲ့ ကျုပ်ခန္ဓာကိုယ်ကြီးကို အသက်ရှုစက်တပ်ပြီး ပိုက်တွေတန်းလန်းတပ်ထား တယ်။ မိန်းမကတော့ ဘေးနာမှာထိုင်ပြီး မျက်နှာကသိပ်မကောင်းဘူး။ အသံတိုးတိုးနဲ့ ဘေးနားကသတင်းမေးတဲ့ ကျုပ်သူငယ်ချင်းကို ဖြစ်ကြောင်းကုန်စင်ပြောပြနေရှာတယ်။

          `အဲဒီညက ကျွန်မအပြင်သွားနေတုန်း သူအရက်သောက်မယ်ဆိုပြီး ပုလင်းပြားလေးတပြားဆွဲလာပြီး အိမ်မှာကျန်ခဲ့တာ ….. ကျွန်မပြန်လာတော့ သူခေါ်လို့မရတော့ဘူး .. အဟင့်.ဟိ…’ ကျုပ်မိန်းမက ငိုထားလွန်းလို့လားမသိ မျက်ရည်တောင်မကျနိုင်တော့ဘူး။ နှပ်တွေပဲတဗျင်းဗျင်းညှစ်နေတော့တယ်။

          ‘ဒီကောင်ချတာများသွားလို့လား…. တပြားလောက်ကတော့ ဒီကောင်အေးဆေးပါ’ ကျုပ်သူငယ်ချင်း ကတော့ ကျုပ်မိန်းမအဖြေကိုသိပ်ဘ၀င်မကျပုံပဲ။ ဘယ့်နှဲ့သေအောင်တော့သောက်ပါ့မလား အရှုးရဲ့။ မဟုတ်မလွဲရော ဒီကောင်ကျုပ်မိန်းမဆီက အကြွေးတောင်းဖို့ လမ်းကြောင်းနေပုံရတယ်။ ကျုပ်ကို အသက်ရှုစက်တွေဘာတွေ တပ်ထားပုံအရတော့ ကျုပ်သေတာမဖြစ်လောက်သေးဘူး။ မြောနေတာပဲဖြစ်မှာ ကျုပ်ခန္ဓာကိုယ်ထဲကို မြန်မြန်ပြန်ဝင်မှ။ နိူ့မဟုတ်ရင် ကျုပ်အကြွေးစာရင်းတွေ မိန်းမကြားပြီး သူပါထပ်ရှောနေမှ နှစ်လောင်းပြိုင်ဖြစ်နေ အုန်းမယ်။ ကျုပ်ခန္ဓာကိုယ်နားကို ကပ်မယ်လုပ်တုန်း ဗြုန်းခနဲဆောင့်တွန်းခံရသလိုဖြစ်ပြီး အိမ်အပြင်ဘက်ပြန်ရောက်သွားတယ်။ အပြင်ဘက်ရောက်တော့ ဟိုအိမ်စောင့်နတ်ငနဲနဲ့အတူတူ စတစ်ကော်လာနဲ့ ပုဆိုးအမည်းဆင်တူဝတ်ထားတဲ့လူတချို့ပါရောက်နေတယ်။

          ‘ဟေ့လူတွေ…. ကျုပ်မှမသေသေးတာ…ကျုပ်မြောနေတာလေ…. ခင်ဗျားတို့ဘာလုပ်ဖို့ …´

ကျုပ်စကားမဆုံးခင် စတစ်ကော်လံဝတ်နှစ်ယောက်က ကျုပ်ကို တဖက်တချက်ကချုပ်လိုက်တယ်။

          `ခင်ဗျားမသေသေးတာမှန်တယ် ….. ခင်ဗျားကို ကျုပ်တို့မျှောထားလိုက်တာ … ငရဲပြည်မှာ လူတွေကြပ်နေလို့ …. အောက်မှာ ခင်ဗျားကို စစ်မေးစရာရှိတာမေးပြီးလို့ ကျေနပ်ဖွယ်ကောင်းတဲ့ အဖြေရတယ်ဆိုရင် ခင်ဗျားလူပြည်ပြန်ရမယ်´ အလဲ့ … မျှောထားတယ်ဆိုပါလား။

          `ခင်ဗျားကျွန်တော်တို့နဲ့ပူးပေါင်းပြီး ကောင်းကောင်းမွန်မွန်အမေးအဖြေလုပ်မယ်ဆိုရင် …. ခင်ဗျားလူ့ပြည်ပြန်ဖို့ အခွင့်အရေးတွေ အများကြီးရှိလာမယ်။ အဲလိုမှမဟုတ်ရင်တော့ … ခင်ဗျားကို ပို့စရာဘုံတွေ အများကြီး` ကျုပ်စကားမရှည်ရဲတော့ဘူး။ တော်ကြာပို့ချင်ရာဘုံပို့လိုက်မှ ဒုက္ခများနေမယ်။

          `ဒါဆိုကျုပ်ကို အခုဘယ်ခေါ်သွားမှာလဲ ….´

          `ဘယ်ခေါ်ရမှာလဲ … ငရဲပြည်ပေါ့´