ဘ၀ဆိုးကြီး

ဘ၀ဆိုးကြီး

သေပြီးတဲ့လူဟာ လူဝင်စားပြန်ဖြစ်ရင်

တဖန်လူပြန်ဖြစ်လို့ရသေးတယ်။

အနူဟာ

တခါနူပြီးရင်

နောက်တခါ လူတောထဲတိုးလို့မရတော့ဘူး။

လူပြန်မဖြစ်တော့ဘူး။

ရောဂါတွေလုံးဝပျောက်ကင်းပြီး

အနာကြီးရောဂါပိုး လုံးဝကင်းစင်သွားသည့်တိုင်

အနူဘ၀က

လွတ်ငြိမ်းချမ်းသာခွင့်မရရှာပါဘူး။

သေဒဏ်ကြခံနေရတဲ့သူတွေ

လွတ်ငြိမ်းချမ်းသာခွင့်နဲ့တွေ့ရင်

မသေတော့ဘူး ၊ လွတ်ခွင့်ရှိတယ်။

အနူက တခါနူပြီးရင်

တသက်လုံးအနူဖြစ်ရတဲ့ဘ၀ဆိုးကြီးပါ။

ဦးမောင်မောင်

နံသာမြိုင်အနာကြီးရောဂါစခန်း

(ဆရာချစ်စံဝင်း ၏ ပိုးကိုက်ပန်း-၂၀၀၅ မေ)

“မြန်မာနိုင်ငံမှာ အနာကြီးရောဂါပိုးကို လုံးဝကင်းစင်တဲ့နေရာ အဖြစ်ကြေငြာမယ်ဆိုရင် နံသာမြိုင်စခန်းကို စိတ်ချလက်ချ ယုံကြည်စွာ ကြေငြာလို့ရပါတယ်၊ ဘာပြုလို့လဲဆိုတော့ ကျွန်တော်တို့က MDT ဆေးပေါင်းစားထားပြီးတဲ့လူတွေလေ၊ ကျွန်တော်တို့က ကမ္ဘာပေါ်မှာ အနာကြီးရောဂါကင်းစင်တဲ့ဒေသ အဖြစ် နံသာမြိုင် ကိုကြေငြာဝံတဲ့အချိန်မှာ ဘယ်နေရာ ဘယ်မြို့၊ ဘယ်ရွာက ကျွန်တော်တို့လိုရဲရဲဝံ၀ံ ကြေငြာလို့ရသလဲ။ မကြေညာနိုင် ကြသေးပါဘူး”

      

        ရန်ကုန်တိုင်းလှည်းကူးမြို့နယ်ရှိ (အနာကြီးရောဂါဒဏ် ခံစားခဲ့ရသော) အဖိုးအဖွားများ ကို စောင့်ရှောက်ထားသည့် `မေတ္တာပရဟိတ´ ဂေဟာသို့ အပါတ်စဉ်လိုလို အနယ်နယ်အရပ်ရပ်မှ လာရောက်လှူဒါန်းကြသော စေတနာရှင် အဖွဲ့အစည်းများ၊ မိသားစုများမှာ ၂၀၀၉-၂၀၁၀ ခုနှစ်အတွင်း လွန်ခဲ့သော ၁၀ နှစ်ခန့်ကထက် ပိုမိုများပြားလာခဲ့သည်။ မြန်မာလူမျိုးအချင်း ချင်းရိုင်းပင်းကူညီသော စိတ်ဓါတ်ကြောင့် ဂေဟာမှာလည်း ယခင်နှစ်များစွာနှင့်မတူ သိသာစွာတိုးတက် ပြောင်းလဲလာခဲ့သည်။ ထပ်မံ၍လည်း လာရောက်လှူဒါန်းလိုသူများ တိုးပွားနေဆဲ ပင်ဖြစ်သည်။ ယခင်က လူ့အသိုင်းအ၀ိုင်းမှ အပယ်ခံ ဒုက္ခိတများကို လူထုက မေတ္တာတရားရှေ့ထားပြီး ကိုယ်ချင်းစာစိတ်ဖြင့် ကူညီထောက်ပံပေးနေသော်လည်း လာရောက်လှူဒါန်းသူများ၏ စိတ်ထဲတွင် ဤရောဂါနှင့် ပါတ်သက်သော မေးခွန်းများက တပုံတပင်ရှိနေသည်။

        လာရောက်လှူဒါန်းသူ အတော်များများသိလိုသော အဓိကကျသည့် မေးခွန်းမှာ ဤရောဂါသည် သူတို့ထံ (လာရောက်လှူဒါန်းသူများ) သို့ရော ကူးစက်နိုင်ပါသလား? ဆိုသည့် မေးခွန်းပင်ဖြစ်သည်။ အခြား သံတူကြောင်းကွဲ မေးခွန်းများရှိသော်လည်း အရင်းစစ်ကြည့်လျှင် ဤမေးခွန်းဆီသို့သာ ဦးတည်လာသည်ချည်းသာဖြစ်ပါသည်။ အင်မတန်မှ အဓိကကျသော ကျန်းမာရေး အသိရှိသူတိုင်း တွေးမိမည့် မေးခွန်း ဖြစ်မည်ဟု ကျွန်တော်ထင်ပါသည်။ ယခုအချိန်တွင် SARS လို ကြက်ငှက် တုပ်ကွေးလို လေထဲမှတဆင့် ပျံနှံပြီး လျှင်မြန်သော နူန်းဖြင့်ကူးစက်သည့် ကြောက်စရာ ကောင်းသော ရောဂါ များကလည်း တခုပြီးတခု ဖြစ်ပေါ်နေသည် မဟုတ်ပါလား။ ထို့ကြောင့် ထိုမေးခွန်းကို ဖြေဆိုရန် ပထမဆုံး အနာကြီးရောဂါ အကြောင်း အနည်းအကျဉ်းမျှ သိထားသင့်သည်မဟုတ်ပါလော။

        ကျွန်တော်ကိုယ်တိုင်ပင် ငယ်စဉ်ကတည်းက အနာကြီးရောဂါသည်များနှင့် ထိတွေ့ခဲ့ရသည်။ ကျွန်တော့်အဖိုးမှာ အနာကြီးရောဂါတိုက်ဖျက်ရေးတွင် ရှေ့တန်း စစ်မျက်နှာမှတိုက်ခဲ့သော ကျန်းမာရေးမှူးတဦးဖြစ်သောကြောင့် အနာကြီးရောဂါသည် များနှင့် ၂ တန်းအရွယ်မှစ၍ ရင်းနှီးခဲ့ရသည်။ အဖိုးဆီသို့လာပြသည့်လူနာများတွင် အရေတရွှဲရွှဲ တွန်းလှည်းပေါ်တင်လာရသော လူနာများ တကိုယ်လုံး မြင်မကောင်းအောင် အဖုအပိန့်ထနေသော ကြောက်စရာ လူနာများအပြင် လူသိမှာ ရှက်သဖြင့် တိုးတိုးတိတ်တိတ်လာပြသော ကျွန်တော်တို့ကျောင်းမှ ဆရာမကြီးလို အကွက် စတွေ့သော လူနာများကလည်းမနည်း ။အဖိုးက ရမည်းသင်းမြို့ဘေးနားရှိ ကျေးရွာများတွင် ကွင်းဆင်းကုသရာတွင် အကြောင်း တိုက်ဆိုင်ပါက ကျွန်တော့်ကိုပါ ခေါ်သွားလေ့ရှိသဖြင့် အနာကြီးရောဂါ သည်များသည့် ကျွန်တော့်၏ အထိန်းတော်များ လို ဖြစ်နေသည်။ ကျောင်းပိတ်ရက် များတွင် အဖိုးဆေးထိုးဆေးပေး သည်ကို ကူညီ လုပ်ကိုင်ပေးလေ့ရှိသော်လည်း (များသောအား ဖြင့် ဆေးထည့်သော ပလတ်စတစ် အိတ်အား ဖယောင်းတိုင်ဖြင့် ပိတ်ခြင်းမျှသာ) ထိုဝေဒနာသည်များကို တော့ ကျွန်တော်ရွံ့သည်။ ထိုစဉ်ကတည်းက `ငါ့ကိုများကူးရင်ရော´ဆိုသည့် အတွေး ၀င်သဖြင့် အဖိုးကိုမေးဖူးသည်။ `အဖိုး….သားတို့ကို ကူးရင်ဘယ်လိုလုပ်မလဲ´ ဟုမေး ကြည့်ရာ အဖိုးက `ငါ ကုပေးမှာပေါ့ကွာ´ ဟုပြန်ဖြေသဖြင့် ကျွန်တော် ကျေနပ်သွား သည်။ ထိုအရွယ်တွင် ထိုအဖြေသည် ကျွန်တော့်အတွက်လုံလောက်သည်။ အဖိုးလုပ် သူက အာမခံမှတော့ ဘာကြောက်စရာလိုသေးလည်းဟု တွေးမိဟန်တူပါသည်။

 လူနာများကို ခံတောင်းမြှောင်နေအောင်ကျိုက်ခိုင်း၍ နေရောင်ထဲတွင် အရေပြားပေါ်မှ အကွက်များလိုက်ရှာရသည့်အလုပ်ကို ကျွန်တော် သဘောအကျဆုံး ဖြစ်သည်။ မျက်စိ မကောင်းသော အဖိုးအား ` အဖိုးရေ…. ဟိုနားမှာတကွက်… ဒီဘက်ဘေးမှာတကွက်´ စသဖြင့် လျှာရှည်ရသည်ကို အာတွေ့ခဲ့သည်။ အဖိုးကလည်း တခါမျှ မောင်းမထုတ်။ ထိုအချိန်က MDT မပေါ်သေး။ ဒက်ပဆုန်း (၁၉၄၀ မှ စတင်ပေါ်ပေါက်ခဲ့ပြီး အနာကြီးရောဂါပိုးမှ ဆေးယဉ်သွားသဖြင့် နောက်ပိုင်းတွင် MDT နှင့် အစားထိုးခဲ့သည်) နှင့် ပရန်တီစလုန်း သာအပေးများသည်။အနာကြီးရောဂါအပြင် အခြားသော အရေပြားရောဂါများကလည်း သင်္ကာမကင်း၍ လာပြကြသည်များလည်း ရှိသည်။  ဆေးပေးပြီး လူနာများကို `ငပိငါးခြောက် ငံပြာရည်မစားရ၊ မြေပေါ်တတောင် မြေအောက် တတောင်မစားရ…´ အစချီသော ကျန်းမာရေးဟောပြောမှုကို အဖိုးက ကျွန်တော့်အား အလွတ်ကျက်ခိုင်းပြီး အချို့လူနာများကို ပြောစေသည်။ ထိုစဉ်အချိန်က ငပိငါးခြောက်နှင့် အနာကြီးရောဂါ ဘာဆိုင်လို့လဲဟုတွေးမိသော်လည်း မမေးမိ။ မြေပေါ်တတောင်မြေအောက်တတောင် ဆိုတာလည်း သေချာနားမလည်။ သို့သော် အနာကြီးရောဂါရှင်များကိုတော့ မကြောက်တော့။ ကူးစက်ခံရလျှင်ရော ဆိုသည့် အတွေးကတော့ ကျွန်တော့်ခေါင်းထဲတွင် အမြစ်မပြတ်ခြင်သေး။ ထို့ကြောင့် အသက်ကြီးလာချိန် ဆေးကျောင်းရောက်ချိန်မှ `ထိုစဉ်က ငါတို့ ဒီလောက်နီးစပ်ခဲ့ပြီး ဘာလို့မကူးတာပါလိမ့်´ ဆိုသော မေးခွန်းကို စာအုပ်စာပေ များနှင့် အဖြေထုတ် ကြည့်ရတော့သည်။

        ပထမဆုံး ထိုမေးခွန်းအား မဖြေဆိုမီ `အနာကြီးရောဂါသည်´ ဆိုသည့် အဓိပ္ပါယ် ဖွင့်ဆိုချက်ကို ဦးစွာရှင်းပြလိုပါသည်။ အလှူရှင်များကြားတွင် `မရမ်းချောင်းမှ အနာကြီး ရောဂါသည်တွေ´ ဆိုသော စကားကို မကြာခဏကြားနေရသည်မှာ စိတ်မကောင်းစရာ ပင်ဖြစ်သည်။ အနာကြီးရောဂါဖြစ်နေသည်ဟု သတ်မှတ်ရန် လူတစ်ယောက်သည် အောက်ပါရောဂါလက္ခဏာ (၃) ချက်အနက်မှ အနည်းဆုံးတချက်ရှိရမည်ဖြစ်သည်။

1.  အရေပြားပေါ်တွင် ကွက်၍ အရောင်ဖျော့နေခြင်း၊ နီမြန်းနေခြင်း၊ ထိ နာ ပူ အေး မသိပဲထုံနေခြင်း။

2.  အာရုံကြောပျက်စီးသည့် လက္ခဏာဖြစ်သော ထိ၊ နာ၊ ပူ၊ အေး မသိခြင်း၊ ခြေလက်မျက်နှာရှိ ကြွက်သားများ အားနည်းခြင်း၊ လှုပ်ရှားမရခြင်းနှင့် အာရုံကြောကြီးခြင်း။

3.  အရေပြားအကွက်မှ အသားခြစ်စမ်းသပ်ရာတွင် ပိုးတွေ့ခြင်း။

 `အနာကြီးရောဂါသည်ဆိုသည်မှာ အနာကြီးရောဂါလက္ခဏာများရှိပြီး ၊ ဆေးစံချိန်ပြည့် မစားရသေးသူကိုဆိုလိုပါသည်။ပြည့်စုံသောအထောက်အထားမရှိပဲနှင့် အနာကြီးရောဂါ သည်ဟု အမည်မတပ်ရ။´

ဟု ကျန်းမာရေးဝန်ကြီးဌာနမှထုတ်ပြန်သည့် အနာကြီးရောဂါတိုက်ဖျက်ရေးလက်စွဲ စာအုပ်ထဲတွင် ဖော်ပြထားသည်။

                အနာကြီးရောဂါ နှင့် မှားတတ်သော အခြားရောဂါ ပေါင်း ၂၂ မျိုးခန့်ရှိနေသေးရာ မိမိကိုယ်တိုင်ရောဂါနာမည်တပ်ခြင်းထက် ကျွမ်းကျင် သောဆရာဝန်နှင့်ပြသတိုင်ပင်ကြည့်ပြီးမှသာ အနာကြီးရောဂါဟု အမည်တပ်ရပါမည်။ ၎င်းတို့ထဲတွင် ပွေး၊ နှင်းခူ၊ ညှင်း၊ သမင်ဖြူ၊ အင်ပြင်၊ မွေးရာပါအမှတ်များ၊ ဆစ်ဖလစ်၊ အရေပြားတီဘီ၊ အဆီဖုများ၊ ဆီးချိုရောဂါ၊ အာရုံကြောထိခိုက်မိခြင်း စသည့်ရောဂါများ ပါဝင်သည်။

         မရမ်းချောင်း မေတ္တာပရဟိတမှ လူအားလုံးသည် MDT ဆေးပေါင်းကို ဆေးပါတ်လည် အောင်သောက်ပြီးသည့် လူနာများဖြစ်သည့် အတွက် ၎င်းတို့ကို `အနာကြီးရောဂါသည်´ ဟု အမည် မတပ်ရပါ။ ၎င်းတို့သည် `အနာကြီးရောဂါဒဏ် ကြောင့် ကိုယ်လက်အင်္ဂါပျက်စီးရခဲ့ရသည့်လူများ´ သာ ဖြစ်ပါသည်။ တနည်းအားဖြင့်ဆိုသော် အနာကြီးရောဂါ ပျောက်ကင်းပြီး ပိုးကင်းစင်သော လူများသာဖြစ်ပါသည်။ သို့သော် အချို့သောဝေဒနာရှင် များတွင် အနာကြီးရောဂါ ဝေဒနာကြောင့် ပျက်စီးသွားခဲ့ရသော အာရုံကြောများမှာ ပြန်လည်ကောင်းမွန်လာခြင်း မရှိတော့သဖြင့် နောက်ဆက်တွဲဝေဒနာ များ ဆက်လက်ခံစားနေရဆဲလူနာများသာ ဖြစ်ပါသည်။

        အနာကြီးရောဂါ၏ အဓိပ္ပါယ်ဖွင့်ဆိုပုံကို ရှင်းပြပြီးနောက်ပိုင်းတွင် အနာကြီးရောဂါ ကူးစက်ပျံပွားပုံအကြောင်းကို အကျဉ်းချုပ်ဖော်ပြလိုပါသည်။ လွန်ခဲ့သော ဆယ်စုနှစ်က တည်းကပင် ဆရာကြီးဒေါက်တာတင်ရွှေရေးသည့် အနာကြီးရောဂါနှင့် ပါတ်သက်သည့် စာအုပ်များစွာ ထွက်ရှိပြီးဖြစ်ပါသည်။ အသေးစိတ်သိရှိလိုပါက ဆရာရေးထားသော စာအုပ်များကို ပြန်လည်ဖတ်ရှုစေလိုပါသည်။

         

        အနာကြီးရောဂါဆိုသည်မှာ ကူးစက်တတ်သောနာတာရှည်ရောဂါတမျိုးဖြစ်ပြီး Mycobacterium Leprae (တီဘီဖြစ်ပွားစေသောပိုးနှင့် မျိုးစိတ်တူ) ကြောင့်ဖြစ်ရပါ သည်ကို နော်ဝေနိုင်ငံမှ သိပ္ပံပညာရှင် ဒေါက်တာဟန်ဆန်(Dr.G.A.Hansen) က ၁၈၇၃ ခုနှစ်တွင် အတိအကျ ဖော်ထုတ်နိုင်ခဲ့သည်။ အနာကြီးရောဂါသည် အဓိကအားဖြင့် အရေပြား၊ နာဗ်ကြောများ၊ အသက်ရှုလေပြွန် အထက်ပိုင်း နှင့် အသက်ရှုလမ်း ကြောင်းကိုလည်းကောင်း၊ မျက်စိ ကိုလည်းကောင်း ထိခိုက်ပျက်စီးစေတတ်ပါသည်။ ဦးနှောက်နှင့်အာရုံကြောမကြီးအား ထိခိုက်ပျက်စီးမှု မရှိပါ။

        အနာကြီးရောဂါသည် အသက်အရွယ်မရွေး၊ ကျားမ မရွေး ဖြစ်ပွားစေပါသည်။ ရောဂါစ၀င်ချိန်မှစတင်၍ရောဂါလက္ခဏာများပြချိန်အထိ ရောဂါပျိုးချိန်မှာ ပျှမ်းမျှ (၃) နှစ်မှ (၅) နှစ်အထိ အလွန်ကြာတတ်ပါသည်။ ရောဂါပိုးရှိသူတဦးမှ အခြားလူများကို တိုက်ရိုက်ကူးစက်ပြီး ငှက်ဖျားကဲ့သို့ ကြားခံလက်ခံကောင် (ခြင်) မရှိပါ။ သို့သော် ကူးစက်ခံရမှုမှ အနာကြီးရောဂါလက္ခဏာဖြစ်ပေါ်သူ အနည်းငယ်သာရှိပါသည်။ အနာကြီးရောဂါသည် ဆေးကုသခံယူနေရခြင်းမရှိသော လူနာများထံမှ အခြားလူများသို့ အသက်ရှုလမ်းကြောင်းနှင့်အရေပြားတို့မှတဆင့်ကူးစက်ပါသည်။ ဆင်းရဲချမ်းသာမရွေး ကူးစက်သောရောဂါမဟုတ်သည့်အပြင် မျိုးရိုးလိုက်၍ဖြစ်ပွားတတ်သော ရောဂါမဟုတ် ပါ။သို့သော် အနာကြီးရောဂါသည်များနှင့် ကြာရှည်နေထိုင်သူများတွင် ပိုမိုကူးစက်ပျံပွား  ကြောင်းတွေ့ရှိရပါသည်။

         အနာကြီးရောဂါဝင်ရောက်ခံရသူတိုင်း ရောဂါမဖြစ်ပါ။ အနာကြီးရောဂါဖြစ်ပွားသူ အများစုတွင် ရောဂါပိုးတိုက်ဖျက်သောကိုယ်ခံအား (Cell Mediated Immunity_CMI) လျော့နည်းနေကြောင်းတွေ့ရှိရသည်။ CMI အနည်းအများပေါ်လိုက်၍ ရောဂါအမျိုး အစားပါ ကွဲပြားသွားသည်။ အနာကြီးရောဂါ သည် နေရာဒေသမရွေး မည်သည့် ပါတ်ဝန်းကျင်တွင်မဆို ကူးစက်ပျံနှံနိုင်ပါသည်။ သို့သော် ကျန်းမာရေးဝန်ကြီးဌာန၏ စာရင်းဇယားများအရ မြန်မာနိုင်ငံအလယ်ပိုင်း အပူပိုင်းဒေသတွင် ပိုမိုအဖြစ်များ ခဲ့ကြောင်းတွေ့ရှိရသည်။

        အနာကြီးရောဂါတွင် ရောဂါပင်ရင်း နှင့် ရောဂါသိုလှောင်ရာဌာနမှာ လူပင် ဖြစ်သည်။ MDT ဆေးဖြင့်ကုသခြင်းမခံရသေးသောလူနာ (Undetected patients / Hidden cases) များသည် ရောဂါပင်ရင်းနှင့် ရောဂါသိုလှောင်ရာ ဌာနများဖြစ်နေတတ် သည်။ ၎င်းလူနာများသည် MDT ဆေး တစ်ကြိမ် သောက်ပြီးရုံမျှဖြင့် အခြားသူများကို ကူးစက်မှုလုံးဝမရှိတော့ပါ။ အနာကြီးရောဂါပိုးသည် ရောဂါသိုလှောင်ရာလူ၏ အရေပြားအနာ (Lepromatous ulcer) များမှသော်လည်းကောင်း ၊ နှာရည် မှ သော် လည်းကောင်း ကိုယ်ခန္ဒာပြင်ပသို့ထွက်နိုင်ပါသည်။ ထိုသို့ထွက်ပြီးနောက် ရောဂါပိုး ကူးစက်ခံရမည့် ရောဂါလက်ခံသူထံသို့ ပွန်းပဲ့ဒဏ်ရာမှလည်းကောင်း ၊ လေထဲမှသော် လည်းကောင်း တိုက်ရိုက်ကူးစက်ပါသည်။ ကြားခံကောင်မရှိပါ။

        မရမ်းချောင်းပရဟိတ ဂေဟာမှ လူနာများသည် MDT ဆေး ကို ဆရာဝန် ဆရာမများ၏ စနစ်တကျ စောင့်ကြပ်ကြည့်ရှုမှု အောက်တွင် မှတ်ပုံတင်ပြီး ဆေးပါတ်လည်အောင် သောက်ပြီး သောလူနာများ (Treated cases) ဖြစ်သော ကြောင့်အခြားသူများကို ကူးစက်မှု လုံးဝမရှိနိုင်တော့ပါ ဟု ဖြေနိုင်ပါသည်။ ၎င်းတို့တွင် ဖြစ်ပွားနေသော အနာများမှလည်း အာရုံကြောပျက်စီးခြင်း၊ သွေးလှည့်ပါတ်မှု ပျက်စီးခြင်း၊ ထုံနာပူထိ မသိခြင်းမှ ဒဏ်ရာရပြီး ပိုးဝင်ခြင်း၊ အဟာရချို့တဲ့ခြင်း တို့ကြောင့်ဖြစ်ပွားနေသော အနာ များသာဖြစ်ပါသည်။ အနာကြီးရောဂါပိုးကြောင့် ဖြစ်ပွားနေသော ရောဂါများ လုံးဝ မဟုတ်ပါ။ မရမ်းချောင်းဂေဟာရှိ အဖိုးအဖွားများကို အနီးကပ် စောင့်ရှောက်ပေးနေသည့် ကလေးသူငယ်များတွင်လည်း ရောဂါကူးစက်ခံ ရမှု လုံးဝမရှိသည့်အပြင် MDT ဆေးပေါင်းစနစ်တကျသောက်ထားသည့် လူများဖြစ် သောကြောင့် ၅ နှစ်အတွင်း နောက်ထပ်လူနာသစ်တွေ့ရှိမှု မရှိသောရွာအဖြစ် ရပ်တည် နိုင်ပြီဖြစ်ပါသည်။ သို့သော် ဆေးပညာသဘော နှင့် ရောဂါပိုးများ၏ မျိုးရိုးဗီဇ အစဉ်တစိုက်ပြုပြင် ပြောင်းလဲတတ်သောသဘောများကြောင့် လုံးဝကူးစက်နိုင်စွမ်း မရှိတော့ပါ ဆိုသည့် စကားအစား ကူးစက်နိုင်စွမ်း(လုံးဝနီးပါး)မရှိတော့ပါ ဟု ပြောင်းလဲ သုံးစွဲလျှင် ပိုမိုသင့် လျှော်ပါမည်။

        ကမ္ဘာပေါ်တွင် နှစ်စဉ်လူ ၇၅၀ ၀၀၀ ခန့် အနာကြီးရောဂါကူးစက်ခံနေရပြီး အများစုမှာ ကလေးများဖြစ်သည်။ ကမ္ဘာအနာကြီးရောဂါရှင်ဦးရေ၏ ၇၀%သည် အိန္ဒိယ၊ ဘရာဇီး၊ အင်ဒိုနီးရှား၊ မိုဇမ်ဘီ၊ မဒါဂတ်စကား၊ တန်ဇန်နီးယား နှင့် နီပေါနိုင်ငံ တို့တွင်ဖြစ်သည်။ သို့သော် ကမ္ဘာကျန်းမာရေးအဖွဲကြီးက သတ်မှတ်ထားသည့် ရောဂါဖြစ်ပွားမှုများသည့်နိုင်ငံ ၁၆ နိုင်ငံကျန်ရှိနေသည့်အထဲတွင် မြန်မာနိုင်ငံပါဝင်သည့် အတွက် ၁၉၉၁ ခုနှစ်မှစ၍ MDT ဆေးပေါင်းတိုက်ကျွေးရေးလုပ်ငန်းများကို အစိုးအရအဖွဲ့အစည်းများ ပြည်တွင်းပြည်ပ လူမှုရေးအဖွဲ့အစည်းများ၊ မီဒီယာများ၊ အခြေခံကျန်းမာရေးဝန်ထမ်းများနှင့် ပူးပေါင်းဆောင်ရွက်ခဲ့ရာ ၂၀၀၃ ခုနှစ်တွင် မြန်မာ နိုင်ငံအား လူဦးရေ သန်း ၅၀ တွင် မှတ်ပုံတင်ထားသော အနာကြီးရောဂါသည် ၅၀၀၀ အောက်သာရှိတော့သဖြင့် အနာကြီးရောဂါကင်းစင်သော နိုင်ငံအဖြစ် ကြေငြာခဲ့သည်။ ၁၉၉၅ မှ ၂၀၀၀ပြည့်နှစ်အထိ လိုအပ်သော MDT ဆေးဝါးများကို Nippon Foundation မှ လှူဒါန်းခဲ့ပြီး ၂၀၀၁ မှ ၂၀၁၀ ခုနှစ်အထိ လိုအပ်သောဆေးဝါးများကို Novartis Foundation မှ လှူဒါန်းရန် ကမ္ဘာကျန်းမာရေးအဖွဲ့အား ကတိပြုပြီးဖြစ်ပါသည်။

        သို့သော် အနာကြီးရောဂါသည် ကျောက်ရောဂါကဲ့သို့ ကာကွယ်ဆေးရှိသည့် ရောဂါမဟုတ်ခြင်းကြောင့် နှစ်စဉ်လူနာအသစ်အနည်းငယ်ကို ဆက်လက်ဖော်ထုတ် ဆေးဝါးကုသပေးလျှက်ရှိပါသည်။ အနာကြီးရောဂါ ဝေဒနာကိုခံစားခဲ့ရသော ဝေဒနာ ရှင်များကို ယခင်က လူအသိုင်းအ၀ိုင်းမှ ပယ်ကျဉ်၍ လိင်အပျော်ပါးလိုက်စားမှု ကြောင့် ဖြစ်သောရောဂါ၊ မျိုးရိုးလိုက်သည် နူနာရောဂါ စသည့်ဖြင့် မသိနားမလည်သူများက ရှောင်ဖယ်ထားကြသော်လည်း အသိပညာကြွယ်ဝလာသည့် မြန်မာလူမျိုးများ၏ ဖေးမ စောင့်ရှောက်မှုဖြင့် အနာကြီးရောဂါအား မြန်မာ့မြေပေါ်မှ လုံးဝတိုက်ထုတ်နိုင်မည်ဆိုပါ မရမ်းချောင်း၊ ရေနံသာ၊ မြရတနာ (စစ်ကိုင်း)၊ တောင်ဝိုင်း (မော်လမြိုင်) စသည့် နေရာများမှ အနာကြီးရောဂါခံစားခဲ့ရသူများသည် မြန်မာ့သမိုင်းတွင် အနာကြီး ရောဂါ ဖြစ်ပွားခဲ့ဖူးသည့် နောက်ဆုံးမျိုးဆက်များသာ ဖြစ်သွားနိုင်ပါသည်။

        ထို့ကြောင့် မရမ်းချောင်းပရဟိတဂေဟာသို့ ကိုယ်တိုင်ကိုယ်ကျ လာရောက် လှူဒါန်းလိုသူများအနေဖြင့် အနာကြီးရောဂါ၏ ဗီဇရုပ်ကို တီးခေါက်မိစေရန်နှင့် သံသယ ရှင်းစွာလှူဒါန်းနိုင်ရေးအတွက် တတ်စွမ်းသည့်ဘက်မှ တင်ပြထားခြင်းသာဖြစ်ပါသည်။ မြန်မာလူမျိုးအချင်းချင်းရိုင်းပင်းကူညီဖေးမခြင်းဖြင့် မြန်မာ့မြေကို ပိုမိုစိမ်းလန်းအောင် ဖန်တီးနိုင်ကြသူများ ဖြစ်ကြပါစေ…………….။

တောကျီးဂန်း (ခေတ္တ-မင်းကုန်း)

၉ နိုဝင်ဘာ ၂၀၁၀

ကိုးကား

1.   Davidson’s PRINCIPLES AND PRACTICE OF MEDICINE 20^TH EDTION

2.   အနာကြီးရောဂါတိုက်ဖျက်ရေးလုပ်ငန်းလက်စွဲ/ကျန်းမာရေးဝန်ကြီးဌာန/၂၀၀၈ဖေ။

3.   AN ATLAS OF LEPROSY; SASAKAWA MEMORIAL HEALTH FOUNDATION.1983 EDTION

4.   A GUIDE TO ELIMINATING LEPROSY AS A PUBLIC HEALTH PROBLEM/MINISTRY OF HEALTH; MYANMAR.

5.   ပိုးကိုက်ပန်း-ချစ်စံဝင်း (၂၀၀၅)

ဆေးသောက်ခြင်း၏ နောက်ကွယ်….

      ကျွန်တော်တို့ ပါတ်ဝန်းကျင်တွင် ကွမ်းယာဆိုင်များ မှိုလိုပေါက်သလို ဆေးဆိုင်များပါ တမဟုတ်ချင်း ထွန်းကားလာချိန်မှ စ၍ဤပြဿနာ ပေါ်လာသည်ဟုဆိုနိုင်သည်။ `စပ်ဆေး´ တနည်းအားဖြင့်ဆိုသော် ဆရာဝန်ညွန်ကြားချက်မပါပဲ အလွယ်တကူ ရောင်းချသော ဆေးဝါးများ။ ထိုဆေးဝါးများထဲတွင် မြန်မာနိုင်ငံတွင် မှတ်ပုံတင်ထားသော ဆေးဝါးများပါသလို အများစုမှာ အောက်လမ်းမှတရားမ၀င် ၀င်ရောက်လာသော မှတ်ပုံ တင်မထားသည့် ဆေးဝါးများ။ ဈေးပေါသည် ၀ယ်ရလွယ်သည်။ အရောင်အသွေးစုံသည်။ ထိုဆေးများကြောင့် ဒုက္ခရောက်သူ မည်မျှရှိမည်ကို ခန့်မှန်း၍မရနိုင်။ ထို့ကြောင့် ဆရာဝန်ညွန်ကြားချက်နှင့်သောက်သုံးသင့်သော ဆေးဝါးများအကြောင်းကို ဘာသာပြန်မိခြင်းဖြစ်သည်။

       ဆာရာ အတွက် ပန်းနာရင်ကျပ်ဆေးများကို မည်သည့်အရွယ်မှ စသုံးနေရသည်ကိုပင် ကောင်းစွာ မမှတ်မိတော့။ ဒီလောက်ဆေးသောက်နေသည့်ကြားမှပင် ရောဂါက အကင်းမသေနိုင်။ သူမဘ၀အတွက် ပျော်ရွှင်စရာအချိန်များမှာ ပန်းနာရင်ကျပ်ကြောင့် တဖြည်းဖြည်းလျှော့ပါးလာသည်။

       လွန်ခဲ့သော ၂ နှစ်က ညစာစားပွဲတခုတွင် ပင်လယ်စာနှင့်အုန်းသီး ကိုမထင်မှတ်ပဲတွဲစားမိသည်။ သူမ ပန်းနာရင်ကျပ်သည် အုန်းသီးနှင့်မတည့်မှန်း သိသော်လည်း ယခင်က ပြဿနာကြီးကြီးမားမား မရှိခဲ့သည့်အတွက် ဘာမျှမဖြစ်လောက်ဟု သူမထင်ခဲ့သည်။ ထိုညတွင်တော့ တညလုံး ရင်ကျပ်နေပြီး အသက်ရှုလျှင် တရွှီရွှီမြည်သံများကို အပြင်ကပင် ကြားနေရသည်နှင့် မနက်ခင်းတွင် ဆေးရုံသို့ပြေးရလေသည်။

       အကယ်၍ ဆေးရုံမှ သူမပုံမှန်သောက်ရန်ပေးထားသည့် Ventolin (ဗန်တိုလင်) အား ပုံမှန်သောက်ပါသလားဟု မေးလာခဲ့လျှင် မသောက်ပါဟု ၀န်ခံရန်အသင့်ပင်။ ဆာရာရောဂါမှာ ဗန်တိုလင် အငွေ့ရှုစက်အကူအညီဖြင့် အလုပ်ဖြစ်သွားသော်လည်း ဆရာဝန်များက နောက်တကြိမ်ဆိုးဆိုးရွားရွား ထပ်ဖြစ်မှာ စိုးရိမ်ကြသည်။ ထို့ကြောင့်သူမအား ရောဂါလက္ခဏာများ သက်သာစေရန် စတီးရွိုက်ဆေးပမာဏ ခပ်များများကို ပေးလိုက်သည်။

       ဆာရာကဲ့သို့ ပန်းနာရင်ကျပ်သမားများသည် ပေးထားသော ဆေးများကို ပုံမှန်မှီဝဲနေရန် လွန်စွာမှ အရေးကြီးသည်။ သက်သာသည်ဆိုပြီး ရပ်ထား၍မရ။ ကိုယ့်သဘောနှင့်ကိုယ် လျှော့ပစ်၍မရ။ တကြိမ်ကြိမ်တော့ ဆိုးရွားစွာ ဒုက္ခပေးလာမည်မှာ သေချာသည်။  ဆာရာကိုယ်တိုင်လည်း သူမ၏ ပန်းနာရင်ကျပ်ရောဂါ မည်မျှဆိုးရွားကြောင်း သေချာမသိ။ လျှော့တွက်သည်။ ကျွန်တော်တို့ မြန်မာနိုင်ငံမှာ လည်း ဆာရာ့လို ပန်းနာရင်ကျပ်ဝေဒနာသည်တွေ ဒုနဲ့ဒေး။ `ဆရာရယ် ရင်ကျပ်နေလို့ အရင်တခါ ပေးတဲ့ အကျပ်ပျောက်ဆေးလေး ရောင်းပါဦး´ ဆိုတာမျိုးက လာသေးသည်။ သူတို့အတွက်လည်း လတ်တလော ချောင်လည်ဖို့က အဓိကဖြစ်နေသည်။ နောင်ခါလာ နောင်ခါဈေး။

       လူနာအများစုက ဆရာဝန်ပေးထားသော ဆေးများကို အကြောင်းပြချက် အမျိုးမျိုးဖြင့် ဖြတ်ကြသည်။ သက်သာသွားသဖြင့်တမျိုး ၊ အရသာကို မကြိုက်၍တဖုံ ၊ ဈေးကြီးသဖြင့် တသွယ် ၊ မေ့သွား၍ တကြောင်း။ မျိုး စုံလှသည်။ သို့သော် ညွန်ကြားထားသည့်ဆေးများကို မိမိသဘောဖြင့် ရပ်တန့်ခြင်းသည် မိမိရောဂါကို ပိုမိုဆိုးရွား လာစေသည့်အပြင် ရုတ်တရက်ဆေးဖြတ်ခြင်းကြောင့် ဖြစ်သည့် ဘေးထွက်ဆိုးကျိုးများကို ခံစားရ နိုင်သည်ကို သိရှိထားရန် လွန်စွာမှ အရေးကြီးသည်။ တခါတခါ `ဆေးအများကြီး ရက်အကြာကြီး မသောက်ချင် ဘူးဆရာ နည်းနည်းနဲ့ကောင်းကောင်းလေးပေးပါ။ ဈေးကြီးရင်ကြီးပလေ့စေ´ ဆိုသော တောင်းဆိုမှုများကိုလည်း ကြုံရတတ်သည်။ အောက်ပါဖြစ်ရပ်များတွင် မိမိအကြောင်းပြချက်ဖြင့် ဆေးဖြတ်ခဲ့သူ အချို့ကြုံတွေ့ခဲ့ရသည်များကို ဖတ်ရှု သင်ခန်းစာ ယူနိုင်ပါသည်။

`ကျွန်တော် သက်သာလို့ ဆေးဖြတ်လိုက်တယ်´

       စီးပွားရေးသမားတဦးဖြစ်သူ ချွာ သည် ၂၀၀၉ ခုနှစ်က နှလုံးသွေးကြောကျဉ်းရောဂါကြောင့် နှလုံးခွဲစိတ်မှု ခံယူထားသူတဦးဖြစ်သည်။ ဆရာဝန်များက ၅၁နှစ်အရွယ် ချွာ ၏ ကိုလက်စထရော ပမာဏကို ထိန်းချုပ်လျော့ချသည့် ဆေးများကို ဆက်လက်သောက်ရန် ညွန်ကြားထားသည်။ သို့သော် ဆေးသောက်ပြီး ၆လခန့်အကြာ သွေးတွင်းကိုလက်စထရော စစ်ဆေးချိန်တွင် ချွာ ၏ ကိုလက်စထရောပမာဏမှာ ပုံမှန်ဖြစ်သွားသည်။ ထိုအခါ ချွာ တယောက် ဆေးသောက်စရာမလိုတော့ဟု တွက်ကာ တညတကြိမ်သောက်ရ သည့်ဆေးကို မေ့ပစ်လိုက်သည်။

       `ကျွန်တော်က ညပိုင်းမှာ အရက်လေးနဲနဲပါးပါးသောက်တော့ ဆေးသောက်နေလဲ အကျိုးမရှိလောက်ပါ ဘူးထင်ပြီး မသောက်တော့တာ´ ပါဟု ချွာကဆင်ခြေပေးသည်။ သို့သော် ဆေးဖြတ်ပြီး ၄ လအကြာ နောက်တကြိမ် ပြန်လည်စစ်ဆေးမှုတွင် ချွာ ၏ သွေးတွင်းကိုလက်စထရောဓါတ်မှာ ကြောက်စရာ ကောင်းလောက်အောင် မြင့်တက်နေသည်။ `ကျွန်တော် အသီးအရွက်များများ စားနေလို့ သွေးထဲမှာ ကိုလက်စ ထရော ကျသွားမယ်လို့ ထင်ပြီး ဆေးကို အာရုံမထားမိတာပါ´ ဟု သူက၀န်ခံသည်။

       သွေးထဲရှိ ကိုလက်စထရော ပုံမှန်ရှိသည်ဆိုသည်နှင့် သောက်နေကြဆေးကို ရပ်၍မရပါ။ သွေးတွင်း အဆီကျဆေးများသည် သင့်ကိုလက်စထရော ပမာဏကို ပုံမှန်ထက် မတက်အောင်တားဆီးပေးနိုင်သည်။ အကယ်၍ သင်ဆေးဖြတ်လိုက်ပါက နှလုံးတိုက်ခိုက်ခံရခြင်းကြောင့် ရုတ်တရက်လဲကျသေဆုံးသည်အထိ ဆိုးရွားသွားနိုင်သည်ကို သတိပြုရန်လိုအပ်သည်။ ထို့ပြင် သွေးတိုး နှင့် ဆီးချို ရောဂါ ထိန်းဆေးများသည်လည်း ဤသဘောအတိုင်းသာဖြစ်သည်။ သင့်သဘောနှင့်သင် သက်သာသည်ဆို၍ ဖြတ်၍ လျော့၍ မရ။ သင့်ဆရာဝန် နှင့်တိုင်ပင်ပြီး မည်၍ မည်မျှသောက်ရမည်ကို သေချာစွာ မေးမြန်းထားရန်လိုသည်။ အလားတူ အလွယ်တကူ သောက်၍ အလွယ်တကူဖြတ်သော နောက်ထပ် အသုံးများသည့် ဆေးဝါးတစ်မျိုးမှာ `ပိုးသတ်ဆေး´ ဟု အလွယ်တကူ ခေါ်ကြသည့် ပဋိဇီဝဆေးဝါးများ (antibiotic)  ။

       ၇ နှစ်အရွယ် နီကိုလပ်စ လေးသည် လည်ချောင်းနာပြီး ဖျားသဖြင့် ဆရာဝန်က ပိုးသတ်ဆေးတမျိုးကို ၁၀ ရက်သောက်ရန် ညွန်ကြားလိုက်သည်။ သို့သော် ဆေးသောက်ပြီး ၈ ရက်မြောက်တွင် လည်ချောင်းနာခြင်း ဖျားခြင်းများ မရှိတော့သည့်အတွက် အမေလုပ်သူက ဆေးကိုရပ်လိုက်သည်။ နီကိုလပ်စ ကိုယ်တိုင်က ဆေးကို မကြိုက်။ ခေါင်းမူးသည် မအီမသာဖြစ်သည်ဟို ဆိုသည်။ သို့သော် နောက်တရက်တွင် အဖျားပြန်တက်ပြီး လည်ချောင်းနာသည်မှာ အစာမျိုမရလောက်အောင်ဖြစ်လာသဖြင့် မိခင်က ဆေးလက်ကျန်ကို သုံးရက်ဆက် တိုက်လိုက်သောအခါ ပြန်သက်သာသွားပြန်သည်။ သို့သော် နောက် ၂ရက်အကြာတွင် အရင်အတိုင်းပြန်ဖြစ်သည်။ သည်တချီတွင်တော့ လည်ပင်းအကျိတ်များပါ ယောင်ယမ်းနာကျင်လာသည်။ ယခု တကြိမ်တွင်တော့ မိခင်လုပ်သူက ` ဒီတခါတော့ ကျွန်မတို့ ဆေးပါတ်လည်အောင် သောက်တော့မှာပါ´ ဟု နောင်တရသည့်လေသံဖြင့်ဆိုလာသည်။ စင်္ကာပူကဲ့သို့ ဖွံဖြိုးပြီးနိုင်ငံအတော်များများတွင် ဆရာဝန်မှတ်ချက် မပါပဲ ပဋိဇီဝဆေးဝါးများ ရောင်းချခြင်းကို တားမြစ်ထားသည်။ မြန်မာနိုင်ငံတွင် ကွမ်းယာဆိုင်များတွင် အလွယ် တကူဝယ်၍ ရသည်။ ဒီတော့ ပြဿနာပို၍ ကြီးသည်။

       ရောဂါလက္ခဏာ သက်သာသွားခြင်းသည် ကိုယ်တွင်း၍ ဘက်တီးရီးယားများ အမြစ်ပြုတ်သွားခြင်း မဟုတ်ပါ။ တ၀က်တပျက် ငုပ်သွားခြင်းသာ ဖြစ်ပါသည်။ အချို့ပိုးများသည် လူ့ခန္ဓာကိုယ်ထဲတွင် နှစ်ပေါင်းများစွာ ခိုအောင်းပြီး ကိုယ်ခံအားနည်းချိန်တွင် တစခန်းထ၍ ဒုက္ခပေးတတ်သည်။ ဆေးကို စောစီးစွာ ဖြတ်လိုက်သဖြင့် ရောဂါပိုးများက ဆေးယဉ်ပြီး နောက်တကြိမ်တွင် ယခင်သောက်နေကြဆေးမျိုးဖြင့် မတိုးတော့ပဲ ကုသရန် ခက်ခဲပြီး ဆေးမတိုးသော ပိုးမျိုးများပေါက်ဖွားကုန်သည်။ မြန်မာနိုင်ငံတွင် အဖြစ်များသော လေးဘက်နာရောဂါပိုးသည် နှလုံးနှင့်ကျောက်ကပ်ကို ကောင်းစွာဒုက္ခပေးတတ်သည်ကို သတိပြုရန်လိုပါသည်။ အဆစ်အမြစ်ကိုက်သည်ထက် နှလုံးအဆိုများပျက်စီးခြင်းက ပို၍ကြောက်စရာကောင်း သည်။

`ဘေးထွက်ဆိုးကျိုးတွေကို ကြောက်လို့ / မကြိုက်လို့ ဖြတ်လိုက်တယ်´

       အကြောပြင်ဆရာအဖြစ် အသက်မွေးဝမ်းကြောင်းသူ ဂရန့်သည် ၁၁နှစ်သားကတည်းက အတက် ရောဂါ ထိန်းဆေးများကို ပုံမှန်မှီဝဲလာခဲ့ရသည်။ သို့သော် အသက် ၂၇ နှစ်အရောက်တွင် ဆေးအချို့ကြောင့် မက်သည့်အိပ်မက်ဆိုးများကို သူမကြိုက်တော့။ လူနေမှုပုံစံပြောင်းလဲခြင်း ၊ စိတ်ဖိစီးမှုများကို လျော့ချခြင်း ၊ လေ့ကျင့်ခန်းလုပ်ခြင်း ၊ တရားထိုင်ခြင်းတို့ဖြင့် ဆေးမသောက်ပဲ အတက်ရောဂါကိုထိန်းရန် ကြိုးစားကြည့်သည်။ ၁၀ နှစ်ခန့်အထိ အတက်ရောဂါကို ထိန်းချုပ်နိူင်သည်အထိ အောင်မြင်သည်။

       သို့သော် ၂၀၀၇ ခုနှစ်တွင် စိတ်ဖိစီးမှုတခုကြောင့် ကားမောင်းရင်း ၀က်ရှုးပြန်သလိုပြန်ဖြစ်သည်။ ကံကောင်းထောက်မ၍ ဆိုးဆိုးရွားရွား မထိခိုက်။ ဂရန့် ဆေးပြန်သောက်ရန် လိုအပ်ကြောင်း သဘောပေါက်ပြီး ဆရာဝန်နှင့် ပြန်လည်ပြသသည်။

       ဆေးဝါးပေါင်းများစွာနှင့် စမ်းသပ်ပြီးနောက် ဂရန့်သည် သူနှင့်သင့်တော်သော ဘေးထွက်ဆိုးကျိုးနည်း သည့် ဆေးဝါးတမျိုးကို ရွေးချယ်နိုင်ခဲ့သည်။ သို့သော် လေ့ကျင့်ခန်းလုပ်ခြင်း ၊ စိတ်ဖိစီးမှုလျော့ကျစေရန် တရားထိုင်ခြင်းကဲ့သို့ အလုပ်များကိုလည်း ဆက်လုပ်ဖို့လိုသေးကြောင်း ဆရာဝန်များက ညွန်ကြားလိုက်သည်။

       ပုံမှန်သောက်သုံးရမည့် ဆေးဝါးများကို ဘေးထွက်ဆိုးကျိုးကိုကြည့်၍ ရပ်တန့်ခြင်းကြောင့် ရရှိလာမည့် လတ်တလောအကျိုးနှင့် ရောဂါရုတ်တရက် ထဖောက်ခြင်းကြောင့် ဖြစ်လာမည့် အသက်အန္တရာယ်ကို ချိန်ထိုးကြည့်ဖို့လိုသည်။ ခဏတာ စိတ်ချမ်းသာမှု နှင့် အသက် ဘယ်အရာကို သင်ရွေးချယ်မည်နည်း။ ဘေးထွက်ဆိုးကျိုးများကြောင့် စိတ်အနှောင့်အယှက်ဖြစ်နေလျှင် ဆရာဝန်နှင့်တိုင်ပင်ပါ။ သင့်ဆရာဝန်က သောက်နေသော ဆေးပမာဏကို လျော့ချခြင်း သို့မဟုတ် အခြားဆေးဝါးတမျိုးပြောင်းလဲသုံးစွဲစေခြင်းများဖြင့် သင့်ဝေဒနာကို သက်သာပျောက်ကင်းအောင် ပြုလုပ်ပေးပါလိမ့်မည်။

`ဆေးစွဲသွားမှာစိုးလို့ ဖြတ်လိုက်တယ်´

       လန်ဗန်ဒါ တယောက် တောင်အာဖရိကသို့ခရီးရှည် လေယာဉ်စီးရတိုင်း အိပ်ဆေးအမြဲဆောင်သွားလေ့ ရှိသည်။ နာရီပေါင်းများစွာ လေယာဉ်စီးချိန်တွင် နှစ်နှစ်ခြိုက်ခြိုက် အိပ်ပျော်နေလျှင် လေယာဉ်မူးသည့်ဒဏ်မှ ကင်းလွတ်သည့်အပြင် နောက်တနေ့အတွက် အိပ်ရေးဝသည်ဟု လန်ဗန်ဒါ တွက်သည်။ သို့သော် ဆစ်ဒနီရှိ အိမ်ပြန်ရောက်ချိန်တွင် အိပ်ဆေးမကူပဲ သူအိပ်မပျော်တော့။ ဆေးမသောက်လျှင် မိုးစင်စင်လင်းသော ညတွေများလာသည်။ သူကိုယ်သူ အိပ်ဆေးစွဲနေသည်ဟု ထင်ကာ အိပ်ဆေးများကို လုံးဝရပ်ပစ်လိုက်သည်။ ဆေးဖြတ်ပြီး တပါတ်ခန့်အထိ စိတ်ဓါတ်အလွန်အမင်းကျခြင်း ၊ အိပ်ရေးပျက်ခြင်း ၊ နုံးခွေခြင်းများကို ခံစားရပြီး နောက် ပုံမှန်ပြန်ဖြစ်သွားသည်။

       သင့်ခန္ဓာကိုယ်သည် ကာလရှည်ကြာ သောက်လာခဲ့သော ဆေးတခုခုအား ရုတ်တရက်ဖြတ်လိုက်လျှင် တနည်းနည်းဖြင့် တုံပြန်တတ်သည်မှာ သဘာဝဖြစ်သည်။ ဆေးမရှိလျှင် မည်သို့လည်ပါတ်ရမည်ကို ခန္ဓာကိုယ် မှတဖြည်းဖြည်း ပြန်လည်တွက်ချက်ယူသည့်အချိန်တွင် သင် ဆေးပြတ်သည့်လက္ခဏာများကို ခေတ္တခံစားရနိုင် သည်။ အချို့လူများတွင် ပြင်းထန်သော်လည်း အချို့တွင် ခဏတာသာဖြစ်သည်။ ဤအချိန်ပိုင်းလေးကို စိတ်ရှည်ရှည်နှင့် ကျော်လွားဖို့လိုသည်။ သင်ဆေးစွဲနေသည်ဟု တထစ်ချမယူဆနိုင် ဟု သြစတေးလျ အမျိုးသား ဆေးညွန်း လုပ်ငန်းမှ ဒေါက်တာ လင်းဝိခ်က ပြောသည်။ သို့သော် ရေရှည်သောက်ရမည့်ဆေးများ အား ပုံမှန်ထက်တဖြည်းဖြည်းတိုး၍ သောက်လာပါက နောက်ပိုင်းတွင် သာမန်ဆေးများနှင့် မတိုးတော့ပဲ သင့်ခန္ဒာအတွက် ဆေးပမာဏများစွာလိုအပ်လာလိမ့်မည်ဖြစ်သည်။ ဤသို့ဖြစ်လာလျှင် သင့်အတွက် မကောင်းတော့။

       မြန်မာနိုင်ငံတွင် အဖြစ်များသည့်ကိစ္စမှာ အကိုက်အခဲပျောက်ဆေးများ နှင့် ပရန်တီစလုံး ခေါ် စတီးရွုက် ဟော်မုန်းဆေးများအား လက်လွတ်စပါယ်သောက်ခြင်းကြောင့် အစာအိမ်ပျက်စီးခြင်း ၊ သွေးယိုခြင်းများ ၊ ဆေး မတိုးခြင်းများ ဖြစ်သည်။

`ဈေးကြီးလို့ ဆက်မသောက်နိုင်တော့တာပါ´

       ဖိလစ်ပိုင်အိမ်ထောင်ရှင်မတစ်ဦးဖြစ်သူ မာရီယန်တယောက် ကိုယ်အလေးချိန် တဖြည်းဖြည်းကျလာပြီး ရင်တုန်ခြင်း ၊ အိပ်မပျော်ခြင်းများကြောင့် ဆေးရုံပြသရာ ဆရာဝန်များက သူမထံတွင် သိုင်းရွုက်ဟော်မုန်း လွန်ကဲသည့် ရောဂါ ( Grave’s Disease) ဖြစ်နေသည်ဟု စမ်းသပ်စစ်ဆေးတွေ့ရှိရသည်။ ဆရာဝန်က သူမအား ပရိုဖိုင်သိုင်အိုယူရီစေး ဆေးအား ၂ လသောက်ရန်ညွန်ကြားလိုက်သည်။ ၂ ပါတ်ခန့်ကြာပြီးချိန်တွင် ရောဂါသက်သာသည်က တကြောင်း စီးပွားရေးမပြေလည်သည်က တကြောင်းတို့ကြောင့် မာရီယန်တယောက် ဆေးဆက်မသောက်တော့ပဲ ရပ်လိုက်သည်။ နောက်တပါတ် ဆေးရုံမှ ရက်ချိန်းကိုလည်း မသွားတော့။

       နောက်ထပ်တလခန့်အကြာတွင် မာရီယန်တယောက် ရောဂါဆိုးဆိုးဝါးဝါးပြန်ဖောက်လာသည်။ သွေးထဲတွင် သိုင်းရွိုက်ဟော်မုန်းများ အဆမတန်မြင့်တက်နေသည့် (Thyroid Strom) ကိုခံစားရပြီး အထူးကြတ်မတ်ကုသခန်း သို့ပို့လိုက်ရသည်အထိဖြစ်သွားသည်။ ဆရာဝန်များက အကောင်းဆုံးကုသပေး သော်လည်း ၂ ပါတ်ခန့်အကြာတွင် မာရီရန် သေဆုံးသွားတော့သည်။

       ထိုအဖြစ်အပျက်ကို ကြည့်ခြင်းဖြင့် မိမိရောဂါအတွက် ပေးထားသော ပုံမှန်သောက်ရန်ဆေးများအား ညွန်ကြားထားသည့်အတိုင်း စနစ်တကျ သောက်သုံးရန် မည်မျှအရေးကြီးကြောင်း သိသာစေသည်။ ညွန်ကြားထားသော ဆေးဝါးများ ဈေးကြီးသဖြင့် မိမိငွေကြေးအခြေအနေအရ တတ်နိုင်ခြင်းမရှိလျှင် မိမိဆရာဝန်ထံ ပြန်လည်ပြသပြီး ပွင့်လင်းစွာ တိုင်ပင်ရန်လိုအပ်သည်။ သို့မှသာ ဆရာဝန်က အလားတူ ဈေးချိုသော အခြားဆေးတမျိုးဖြင့် ပြောင်းလဲညွန်ကြားနိုင်လိမ့်မည်ကို သတိပြုရန်လိုသည်။

`ဆေးရဲ့ဘေးထွက်ဆိုးကျိုးတွေအကြောင်းကြားမိလို့ ဖြတ်လိုက်တယ်´

       ဤအကြောင်းပြချက်သည် ကျန်းမာရေးလိုက်စားသော လူလတ်တန်းစား များတွင် အတွေ့ရများသည်။ မိမိကျန်းမာရေးအတွက် ကျန်းမာရေးစာစောင်များ ၊ မဂ္ဂဇင်းများ ၊ ရေဒီယိုများမှတဆင့် ကျန်းမာရေးဆိုင်ရာ အသစ်တွေ့ရှိချက်များ ၊ သုတေသနများ ၊ စစ်တမ်းများ ၊ ကုထုံးများ အကြောင်းကို ဂရုတစိုက်နားထောင်လေ့ ရှိသူများတွင် ဖြစ်တတ်သည်။ မိမိရောဂါနှင့် သက်ဆိုင်သည့် ခေါင်းစဉ်ဆိုလျှင် ပို၍စိတ်ဝင်စားစွာ အာရုံစိုက်မိကြ သည်။ မိမိဆရာဝန်ညွန်ကြားထားသော ဆေးနှင့် ဂျာနယ်တွင် ဖော်ပြထားသော ဆေး ကိုက်ညီမှုရှိမရှိကအစ ၊ မိမိသောက်နေသောဆေးသည် ယနေ့ဆေးပညာနှင့် အံဝင်ဂွင်ကျဖြစ်မဖြစ် အထိအာရုံစိုက်လာသည်။ ဟိုဆေး ကမကောင်းတော့ဘူးတဲ့ ဒီထဲကဆေးမျိုးပြောင်းသုံးကြည့်အုံးမှ ဆိုသည့် လူနာတွေလည်း တဖြည်းဖြည်း များလာသည်။ အောက်ပါအဖြစ်အပျက်ကို ကြည့်ပါ။

       ၅၃ နှစ်အရွယ် မေရီတယောက် သွေးဆုံးပြီးချိန်တွင် ခံစားနေရသော ပူလိုက်အေးလိုက်ဖြစ်ခြင်း ၊ စိတ်ကယောက်ကယက်ဖြစ်ခြင်း ၊ အလိုမကျခြင်း ၊ မကြာခဏ မေ့တတ်ခြင်းတို့ကြောင့် ဟော်မုန်းဖြည့်စွက်ဆေး (Hormone Replacement Therapy) ပုံမှန်မှီဝဲနေရသည်။ သို့သော် အင်တာနက်တွင် HRT ကြောင့် ရင်သားကင်ဆာ ဖြစ်ပွားနိုင်ချေများသည် ဟုသော သုတေသန တွေ့ရှိချက်ကြောင့် ဆေးကို ဆက်မသောက်ရဲ တော့။ ဒီအရွယ်မှကင်ဆာတော့ အဖြစ်မခံနိုင်ဟု တွက်ကာ ဆေးဖြတ်လိုက်သည်။

       သို့သော် ဆေးဖြတ်ပြီး ၆လခန့်အကြာတွင် သူမ မခံနိုင်တော့။ ခေါင်းမကြာခဏ ကိုက်သည့်အပြင် ပူလိုက်အေးလိုက်က မကြာခဏဖြစ်သည်။ အလုပ်တွင်လည်း မကြာခဏ မေ့တတ်သောကြောင့် ပြဿနာဖြစ်လာသည်။ တိုင်းရင်းဆေးမြီးတိုများကလည်း အလုပ်မဖြစ်။ မေရီတယောက် ကာလအတန်ကြာ ပစ်ထားခဲ့သော HRT ပြန်သောက်မှ သက်သာသွားသည်။ သို့သော် နောက်ထပ် ၂ နှစ်ခန့်အကြာတွင် မေရီအား HRT ကို ငါးနှစ်ပိုမသောက်သင့်ဟု ဆရာဝန်အသိုင်းအ၀ိုင်းနှင့် နီးစပ်သောလူတယောက်က ပြောလာသဖြင့် ဆေးကို နောက်တကြိမ်ထပ်ဖြတ်ပြန်သည်။ ဒီတကြိမ်တွင်လည်း ယခင်လက္ခဏာဟောင်းများက ပြန်ပေါ်လာပြန် သည်။

       သတင်းစာ ၊ ဂျာနယ်များတွင် ပါဝင်သော ကျန်းမာရေးတွေ့ရှိချက် အတိုလေးများသည် စာဖတ်သူများ ကို မကြာခဏ နားလည်မှုလွဲမှားစေသည်။ HRT ၏ ဘေးထွက်ဆိုးကျိုးများကို အမေရိကန် အမျိုးသမီး ကျန်းမာရေး ပဏာမခြေလှမ်း အဖြစ် အမျိုးသမီးမြောက်များစွာကို သုတေသနပြုလုပ်ခဲ့ကြသော်လည်း မီဒီယာများတွင် စာဖတ်သူစိတ်ဝင်စားအောင် စာလုံးမည်းများဖြင့် ကြောက်စရာကောင်းသော ဘေးထွက် ဆိုးကျိုးများကို ဖော်ပြပြီး ဆွဲဆောင်ကြသည်။

       `တကယ်တော့ HRT ဟာ အမျိုးသမီးငယ်တွေအတွက် အချို့ရောဂါတွေကို ကာကွယ်နိုင်ပါတယ်´ ဟု မဲလ်ဘုန်းရှိ မိုနက်ရှ ကျန်းမာရေးစောင့်ရှောက်မှု၏ သွေးဆုံးအမျိုးသမီးဆေးခန်းမှ ဒေါက်တာအဲလဇ်ဘက် ဖာရဲလ်မှ ပြေကြားသွားခဲ့သည်။ ကျန်းမာရေးဆိုင်ရာ သတင်းခေါင်းစီးမဲမဲကြီးများသည် လူအများကို တပ်လှန့်ရန် ရည်ရွယ်သော်လည်း အလွန်အမင်းစိုးရိမ်ထိတ်လန့်စရာ မလိုပေ။ ဆေးဝါးဆိုင်ရာသုတေသနများမှ အချက်အလက်များသည် ရှုပ်ထွေးတိကျပြီ ဂျာနယ်စာမျက်နှာငယ်လေးတခုအတွင်း ပြည့်စုံအောင် မဖော်ပြနိုင် ခြင်းကြောင့် ယေဘုယျဆန်သည့်တွေ့ရှိချက်များကိုသာ အလေးပေးပြီး ဖော်ပြရခြင်းကြောင့်လည်းဖြစ်သည်။

       ခေါင်းကြီးပိုင်းတွင် မည်မျှကြီးသော စာလုံးကြီးနှင့်ဖော်ပြထားသည့် ဘေးထွက်ဆိုးကျိုးဖြစ်ပါစေ မည်မျှကြာအောင် သောက်သင့်သည် မည်သည့်အချိန်တွင် ဖြတ်သင့်သည်ကိုတော့ သင့် ဆရာဝန်နှင့် အရင်ဆုံးတိုင်ပင်ရန်လိုအပ်ပါသည်။

       ယနေ့ခေတ် ဆေးပညာသည် အရှိန်အဟုတ်နှင့် ပြောင်းလဲတိုးတက်နေသည်။ ရောဂါတမျိုး အတွက် နောက်ဆုံးပေါ်ကုထုံးများ ဆေးဝါးများ စဉ်ဆက်မပြတ်ပေါ်ထွက်လျက်ရှိသည်။ အချို့ဆေးဝါး များသည် မိမိတို့နှင့်လက်လှမ်းမမှီ။ မိမိတို့နိုင်ငံတွင် မသုံးစွဲနိုင်သေး။ အချို့ဆေးဝါးများသည် မိမိရောဂါ အတွက် ထိရောက်သည်ဆိုသော်ငြားလည်းပဲ မိမိနှင့်မတည့်သည့်ဆေးဝါးများ ဖြစ်နေနိုင်သည်။ ထို့ကြောင့် ဆေးသောက်ခြင်း နောက်ကွယ်တွင်ရှိနေသော ပြဿနာများကို ရှောင်ကြဉ်နိုင်ရန် မိမိတို့ဆရာဝန်နှင့် တိုင်ပင်ပြီးမှသာ သောက်သုံးသင့်ကြောင်းတင်ပြရင်း………

                                                                                                                                   တောကျီးဂန်း

                                                                                                   သြဂုတ် ၁၄ ၂၀၁၀

                                                                                                                

အဆီချခြင်း

အဆီကျ လှပပြီး ပိန်ဖို့အတွက် နောက်ထပ်တကြိမ် ၊ နောက်ထပ်နည်းလမ်းတမျိူးဖြင့် ကြိုးစားဖို့ ကြံစည်နေပါသလား? ယခုဖော်ပြမည့် နည်းလမ်းသစ်များကို စမ်းကြည့်ပါ။

          အထက်ပါ စာကြောင်းကိုဖတ်ပြီး ဤဆောင်းပါးအား အဆီကျဆေး ကြော်ငြာဟု မထင်စေလိုပါ။ ယခင်တုန်းက ကျန်းမာရေးနှင့်လျော်ညီသည့် ကိုယ်အလေးချိန်မျိုး ရရှိနေထိုင်ရန် မခက်ပါ။ ကယ်လိုရီ အ၀င် နှင့် အထွက် မျှတလျှင် အဆင်ပြေသည်ဟု အများက ယူဆထားကြသည်။ ကိုယ်အလေးချိန်ကျရန် အိမ်ထောင်ရှင်မတယောက်၏ ၀င်ငွေသုံးစွဲပုံမျိုးနှင့် ဆန့်ကျင်ဘက် အနေအထားအတိုင်း ကျင့်ကြံရမည်ဟု တချို့ကဆိုသည်။ ၀င်သလောက်ထက် ပို၍ သုံးရမည်။ သို့သော် လူခန္ဓာကိုယ်ရှိ အဆီများ အ၀င်အထွက် စီမံခန့်ခွဲမှုသည် ဘဏ်တခုထက်ပင် ပို၍ ရှုပ်ထွေးသေးသည်။

          ဒေါ်လာ ဘီလျံနှင့်ချီပြီး တန်ဖိုးရှိလာမည့် အဆီကျဆေးကို တွေ့ရှိနိုင်ရန် မျှော်လင့်ချက်ဖြင့် ကျွန်ုပ် တို့ ခန္ဓာကိုယ်တွင်းရှိ အဆီများ ထိန်းသိမ်းသိုလှောင်ခြင်း ၊ ထုတ်ယူသုံးစွဲခြင်းများနှင့် ပါတ်သက်သည့် ရှုပ်ထွေးမှုများကို သုတေသနပေါင်း မြောက်များစွာဖြင့် ဖြေရှင်းနိုင်ရန် ကြိုးစားခဲ့ကြသည်။ ထို သုတေသနများစွာထဲမှ တွေ့ရှိချက်အချို့က အဆီကျ ပိန်စေရေးအတွက် ဆန်းသစ်သော စားသောက်ပုံများစွာ ပေါ်ထွက်လာခဲ့သည်။ ယခုတလော ခေတ်စားလာသော  Diet လုပ်သည်ဆိုသည့် စကားရှေ့တွင် Scientific ဆိုသော စကားကို ပေါင်းထည့်ခြင်းဖြင့် ]သိပ္ပံနည်းကျ အစားရှောင်ခြင်း ဆိုသော စကားဖြစ်လာသည်။

          ကျန်းမာသော ကိုယ်အလေးချိန် ရှိနေရန်အတွင် သင့်ကိုယ်တွင်းရှိ leptin ဆိုသော် ဟော်မုန်းတမျိုး ပုံမှန် အလုပ်လုပ်ရန်လိုအပ်သည်။ အဆိုပါ ဟော်မုန်းက “ဗိုက်ပြည့်ပြီ” ဆိုသည့် သတင်းအချက်အလက်ကို သင့်၏ ဦးနှောက်သို့ ပို့ပေးသည်။ ထိုအခါ သင့်စိတ်ထဲတွင် စိတ်ကျေနပ်မှုရသွားပြီး လက်ရှိစားလက်စကို ရပ်တန့်ပစ်လိုက်သည်။ အဆိုပါ စိတ်ကျေနပ်မှု ခံစားချက်အား အခြားစိတ်ကျေနပ်မှုကို လက်ခံသည့်နေရာများဖြစ်သည့် လိင်စိတ်ကျေနပ်မှု နှင့် ဘိန်းဖြူကဲ့သို့သော ဆေးများကို စွဲလမ်းသည့် နေရာများထံသို့ပါ ရောက်ရှိသွားသည်။ အ၀လွန် လူများတွင် Leptin ဟော်မုန်းဓါတ်များ များပြားစွာ တွေ့ရှိရသော်လည်း သူတို့၏ ဦးနှောက်က ထိုဟော်မုန်းများ၏ သတင်းပို့မှုများကို တုန့်ပြန်မှုမပေးချေ။ အဆိုပါ အချက်အား သက်သေပြနိုင်ရန် အော်ရီဂွန် သုတေသန အင်စတီကျူမှ သုတေသီများက အ၀လွန် ပုဂ္ဂိုလ်များ၏ ဦးနှောက်များအား စစ်ဆေးကြည့်ရာ အဆိုပါ ဟော်မုန်း၏ သတင်းပို့ မှုအား ကောင်းစွာ မတုန့်ပြန်နိုင်ကြောင်း တွေ့ရှိခဲ့သည်။ ထို့ကြောင့်ပင် အ၀လွန်သူများသည့် ဗိုက်ပြည့်သည် ဟူသည့် စိတ်ကျေနပ်ဖွယ် ခံစားချက်ကို ရရှိရန် ပို၍စားဖြစ်နေခြင်းဖြစ်သည်။ တနည်းအားဖြင့် ဆိုသော် အ၀လွန်သူများသည် အစားကျုးသူများမဟုတ် ၊ သာမန်လူတယောက် အလွယ်တကူရရှိနိူင်သော တင်းတိမ်မှုမျိုးကို လွယ်ကူစွာ မရရှိကြသူများသာဖြစ်သည်။

          အဆိုပါ တွေ့ရှိချက်ကို ခိုင်မာစေမည့် အခြားသော အထောက်အထား များစွာရှိသည်။ တင်းတိမ်မှု ရရှိအောင် မည်သို့လုပ်ရမည်နည်း။ နောက်ပိုင်းကိစ္စများသည် အတော်လေးခက်ခဲသည်။ ပုံမှန် ပိန်ပါးသော လူတယောက် ကိုယ်အလေးချိန်တက်လာရန် ကြိုးစားခြင်းသည်လည်း ထိုနည်းတူ ခက်ခဲသည်။ တချို့ ခန္ဓာကိုယ်များက အပြောင်းအလဲ များကို လက်ခံရန် ငြင်းဆန်ကြသည်။ အဘယ့်ကြောင့်ဆိုသော် Leptin ဥပမာကဲ့သို့ပင် ကျွနုပ်တို့၏ ကိုယ်အလေးချိန်ထိန်းချုပ်ရေးစနစ် တခုလုံးသည် ဦးနှောက်အတွင်းရှိ အခြား စိတ်ကျေနပ်မှုပေးသော နေရာများနှင့်ပါ လွန်းထိုးစပ်ဆက်နေခြင်းကြောင့် ဖြစ်သည်။

          အကယ်၍ သင့်ခန္ဓာကိုယ်မှ ကိုယ်အလေးချိန်ကျရန် သင်ကြိုးစားနေသမျှကို တင်းခံငြင်းဆန်နေပါက နည်းလမ်းဟောင်းများကို စွန့်ပစ်ပြီး နောက်ဆုံးပေါ်သုတေသနများအပေါ် အခြေခံထားသည့် ရိုးရာ နည်းလမ်းသစ်များကို စမ်းကြည့်သင့်သည်။ ထိုနည်းလမ်းများထဲမှ သင်ခန္ဓာကိုယ်နှင့် လိုက်ဖက်မည့် နည်းလမ်းသစ်များကို သင်ကိုယ်တိုင် ရွေးချယ်ကြိုးစားကြည့်သင့်သည်။

တရက်ခြား အစားရှောင်ခြင်း

          တကယ်တမ်းလက်တွေ့တွင် အဆီချသည့် နည်းလမ်းဟောင်းဖြစ်သည့် တနေ့လျှင် ၁၅၀၀ ကယ်လိုရီ လောင်ကျွမ်းလျှင် နည်းဖြင့် ကိုယ်အလေးချိန်ကျသည့် နည်းလမ်းကို သင်အသုံးပြုနိုင်သေးသည်။ ဤနည်းကို အသုံးပြုခြင်းဖြင့် ကျန်းမာရေးနှင့် ညီညွတ်သော ကိုယ်အလေးချိန်တခုကို ပိုင်ဆိုင်လာမည့်အပြင် သွေးတိုး၊ ဆီးချို နှင့် နှလုံးရောဂါများ ဖြစ်ပွားနိုင်ချေ နည်းနိုင်သမျှ နည်းသွားနိုင်သည်။ ထို့ထက်ပိုပြောမည်ဆိုလျှင် ဓါတ်မတည့်မှုများ ၊ ကင်ဆာ ၊ ပန်းနာရင်ကျပ် နှင့် အခြားကူးစက်ရောဂါများကိုလည်း တားဆီးရာရောက်သေးသည်။ သို့သော် အခြားတဖက်တွင် တနေ့လျှင် ၁၅၀၀ ကယ်လိုရီ လောင်ကျွမ်းခြင်းဖြင့် သင်တချိန်လုံး ဗိုက်ဆာပြီး စိတ်မချမ်းမသာ ဖြစ်နေမည်မှာ သေချာသည်။ အဆိုပါကောင်းကျိုးများရရှိရန် အမြဲတမ်း ဗိုက်ဆာမနေပဲ ကြိုးစားကြည့်လျှင်ရော ဖြစ်နိုင်ပါသလား?

          အဖြေက ဖြစ်နိုင်ပါသည်။ ထိုမေးခွန်း၏ အဖြေမှာ ]တရက်ခြား အစားရှောင်ခြင်း} ဖြစ်ပါသည်။ ဘယ်လတီမိုးရှိ အမျိုးသား အသက်ကြီးရင့်ခြင်းဆိုင်ရာ အင်စတီကျု မှ သုတေသီများက ကြွက်များဖြင့် စမ်းသပ်ပြီး လွန်ခဲ့သော နှစ်များစွာကတည်းကပင် ထိုအချက်ကို ဖော်ထုတ်ခဲ့ကြသည်။ သုတေသီများသည်  ပထမရက်တွင် ကြွက်များကို အစာအနည်းငယ်သာ ကျွေးပြီး ဒုတိယနေ့တွင် အစာများစွာ ကျွေးပြီး လေ့လာခဲ့ကြရာ အဆိုပါ ကြွက်များတွင် ကောင်းမွန်သည့် ကယ်လိုရီ ထိန်းချုပ်နိုင်စွမ်း ရရှိလာခဲ့ကြောင်း ပြသနိုင်ခဲ့သည်။ အဆိုပါ စားသောက်ပုံသည် လူများတွင်လည်း အလုပ်ဖြစ်ကြောင်း နှင့် မည်ကဲ့သို့ စားသောက်နေထိုင်ရမည်ကို Dr James Johnson တည်ထောင်ထားသည့် www.johnsonupdaydowndaydiet.com တွင် အသေးစိတ် ဖော်ပြထားသည်။

          မည်သို့မည်ပုံ အလုပ်ဖြစ်ပါသနည်း? အဆိုပါ စားသောက်ပုံကြောင့် အဆီများကို လောင်ကျွမ်းစေသည့်အပြင် အသက်အရွယ်ကြီးရင့်ခြင်းကို တားဆီးပေးသည့် SIRT3 နှင့် SIRT4 ကဲ့သို့သော် မျိုးရိုးဗီဇ နှစ်မျိုးကို အားပေးသည့် နည်းဖြင့် ဟော်မုန်းဆိုင်ရာ ပြောင်းလဲမှုများကို ကိုလည်း ဖြစ်ပေါ်စေသည်။ သို့သော် အဆိုပါ စားသောက်ပုံနှင့် အံဝင်ခွင်ကျ အလေ့အထဖြစ်ရန် အနည်းငယ် ခက်ခဲကြောင်း အချို့ကဆိုသည်။ သို့သော် ထိုနည်းစနစ်သည် တချို့လူများ အသုံးပြုသည့် နေ့တိုင်း အငတ်ခံသည့် နည်းလောက်တော့ မဆိုးပါ။       

          မကြာသေးမီကပင် ချီကာဂို ရှိ အီလီနွိုက် တက္ကသိုလ်မှ သုတေသီများက အဆိုပါ စားသောက်ပုံနှင့် ပါတ်သက်ပြီး သုတေသနတွေ့ရှိချက်များကို ပုံနှိပ်ဖော်ပြခဲ့သည်။ အဆိုပါ သုတေသနတွင် အ၀လွန်လူများကို တရက်ခြား အစားရှောင်သည့် နည်းဖြင့် နှစ်ပါတ်တိုင်တိုင် စမ်းသက်ကြည့်ရာ ကိုယ်အလေးချိန် ၄ ကီလိုမှ ၁၃ ကီလိုအထိ ကျဆင်းသွားကြောင်း အံအားသင့်ဖွယ် တွေ့ရှိခဲ့ရသည်။ အဆိုပါ စမ်းသပ်မှု မပြုလုပ်မီက သုတေသီများက ပျှမ်းမျှ ၂ကီလိုခန့်သာ ကျသွားနိုင်သည်ဟု ခန့်မှန်းထားခဲ့ကြ ရာ လက်တွေ့တွင် မျှော်မှန်းထားသည်ထက်  များစွာကျဆင်းသည့်အပြင် သွေးဖိအား ၊ နှလုံးခုန်နှုန်း နှင့် သွေးတွင် ကိုလက်စထရော များပါ ကျဆင်းခဲ့ကြောင်း ဖော်ထုတ်နိုင်ခဲ့သည်။

          အစားရှောင်သူ တော်တော်များများ Brown fat ခေါ် အဆီညိုများအကြောင်းကို ကြားဖူးနားဝ ရှိလိမ့်မည်ထင်သည်။ အဆီဖြူများထက် အဆီညိုကိုသာ ပို၍ လိုလားသူများမည်ထင်သည်။ အဆီညိုများသည် ခန္ဓာကိုယ်အတွက် လိုအပ်သော စွမ်းအင်ကို သိုလှောင်ရမည့်အစား သင့်ခန္ဓာကိုယ် နွေးနေစေရန်အတွက် လောင်ကျွမ်းပြီး အပူကို ထုတ်ပေးသည်။ သို့သော် အဆီညိုများကို လူများတွင် များစွာ မတွေ့ရသည့် အတွက် လူကြိုက်နည်းသွားသော ခေါင်းစဉ်တခု ဖြစ်ခဲ့ရာ ယနေ့အချိန်တွင် နယူးအင်္ဂလန်ဆေးပညာမဂ္ဂဇင်း ၏ ကျေးဇူးကြောင့် အဆီညိုများ စာမျက်နှာပေါ်တွင် ထပ်မံနေရာရလာပြန်သည်။ ထိုဂျာနယ်၏ အဆိုအရ လူများကို အေးသောအပူချိန်တွင် ရှိနေစေလျှင် ခန္ဓာကိုယ်မှ အဆီညိုများ ပိုမိုထုတ်လုပ်ပေးသည် ထို့ကြောင့် ကိုယ်အလေးချိန်ကျသွားသည် ဟုဆိုသည်။ အပူချိန် ၂၂ံဆဲလ်စီးယပ်တွင် အမျိုးသမီးများသည် တရက်လျှင် အဆီ ၂၇ ဂရမ် နှင့် အထက် သုံးစွဲသည်ဟု ဆိုသည်။ သို့ဆိုလျှင် သင်တို့၏ အဲယားကွန်းများကို မိုင်ကုန်သာ ဖွင့်ထားရုံရှိသည်။ ကျွနုပ်တို့လို စွမ်းအင်ချွေတာသော နိုင်ငံနှင့်တော့ မကိုက်ချေ။

သင်၏ ကျားဟော်မုန်း (တက်စရိုစရုန်း) ပမာဏကို စစ်ဆေးပါ

          စာဖတ်သူသည် ဗိုက်ပူနေသော သက်လတ်အမျိုးသားတယောက်ဖြစ်သည် ဆိုပါစို့။ အစားများများ စားပြီး ကိုယ်လက်လုပ်ရှားမှုကလည်း တဖြည်းဖြည်းနည်းလာလျှင် သင့်ခန္ဓာကိုယ်မှ အီစထရိုဂျင် ခေါ် အမျိုးသမီး ဟော်မုန်း များများထုတ်နေပြီဟုမှတ်ပါ။ ကျွနုပ်တို့ ခန္ဓာကိုယ်မှ ဟော်မုန်း ၂ မျိုးစလုံးကို ထုတ်ပေးနိုင်သည်ကိုလည်း သတိချပ်ပါလေ။ အီစထရိုဂျင်ကို ထုတ်လုပ်ရန် ကျားဟော်မုန်းကို အသုံးပြုရသည်။ ထိုနှစ်ခုက ကိုင်းကျွန်းမှီ ကျွန်းကိုင်းမှီ သဘောရှိသည်။ ဤအချက်ကို သက်ကြီးပိုင်း အမျိုးသားများတွင် ပိုမို သိသာထင်ရှားစွာ တွေ့နိုင်သည်။ အသက်ကြီးလာသည်နှင့်အမျှ အမျိုးသားများသည် တက်စရိုစရုန်း လျှော့ထုတ်ပြီး အီစထရိုဂျင်ကို ပို၍ထုတ်လာကြသည်။

          ပိုနေသော အီစထရိုဂျင်များ ကြောင့် ခါးတ၀ိုက်တွင် အဆီများစုလာသည်။ ဤမှတဆင့် ဆီးချို နှင့် နှလုံးရောဂါ အန္တရာယ်က တဖြည်းဖြည်းတက်လာသည်။ မဆုံးနိုင်သော အဆိုးသံသရာ အစပြုပြီဟု ဆိုနိုင်သည်။ ပိုနေသော အဆီများက တက်စရိုစရုန်း ကို အီစထရိုဂျင် အဖြစ် ပြောင်းပေးသော အင်ဇိုင်းများကို မြောက်များစွာ ထုတ်လုပ်ပေးခြင်းအားဖြင့် သင့်ခန္ဓာတွင် ကျားဟော်မုန်းက တဖြည်းဖြည်းကျဆင်းလာတေ့ာသည်။

   ထိုသံသရာထဲမှ ထွက်ရန် လေ့ကျင့်ခန်းများများလုပ်ပြီး အဆီများကို လောင်ကျွမ်းစေကာ ကြွက်သားများဖြင့် အစားထိုးရန် လိုအပ်သည်။ သို့သော် သင့်ထံတွင် ကျားဟော်မုန်း နည်းပါးနေသဖြင့် ထိုအလုပ်များလုပ်ရန် စိတ်မပါ့တပါ ဖြစ်ကောင်းဖြစ်နေမည်။ ထိုအခါတွင် လက်ရှိအသက်အရွယ်တွင် ရှိသင့်သော ကျားဟော်မုန်း ပမာဏကို စစ်ဆေးကြည့်ပြီး ပုံမှန်ထက်နည်းနေပါက သင့်တော်သော ကျားဟော်မုန်းအားဖြည့်ဆေးကို သင့်ဆရာဝန်က ညွန်ကြားပေးလိမ့်မည်။ ထိုအချိန်တွင် အရက် အလွန်အကျွံ မသောက်မိစေရန်လည်း အရေးကြီးသည်။ အဘယ်ကြောင့်ဆိုသော် အရက်သောက်များသူ၏ အသည်းသည် ခန္ဓာကိုယ်ထဲရှိ ပိုလျှံနေသော အီစထရိုဂျင်များကို ရှင်းမထုတ်နိုင်သောကြောင့် ဖြစ်သည်။

နေပူစာ များများလှုံပေးပါ (သို့မဟုတ်) ဗိုက်တာမင်ဒီ ဖြည့်စွက်ဆေးဝါးများ မှီဝဲပါ

          ဗိုက်တာမင် ဒီ သည် နောက်ပိုင်းတွေ့ရှိချက်များအရ နှလုံးရောဂါ ၊ ဆီးချို ၊ မာတီပယ် စကယ်လရိုးစစ် ၊ နှင့် ဂေါက်ရောဂါများ ဖြစ်ပွားနိုင်ချေကို လျော့ချပေးနိုင်သည့် စူပါစတား အဟာရတခုဖြစ်လာသည်။ ကိုယ်အလေးချိန်လျော့ချ ရာတွင်ရော ဗိုက်တာမီဒီ ပါပြန်ပြီလား ။ ပါနေပြန်ပါသည်။

          ၂၀၀၈ ခုနှစ်တွင် မင်နီဆိုးတား တက္ကသိုလ်မှ ပြုလုပ်သည့် သုတေသန အငယ်စားတခုမှ တွေ့ရှိချက်တွင် သွေးထဲရှိ ဗိုက်တာမင်ဒီ ပမာဏ မြင့်မားသော လူများတွင် ကိုယ်အလေးအချိန်ကျရန် လွယ်ကူကြောင်း ဖော်ပြခဲ့သည်။

          အခြား မြောက်များစွာသော သုတေသနများမှလည်း သွေးတွင် ဗိုက်တာမင် ဒီ မြင့်မားနေလျှင် အ၀လွန်ရန် ဖြစ်နိုင်ချေနည်းပါးကြောင်း တညီတညွတ်ထဲ ထောက်ခံခဲ့ကြသည်။ အဘယ်ကြောင့် ထိုသို့ဖြစ်ရသနည်း ကိုမူ သေချာမသိရသေးချေ ? ထို့ကြောင့် ဗိုက်တာမင် ဒီ ကျွမ်းကျင်ပညာရှင်များက ပိုမိုသေချာစေရန် သုတေသန မြောက်များစွာ လုပ်ရန် ကျန်နေကြောင်း ဆိုနေကြချိန်တွင် လန်ဒန်တော်ဝင်ကောလိပ်မှ စိတ်ဝင်စားဖွယ် သီအိုရီ တခုကို ဖော်ထုတ်လာသည်။ ဗိုက်တာမင် ဒီ ကို နေရောင်ခြည်မှသာ အဓိက ရနိုင်သည်။ သို့ဖြစ်၍ သွေးတွင်း ဗိုက်တာမင်ဒီ နည်းပါးလာပါက ခန္ဓာကိုယ်မှ အေးသော ရာသီဥတု မကြာမီလာတော့မည်ဟု ယူဆ၍ ခန္ဓာကိုယ်ထဲတွင် အစားအစာများ ပိုမို သိုလှောင်ခြင်းဖြင့် အ၀လွန်ခြင်းကို ဖြစ်စေသည်ဟု ဖော်ထုတ်လာသည်။

          သို့သော် နေရောင်ခြည်နှင့် ဘယ်လောက်များများ ထိတွေ့သင့်သည် ဆိုသော အချက်ကိုမှု ငြင်းခုန်၍ ကောင်းတုန်းပင် ဖြစ်သည်။ နိူင်ငံတကာမှ အသိအမှတ်ပြုထားသော လူတယောက် တနေ့လျှင် နေရောင်ခြည်နှင့် ထိတွေ့သင့်သည့် ပမာဏမှာ ၂၀၀ IU (International Unit) ဖြစ်သည်။ သို့သော်လည်း ကျွမ်းကျင်သူ အများစု၏ အဆိုအရ တနေ့လျှင် ၁၀၀၀ မှ ၂၀၀၀ အထိ ထိတွေ့သင့်သည်ဟုဆိုသည်။ တနေ့လျှင် ၁၀၀၀ IU နုန်းဖြင့် လပေါင်းများစွာ ကြာမြင့်စွာ ထိတွေ့လာလျှင် သင့်သွေးထဲရှိ ဗိုက်တာမင်ဒီ ပမာဏမှာ ၁ မီလီလီတာ တွင် ၁၀ နာနိူဂရမ် ရှိလာမည်ဖြစ်ပြီး ဤ ပမာဏသည် သင် နေ့စဉ်စားသုံးသည့် အပေါ်မူတည်၍ ၂ ကီလိုခန့် လျော့ကျစေသည်။

ဆူဖြိုးခြင်းဖြင့် ဂုဏ်ယူပါ

          ပေါင်ချိန်များခြင်းသည် လူတိုင်းအတိုင်း ကျန်းမာရေးနှင့်မညီညွတ်သော ဆိုးကျိုးများကိုသာ ဖြစ်ပေါ်စေပါသလား? The Lancet ဆေးပညာဂျာနယ်မှ ၂၀၀၇ ခုနှစ်တွင် ပြုလုပ်ခဲ့သော သုတေသန မှ တွေ့ရှိချက်အရ အ၀လွန်သူ ( ခန္ဓာကိုယ်အလေးချိန် ညွန်းကိန်း BMI ၃၀ အထက်ရှိသူ) များ၏ သုံးဆယ် ရာခိုင်နူန်း မှာ လက်တွေ့တွင် အလွန်ကျန်းမာကြသူများ ဖြစ်သည်ဟု တွေ့ရှိခဲ့သည်။ အဆိုပါ ၃၀ % တွင် သွေးဖိအား ၊ သွေးတွင်းသကြားဓါတ်  နှင့် ကိုလက်စထရော များလျော့နည်းပြီး ကျန်းမာသူများဟု ဖော်ထုတ်နိုင်ခဲ့သည်။

          အ၀လွန် လူများတွင် အင်ဆူလင်အား တုံပြန်မှုမရှိသော်လည်း အဆိုပါ ၃၀% မှာ အင်ဆူလင်ကို ကောင်းစွာ တုံပြန်ကြောင်း တွေ့ရှိသည်။အတိုချုပ် ဆိုရလျှင် အသည်းအသန် ကိုယ်အလေးချိန် ကျခြင်နေသော လူ သုံးယောက်တွင် တယောက်မှာ လက်ရှိအနေအထားနှင့်ပင် ကျန်းမာသူတယောက် ဖြစ်နေသည်ဆိုသော အချက်ကို ကောက်ချက်ဆွဲ၍ရသည်။ ကိုယ်အလေးချိန်လျော့ချ ခြင်းကပင် ထိုလူများကို အန္တရာယ်ဖြစ်စေနိူင်သည် ဆိုသော အချက်မှာ သတိပြုစရာ ဖြစ်လာသည်။ မွန်ထရီရယ် တက္ကသိုလ်မှ သုတေသီများက ဇီဝစံနူန်းများအရ ကျန်းမာသော အ၀လွန် လူများနှင့် အ၀လွန်ခြင်းကြောင့် ပြဿနာရှိနေသော လူများကို ကယ်လိုရီ အနိမ့် အစားအစာများ ကျွေးစေ၍ သွေးတွင်းရှိ အန္တရာယ်ရှိနိုင်သော ဓါတ်များကို တိုင်းတာကြည့်ရာ အ၀လွန်ခြင်းကြောင့် ပြဿနာရှိနေသော သူများတွင် အင်ဆူလင် မတုံပြန်မှု ( ဆီးချို၏ ရှေ့ပြေး လက္ခဏာ ) ၂၆ ရာခိုင်နူန်း တိုးတက်ကောင်းမွန်လာခဲ့သော်လည်း ၀ပြီးကျန်းမာသည့် သူများတွင် ၁၃ ရာခိုင်နူန်း ပိုဆိုးလာကြောင်း တွေ့ရှိခဲ့သည်။

          သင်အစားကျူးသည့် အတွက် သင့် ခန္ဒာကိုယ် ဆူဖြိုးလာပြီး ပေါင်ချိန်တက်လာ ပြီဆိုလျှင် ပုံမှန် လေ့ကျင့်ခန်းလုပ်ပြီး သွေးတွင်းရှိ အန္တရာယ် အချက်ပြများကို စစ်ဆေးကြည့်ပါ ။ အကယ်၍ သင့် ကိုလက်စထရောပမာဏ ၊ သွေးတွင်းသကြားဓါတ် ၊ သွေးဖိအား ပုံမှန်အတိုင်းရှိနေသည်ဆိုပါက သင့် ကိုယ်အလေးချိန်တက်နေခြင်းအပေါ် အပြစ်မမြင်ပါနှင့်တော့။ ၀လို့ လှသည်ဟုသာ သဘောထားပါလေ။ သို့သော် ၆ လတခါ ၁ နှစ်တခါ ပြန်စစ်ဖို့တော့ မမေ့ပါနှင့်။