မော်စကိုက ကျွန်တော့ဆေးရုံ

          ကျွန်တော် ဆေးကျောင်းသားဘဝ။ ဟောက်ဆာဂျင်ဘဝတုန်းက ပြည်ပကိုပညာထွက်သင်တဲ့ ဆရာကြီး၊ ဆရာမကြီးတွေ ပြောပြလို့ London, Singapore, Edinburgh စတဲ့မြို့ကြီးတွေက ဆေးရုံများအကျောင်း၊ ဆေးတက္ကသိုလ်များ အကြောင်း၊ ဆရာဝန်များကြောင်း အနည်းနဲ့အများဆိုသလိုကြားဘူးခဲ့ပါတယ်။ ပြီးတော့ ကျွန်တော်တို့ နိုင်ငံက ဆေးပညာရေးစနစ်၊ ကျွန်တော်တို့ဖတ် ရတဲ့ text book တွေ၊ ဒါတွေအားလုံးကလဲ English medical culture  အကြောင်းကို အနည်းနဲ့များဆိုသလိုဘဲထင်ဟပ်စေပါတယ်။ ကျွန်တော်တို့နဲ့သိပ် စိမ်းလှတယ်မဟုတ်ပါဘူး။
                     ကျွန်တော်တို့နဲ့စိမ်းတာက ရုရှဆေးပညာပါ။ ဆေးပညာသာမကပါဘူး Language, Philosophy, Culture အင်မတန်စိမ်းပါတယ်။ စိမ်းတဲ့အပြင်အင်မတန်မှလဲ ကွဲပြားပါတယ်။ မြင်သာတဲ့ ဥပမာ တခုကိုပြောရင် ကျွန်တော်တို့ ဗမာလူမျိုးများဟာ အရှက်အကြောက်တရားကိုတန်ဘိုးထားသလို ကိုယ့်ကိုယ်ကို နှိမ့်ချတာ ကိုလဲမြတ်နိုးတန်ဘိုးထားပါတယ်။ ရုရှ လူမျိုးများကတော့ ဖေါ်ပြပါကိစ္စများကို လူတယောက်မှာမရှိသင့်တဲ့အရာများလို့ မှတ်ယူကြပါတယ်။ ဒီထက်မကတဲ့ ကွာခြားချက်တွေက အများကြီးအများကြီးရှိပါတယ်။  ရုရှမှာဆေးပညာအားလုံးကို ရုရှလိုဘဲ သင်ပါတယ် အင်္ဂလိပ်လိုလုံးဝမသင်ပါဘူး။ အောက်ထစ် Oxygen ကအစ ရုရှလိုအခေါ်ရှိပါတယ်။ အမျိုးအမျိုးသော English စာအုပ်များကိုလဲ ရုရှလို ပြန်ထားပါတယ်။ အဲလိုစာအုပ်များကတော့ သိပ်စိတ်ဝင်စားစရာမကောင်းပါဘူး။ Translate လုပ်ထားတဲ့အတွက် English အာဘော်တွေဘဲတွေ့ရမှာဖြစ်ပါတယ်။ Russian author တစ်ယောက် prof. တယောက်ကရေးတဲ့စာမျိုးဆိုရင်တော့ ကျွန်တော်တို့အတွက် အထူးအဆန်းဖြစ်တဲ့အတွက် စိတ်ဝင်စားဘို့ကောင်းပါတယ်။ ဘယ်လိုစိတ်ဝင်စားဘို့ကောင်းတာလဲဆိုတော့ way of approach ချင်းမတူဘူးလို့ကျွန်တော်ကထင်ပါတယ်။ ဥပမာ ကျွန်တော် သင်ခဲ့ရသလောက် peritoneum ကို visceral နဲ့ parietal ဆိုပြီးတော့ နှစ်လွှာဘဲခွဲမှတ်ဘူးပါတယ်။ ကျွန်တော်ဖတ်မိတဲ့ ရုရှ lecture note တခုထဲမှာတော့ ၆ လွှာခွဲပြီးတော့ ကျကျနနကြီးရှင်းပြထားတာမျိုးပါ။ ကျွန်တော်တို့ တစ်ထဲနေ တစ်ရေထဲသောက်  မြန်မာနိုင်ငံမှာတောင်ဆရာတွေ တစ်ယောက်နဲ့တစ်ယောက် အာဘော်ခြင်းကွာပါတယ်။ ရေခြားမြေခြား ယဉ်ကျေးမှုခြားတဲ့ နေရာကလူတွေနဲ့ အာဘော်ကွာတာကတော့ မဆန်းပါဘူး....။ဖတ်ရတာဒုက္ခရောက်တာ တော့ရှိတာပေါ့ဗျာ။ အဲလို only in Russian ဘဲသင်နေရာကနေပြီးတော့ ၁၉၉၇ ခုနှစ်မှာ၊ စပြီးတော့ နိုင်ငံခြားသားများအတွက်ရည်ရွယ်ပြီးတော့ English course ကိုစပြီဖွင့်ခဲ့ပါတယ်။( Russian State Medical Academy ) မှာ ပါ။ တခြားဆေးကျောင်းတွေ၊ တခြား တက္ကသိုလ်တွေတော့ ဘယ်အချိန်ကစပြီး English Course စဖွင့်လဲကျွန်တော်မသိပါဘူး။  ပထမနှစ်ကနေပြီးတော့ နောက်ဆုံးနှစ် ထိ ခြောက်နှစ်လုံးကို အင်္ဂလိပ်လိုသင်ပေးပါတယ်။ သင်တန်းကျေးကတော့ ပိုများပါတယ်။ ဒါပေမဲ့ ကျွန်တော့် အမြင်ကတော့ ရုရှ က English Medical Course တွေက ကျွန်တော်တို့ မြန်မာနိုင်ငံကဆေးကျောင်းတွေလောက် အထိုင်မကျသေးပါဘူး။ သက်တန်းနုလွန်းသေးတာရယ်။ ဆရာနဲ့ကျောင်းသားကြားက Language barrier  ရယ်ကြောင့် လို့ထင်ပါတယ်။ ရုရှလိုသင်တဲ့ အတန်းတွေကတော့ ရုရှ က ရုရှ ကို ရုရှ လိုသင်ပေးနေတော့ အကုန်အိုကေပါ။
အခုကျွန်တော်ပြောချင်တာကတော့ အဲဒီအကြောင်းတွေမဟုတ်ပါဘူး။ မော်စကို က ကျွန်တော့်ကျတဲ့ အစိုးရဆေးရုံမှာ ကျွန်တော်အလုပ်လုပ်နေရင်းကျွန်တော့်သူငယ်ချင်းတွေကို ပြောပြချင်စိတ်ပေါက်ပေါက်လာတာလေးတွေကို ပြန်စဉ်းစားပြီးတော့   ဖေါ်ပြချင်တာပါ ။
ဘယ်ကစပြောရပ။ အင်းပြောချင်တဲ့ဆီကစပြောမယ်ဗျာ။ ရုရှ မှာ MO (medical officer) မရှိဘူး။
ကိုယ်တွေဆီမှာက အိုပီဒီမှာ MO ဘဲထိုင်တာလေ specialist ကအမြဲမထိုင်နိုင်ဘူး။ သူတို့ဆီမှာ MO မရှိဘူး။ ထူးပါဘူး ဆက်ပြောလိုက်ဦးမယ် ဘာလို့ MO မရှိတာလဲဆိုတဲ့အကြောင်း။ ကျွန်တော်တို့နဲ့မတူတာဘယ်လိုလဲဆိုတော့ ဒီမှာက ဆေးကျောင်းကို ၆ နှစ်တက်ပြီးသွားရင် ဆရာဝန်ဖြစ်လား ဆိုတော့မဖြစ်ဘူး။ ဆရာဝန်မဖြစ်တော့ဘာဖြစ်သွားလဲဆိုတော့ ဆေးကျောင်းပြီးသွားတဲ့လူ ဖြစ်သွားတယ်။ဘွဲ့ရတယ်။ စမ လိုဟာမျိုးမရဘူးပေါ့။ ပြီးရင် ကိုယ်ကြိုက်တဲ့ speciality ကိုဆေးရုံမှာ လက်တွေ့(၂)နှစ်ဆင်း ပြီးမှဆရာဝန်ဖြစ်တယ်။ အဲဒီ(၂)နှစ်ဆင်းနေတဲ့ကာလပတ် ကိုကျတော့ အာဂျင်နာတူရာ ၊ အင်္ဂလိပ်လိုကျတော့ (Residency) ဘဲခေါ်မလားတော့မသိဘူး။ အဲလိုခေါ်တယ် ။အဲဒါပြီးသွားရင်တော့ ပတ်ကား ဆရာဝန်ဖြစ်ပြီပေါ့။ ပြီးတော့ အင်တန်းနာတူရာ၊ အင်္ဂလိပ်လို့(Intern) ပေါ့အဲဒါရှိသေးတယ်။ အဲဒီဟာကကျတော့ ဆေးကျောင်းပြီးတဲ့လူတိုင်း မဆင်းမနေရဆင်းရမယ်လို့မဟုတ်ဘူး။ ဆင်းချင်တဲ့လူဆင်းနိုင်တယ်။ အဲလို။ Residency မတိုင်ခင်အကြိုပေါ့ ။
             ဆင်းမယ်ဆိုရင် ၁ နှစ်ဆင်းရတယ်ဗျ။ တချို့တချို့သော speciality များ ဥပမာ-urology အဲလိုဟာများကျတော့ သူက အင်တန်းကို မဆင်းမနေရ ဆင်းရပြန်ရော အားလုံးပေါင်းသုံးနှစ် လက်တွေ့ဆင်းရတာပေါ့ သူက စစချင်း General Surgery ကိုတနှစ် အရင် အင်တန်းဆင်း ပြီးမှ Urology ကိုနှစ်နှစ် Residency ဆက်ဆင်းအဲလိုထင် ပါတယ်။ ကျွန်တော့်မလဲ Urology မှာဆင်းနေတဲ့သူငယ်ချင်းမရှိတော့မသိဘူးဗျ။ ကျွန်တော်တို့ ဆီကလူတွေတော်တော်များများကလဲ အကုန်လုံးက နှစ်နှစ်နဲ့ပြတ်မဲ့ speciality ကိုရွေးကြတာကိုး။ မော်စကိုက အေးတာကိုးဗျ…:D။ အဲ… ဆက်ပြောမယ်ဗျာ။ အဲဒါတွေဆင်းပြီးသွားပြီးဆိုပါစို့။ ဆရာဝန်ကြီးဖြစ်သွားပြီပေါ့။
ဆရာဝန်ကြီး ဖြစ်ဘို့ကို ဒီမှာကအားလုံးပေါင်း ၈ နှစ်အနည်းဆုံး တက်ရတယ်။ အဲ ၉ နှစ် သမားများလဲရှိသပေါ့(Intern တစ်နှစ်ခံတဲ့သူများ)။ အဲ..အဲဒါပြီးသွားတော့ သူတို့က specialist တန်းဖြစ်ရော။ ဒီလိုနဲ့ RF (Russian Federation) မှာ MO ဆိုတာမရှိတာပါ။ အရင်ကလဲမရှိပါဘူး။နောက်လဲရှိမှာမဟုတ်ဘူး။ အဲတော့ကာ အိုပီဒီအကြောင်း ကိုပြန်သွားကြဦးစို့။ အိုပီဒီ ကျတော့ဘယ်လိုလုပ်ကျတုန်းဆိုတော့ အကုန်ထိုင်ရတယ် ၂၄ နာရီ။ လူစုံ။ ခွဲစိတ်ကု။ ဖျားနာကု။ မီးယပ်ကု။ (သားဖွားလူနာကမလာဘူး သူ့ဆေးရုံသူသွားတာ)။ ထိခိုက်ဒါဏ်ရာကု (traumatology) စသည့်ဖြင့်။အုန်းအုန်းအုန်းအုန်း နဲ့နေတာဘဲ။ အဲဒီမှာ အဲဒီ ကိုလူနာတွေကဘယ်လိုရောက်လာကြလဲဆိုတော့။ သူကနှစ်မျုိးရှိတယ်။ ကိုယ့်ဟာကိုလာတဲ့လူနာရယ်။ လူနာတင်ကား နဲ့ရောက်လာတဲ့လူတွေရယ်။ အဲဒီလူနာတင်ကား တစ်စီးစီ တစ်စီးစီ တိုင်းမှာ ဆရာဝန်တစ်ယောက်ရှိ လေရဲ့။ အကယ်၍ တယောက်ယောက်က အိမ်မှာတခုခုဖြစ်ပြီဆိုပါစို့။ သူနဲ့သက်ဆိုင်ရာ လူနာတင်ကားကိုဖုန်းဆက် ခေါ်တယ်။ 24 နာရီခေါ်လို့ရပါတယ်။ အဲဒီမှာ လူနာတင်ကားက ရောက်လာပြီးတော့၊ အသင့်ပါလာတဲ့ ဆရာဝန်နဲ့ သူနာပြုနဲ့က လူနာကို အိမ်မှာတင်စမ်းသပ်စစ်ဆေးတယ်။ Diagnosed လုပ်တယ် ။ ကုသတယ်။ ပြီးတော့ ဆေးရုံကိုသွားသင့်လားမသွားသင့်လားဆုံးဖြတ်တယ်။ သွားသင့်တယ်ဆိုရင်တော့ တခါထဲ သွားကြတယ်။ ပြီးတောအိုပီဒီကသက်ဆိုင်ရာ specialist ဆီကို ဆက်လွှဲတယ်။ အဲဒီလူနာတင်ကားပေါ်မှာလုပ်နေတဲ့ဆရာဝန်က ဘာ speciality လဲလို့မေးကြည့်တော့ ကျတော့ ….အမျိုးအမျိုးဖြစ်နိုင်တယ်တဲ့ဗျာ။ Surgeon, therapist, အစချီပြီးအခြားခြားသော specialist တွေလဲဖြစ်နိုင်ပါတယ်။ Resuscitation  specialist  - အသက်လုအထူးကု  တွေလဲဖြစ်နိုင်ပါတယ်တဲ့။ အဲဒီ resuscitation specialist တွေကတော့ ကျွန်တော်တို့နားနဲ့စိမ်းတယ်ဗျ။ ကျွန်တော်တို့ဆီမှာမှ အဲဒီ speciality ကမရှိတာကို။ အသက်လုဆရာဝန် လို့ဘဲ ကိုယ်သဘောပေါက်သလို လွယ်လွယ်ပြန်လိုက်ပါတယ်။
Resuscitation specialist (အသက်လုအထူးကု)
RF(Russian Federation)  ကပြည်သူ့ဆေးရုံတွေ (သူတို့ကတော့ မြို့ပြဆေးရုံ ခေါ်ပါတယ်)  ဒီဆေးရုံကြီးတွေမှာ Resuscitation လို့ခေါ်တဲ့ အသက်လု လူနာဆောင်တွေရှိပါတယ်။ နဲနဲတော့ရိုင်းတယ်ဗျ သူတို့ခေါ်တာကြီးက။ ကျွန်တော့တို့ဆီမှာကတော့ အထူးကြပ်မတ်ကုသဆောင်လို့ လှလှပပခေါ်တာကိုး။
                အဲဒီအဆောင်ကြီးတွေမှာ အလုပ်လုပ်တဲ့ specialist တွေက သပ်သပ်ရှိသဗျ။ တခြားဘာမှမလုပ်ဘူး။ အဲလိုဆရာဝန်တွေ။ လှလှပပပြန်ရင်တော့ အထူးကြပ်မတ်ကုသရေး ကျွမ်းကျင်ဆရာဝန်ပေါ့ ။ ဟုတ်တော့မဟုတ်သေးဘာဘူး။ အသက်လုအထူးကုဘဲ ကောင်းပါတယ်။ အသက်လုအထူးကုများအလုပ်လုပ်ကြတဲ့ အဲဒီ အထူးကြပ်မတ်ကုသဆောင်တွေမှာ တော့ကျွန်တော်တို့ဆီကလိုပါဘဲ အပြင်းအထန် ဖျားနာတဲ့လူနာ များ၊ အကြီးစားခွဲစိတ်မှုပြုလုပ်ထားရတဲ့လူနာများ စသူတို့ကို အထူးစောင့်ကြည့်ကိရိယာများတပ်ဆင်ပြီး စောင့်ရှောက်တဲ့နေရာဖြစ်ပါတယ်။ အဲဒီလူနာဆောင်မှာအလုပ်လုပ်တဲ့ ဆရာဝန်များဟာ လခ နှစ်ဆ ခန့် ရရှိကြောင်း ပြောပါတယ်။
 အိုပီဒီတွေအကြောင်း ဆက်ပြောပါမယ်။ ပြောရမယ်ဆိုရင်တော့
ကျွန်တော်တို့ ဆီက အိုပီဒီ က သူတို့လူနာတင်ကားလေးတွေနဲ့သွားဆင်တယ်။ ကျွန်တော်တို့အိုပီဒီမှာလုပ်တဲ့အလုပ်တွေ ကို ဒီမှာ အဲဒီကားလေးတွေကလုပ်ကြတယ်။ အရင်ဆုံးလူနာကိုစကြည့်ရတာကသူတို့ကိုး။  သူတို့ အိုပီဒီမှာကျတော့ သွေး၊ ဆီး၊ ဓါတ်မှန်၊ အာထရာဆောင်း၊ အီးစီဂျီ တွေလုပ်လို့ရတယ်။ အဲဒီအိုပီဒီမှာ လုပ်သင့်တဲ့စမ်းသပ်စစ်ဆေးမှုတွေလုပ်တယ်။ လိုအပ်သလို တခြားသော specialist တွေနဲ့ တိုင်ပင်တယ် refer ပြတယ်ခေါ်တာဘဲကျွန်တော်တို့ဆီမှာတေ့ာ။ သူတို့ကတော့ consultation လို့ပြောကြတယ်။ အဲဒီမှာကျွန်တော့သတိထားမိတာက ကျွန်တော်တို့ဆီမှာက အဲလို refer ပြရင် Refer ရေးရတယ်ဗျ။ လေးစားရပါသော ရောင်းရင်းကြီးဘယ်သူခင်ဗျာ အစချီပြီးတော့ စာတစ်တန် ပေတစ်တန်နဲသွားရတယ်။ ပြီးတော့ အလုပ်သင်ဆရာဝန်တယောက်က လူနာနဲ့အတူလိုက်သွားပြီးတော့ ၊လူနာ အခြေအနေကိုတင်ပြရတယ်။ အဲလို။ ဒီမှာကျတော့ဘယ်လိုလဲဆိုတော့ လူနာရဲ့ ချက် (ဆေးကုသမှတ်တမ်း) ကို ကြုံရာလူနဲ့ထဲ့ပေးလိုက်လို့ရတယ်ဗျ။ အဲဒီလူကလဲဟိုဘက်ရောက်ရင်ဘာမှမပြောဘူး ဖုတ်ဆိုစားပွဲပေါ်တင်ပြီး ပြန်ထွက်သွားတာ ကိုယ့်ဆီလာ refer ပြလဲအဲဒီအတိုင်းဘဲ။ အဲလိုပြရတာလွယ်နေတော့ အိုပီဒီကိုရောက်လာသမျလူနာရဲ့ ၉၀% လောက်ကို refer ပြလေ့ရှိတယ်။ အဲတော့လူနာကတော့ အိုပီဒီထဲမှာ ဖျားနာကုဆီပြေးလိုက်။ ခွဲစိတ်ကုဆီ ပြန်လာလိုက်။ traumatologist ဆီပြေးလိုက် ။ ဒီကြားထဲ ဓါတ်မှန်သွားရိုက်တဲ့လူ။ အီးစီဂျီပြေးစွဲတဲ့လူ ။ အာထရာဆောင်းကြည့်ရတဲ့လူ စသဖြင့်စသဖြင့်။ အိုပီဒီ ထဲမှာအုန်းထ(ပျားပန်းခတ်မျှ) နေအောင်သွားလာ နေလေ့ရှိပါတယ်။ အင်းအဲဒီမှာ အိုပီဒီ မှာဂျူတီကျတဲ့ specialty အလိုက်
ဆရာဝန်များ က ဆေးရုံတင်စရာလိုလားမလိုလား ဆုံးဖြတ်ပါတယ်။ မလိုရင်တော့ ၊အိမ်ပြန်ပေါ့။ လိုရင်တော့ဆေးရုံတင်လိုက်တယ်ပေါ့ဗျာ။ တိုတိုပြောရရင်။ ဆေးရုံတင်ပြီးနောက်ပိုင်းကျတော့။ ကျွန်တော်က ခွဲစိတ်ကု မှာဆင်းနေတာဆိုတော့ကာ၊ ခွဲစိတ်ကုဆောင်မှာ ဘယ်လိုဆက် လုပ်ကိုင်ကြတယ်ဆိုတာဘဲ ဂဃနဏ သိတော့တယ်။
             ကျွန်တော်တို့ခွဲစိတ်ကု ဆောင်မှာတော့ တရက်ကို ခွဲစိတ်ကုဆရာဝန် (Surgeon) ၅ ယောက် တရားဝင် ဂျူတီကျပါတယ်။ (အမှန်ကတော့ ငါးယောက်မကပါဘူး volunteer သဘောမျိုး ကိုယ့်ဝပ်က Surgeon အကြီး ဂျူတီကျရင် သူနဲ့အတူအလုပ်တွဲလုပ်တဲ့ residency ဆင်းနေတဲ့ အငယ်ကလိုက်ဆင်းတဲ့အတွက် ငါးယောက်ထက်မက အမြဲရှိနေတတ်ပါတယ်။ အချို့သော Motivated ဆေးကျောင်းသားများလဲ တခါတရံဂျူတီမှာ ဝင်ကူရင်းသင်ယူနေတာတွေ့ရပါတတ်ပါတယ်) လူနာအသစ်တစ်ယောက်ကို အိုပီဒီ ကဆရာဝန်က ဆေးရုံတင်လိုက်ပြီဆိုပါစို့ဗျာ။ အဲဒီငါးယောက်မှာ 1st surgeon,2nd surgeon ဆိုပြီးတော့သတ်မှတ်ထားတာပေါ့ 5th surgeon ထိ။ အဲဒီ ငါးယောက်ထဲက တယောက် သို့မဟုတ် နှစ်ယောက်က အိုပီဒီမှာ ထိုင်လေ့ရှိတယ်ဗျ။ များသေားအားဖြင့်တော့ 3rd surgeon(သို့) 4th surgeon နဲ့ 5th surgeon ဖြစ်တဲ့ ကျွန်တော်တို့လို Residency ဆင်းနေတဲ့သူနဲ့က အိုပီဒီမှာထိုင်လေ့ရှိပါတယ်။ ကျန် Surgeon များကတော့ ဝပ်ထဲမှာဘဲ အလုပ်လုပ်လေ့ရှိပါတယ်။ Complaint ရှင်းတယ်။  အိုပီဒီကဆရာဝန်က( ဆရာဝန်ဘဲရေးတော့မယ် ဗျာ ဖောင့်ပြောင်းပျင်းလွန်းလို့ ) လူနာတယောက်ကိုဆေးရုံတင်လိုက်ပြီဆိုပါစို့ဗျာ။ တင်တာနဲ့သူကလှမ်း အကြောင်းကြားတယ် 1st surgeon ဆီကို ဘယ်လူနာကိုတော့ဖြင့်ရင် ဘယ်လူနာဆောင်ကို ဘာရောဂါနဲ့တင်ထားသဗျ ဆိုပြီးတော့။ အဲဒီမှာခွဲစရာစိတ်စရာရှိရင်တော့ အရေးပေါ်ခွဲခန်း ဝင်ပြီး ခွဲကြစိတ်ကြတာပေါ့။ မလိုရင်တော့လဲ ဆေးရုံတက်လာတဲ့လူနာကို 1st surgeon ကွပ်ကဲမှုအောက်မှာ လိုသလိုကုသမှုပေးကြပါတယ်။ ဒါကတော့ အိုပီဒီနဲ့ဆက်ဆက်ပြီးတော့ ညဘက်ဂျူတီကျတဲ့အချိန်မှာ အလုပ်လုပ်ကြတဲ့ပုံစံလေးပါ။ ရုံးပိတ်ရက်များမှာလဲ ထိုနည်းလည်းကောင်းဘဲအလုပ်လုပ်ကြပါတယ်။ ရုံးချိန်အတွင်း( မနက် ၇ ခွဲမှ ညနေ ၄ နာရီ) အတွင်းဆိုရင်တော့ တာဝန်ကျ ဆရာဝန်များဟာဆေးရုံတင်သင့်တဲ့ လူနာများကို အိုပီဒီမှ တစ်ဆင့် ဆေးရုံတင် ပေးတဲ့အလုပ်ကို ဘဲ အဓိက လုပ်ကိုင်ရပါတယ်။ ခွဲစိတ်မှုများကိုတော့ သက်ဆိုင်ရာဝဒ် များမှာ ခွဲစိတ်ကုဆရာဝန် များက အသီးသီး ဆောင်ရွက်ကြပါတယ်။
                  ရုံးဖွင့်ရက်များကျရင်တော့ ဆေးရုံ Run တဲ့ပုံက ကျွန်တော်တို့နိုင်ငံလိုဘဲမကွာလှပါဘူး။ ကျွန်တော်တို့ အမှတ် ၁၅ မြို့ပြဆေးရုံကြီးမှာ Surgery လူနာဆောင်အနေနဲ့က General Surgery (၄) ဆောင်၊ endoscopy (၁)ဆောင် ။ Resuscitation ဆောင်(ကျွန်တော်တို့ဆီက SPOR-spontaneous post operative room  နဲ့ဆင်တူပါတယ်)။ သွေးကြောခွဲစိတ်ကု( Vascular Surgery )၊ နှလုံးခွဲစိတ်ကု(Cardiac Surgery)၊ဆီးလမ်းကြောင်းခွဲစိတ်ကု( Urosurgery )၊ ( traumatology ) ဆိုပြီးတော့ ရှိပါတယ်။ အဲဒီလူနာဆောင်အသီးသီးမှာ
မနက် ၈ နာရီမှာ သက်ဆိုင်ရာ ဝပ်ပိုင်ပါရဂူများက ဝပ်ရောင်း( ward round ) ပါတယ်။ ဝပ်ရောင်းတဲ့နေရာမှာ တခါထဲ Changes မထွက်ပါဘူး။ changes ဆိုတာကတော့ဘယ်လူနာကို ဘယ်လိုဆက်ကုသမယ်ဆိုတဲ့ အစီအစဉ်ကို လူနာကြည့်ရင်းတခါထဲ မပြောသွားပါဘူး။ ကျွန်တော်တို့ဆီမှာပြောပါတယ်။ ဘယ်အချိန်မှာပြောလဲဆိုတော့ ။ ဝပ်ရောင်း(round)ပြီးပြီးချင်း conference ဆိုပြီးတော့ ။ ကိုယ့်ဝပ်ထဲမှာအလုပ်လုပ်နေတဲ့ ဆရာဝန်အားလုံး၊ သူနာပြုအားလုံး အစည်းအဝေးလုပ်ပါတယ်။ နံနက် ၈ ခွဲမှာလုပ်တာပါ။ အဲဒီမှာ ဆရာဝန်များ၊သူနာပြုများက ဝဒ်ထဲမှာ ဒီနေ့တော့  လူနာဘယ်နှစ်ယောက်ရှိပါပြီကနေအစပြုပြီးတော့  ၄င်းတို့နဲ့ သက်ဆိုင်တဲ့  လူနာအားလုံးရဲ့ အခြေအနေများ၊ အချက်အလက်များ ဥပမာ - ဘယ်သူ့ကိုဖြင့်  ဘယ် antibiotic ကိုဘယ်နှစ်ရက်ပေးပြီးပါပြီ။ ဘယ်နှစ်ရက်ဆက်ပေးကြမယ်။  ဘယ်လူနာမှာတော့ Central venous catheter ( ပင်မသွေးပြန်ကြောပြွန် ) ထဲ့ထားတာဘယ်နှစ်ရက်ရှိပါပြီ ဆိုတဲ့အကြောင်းမျိုး စသဖြင့်  တင်ပြပါတယ်။ အဲဒီမှာ ဝပ်ပိုင် ပါရဂူ  က သက်ဆိုင်ရာ ဆရာဝန်များနဲ့တိုင်ပင်ပြီးတော့ changes ကိုထွက်ပေးပါတယ်။ ဘယ်လူနာကိုတော့ ဘယ်လိုဆက်ကုသသင့်တယ် ဘယ်လိုဆက်ကုသကြမယ် ပေါ့။ အဲဒီအချိန်မှာ ကျွန်တောတို့ ဆီကနဲ့သွားဆင်တာကတော့ ဝပ်ထဲက Matron ကြီးဘဲဖြစ်ပါတယ်။ ဟိုဆေးမရှိတော့ပါဘူးရှင်။ ဒီဆေးကတော့ဖြင့်ကုန်နေလို့ ဟိုဆေးရမလား စသည်ဖြင့် နေ့တိုင်းနီးပါးတင်ပြလေ့ရှိပါတယ်။ အစိုးရဆေးရုံတွေရဲ့ကိုယ်ပိုင်စတိုင်လ် ဘဲဖြစ်မယ်ထင်ပါတယ်  အဲဒီအစည်းအဝေးက မနက် ၉ နာရီမှာပြီးပါတယ်။ အဲဒါပြီးတာနဲ့ ဆေးရုံရှိ surgery လူနာဆောင်အားလုံးနဲ့သက်ဆိုင်တဲ့ Conference ကိုသွားရပါတယ်။ ၉ နာရီမှာဘဲစပါတယ်။ အဲဒီမှာတော့ surgery ဌာနများရဲ့အကြီးဆုံး prof. & head ကစပြီးတော့ ဆေးကျောင်းသားများအထိ တက်ရောက် ကြပါတယ်။ ဝပ်ပိုင်ပါရဂူများ က ဝပ်အတွင်းရှိ ထူးခြားသောလူနာများအကြောင်း ပြင်းထန်စွာ ဖျားနာသောလူနာများအကြောင်းနဲ့ ယမန်နေ့က ဆေးရုံတက်လာသောလူနာများအကြောင်း ၊ ပြုလုပ်ခဲ့ကြတဲ့ ခွဲစိတ်မှုများနဲ့ ၊ ယနေ့လုပ်မဲ့ ခွဲစိတ်မှုများအကြောင်းကို တင်ပြပါတယ်။ ယမန်နေ့ည ဂျူတီကျ ဆရာဝန်ကလဲ ဆေးရုံတက်လာတဲ့လူနာများအကြောင်းနဲ့ ပြုလုပ်ခဲ့သော ခွဲစိတ်မှုများအကြောင်းကို တင်ပြပါတယ်။ ဆေးရုံရဲ့ ဆာဂျရီဌာနကြီးမှူးက လိုအပ်ရင်လိုအပ်သလို အကြံပေး ပါတယ်။အဲဒီမှာအားလုံးနဲ့ဆွေးနွေးတိုင်ပင် အပြီးမှာ ကိုယ့်သက်ဆိုင်ရာ လူနာဆောင်ကိုပြန်ပြီး အလုပ်လုပ်ကြရပါတယ်။
            ဒါကတော့ ကျွန်တော့်သူငယ်ချင်းတွေကို ကျွန်တော်ဝေမျှ ချင်တဲ့ Knowledge လေးဖြစ်ပါတယ်။ ဒီထက်ပိုပြီးတော့သိချင်တာရှိရင်လဲ မေးနိုင်ပါတယ်။ ကျွန်တော်တို့နဲ့ အလှမ်းကွာဝေးတဲ့ ရုရှဆေးပညာအကြောင်းကို အနည်းငယ်တီးခေါက်မိစေချင်တဲ့ စိတ်နဲ့ဒီ note ကိုကျွန်တော်ရေးပါတယ်။ ဆံပင်နီနီ ပေါင်တံရှည်ရှည်နဲ့ ရုရှဆရာဝန်မလေးများ ၊ဆေးကျောင်းသူလေးများ ဘယ်လောက်လှတယ်ဆိုတဲ့ အကြောင်းရေးမှဘဲ ဒီထက်ပိုပြီး ရှည်အောင်၊ ပြည့်စုံအောင်ရေးပါတော့မယ်ခင်ဗျာ။

မူရင်းစာရေးသူ။    ။အောင်မျိုးထက် (ခေတ္တ-မော်စကို)၏ ဖေ့စ်ဘွတ်မှ အာတီကယ်ကို မျှဝေခြင်းဖြစ်ပါသည်။

ဆောင်းရာသီမုန်တိုင်းများ

          ရာသီဥတုက ဇန်န၀ါရီလဆိုသော်လည်း ဒီဇင်ဘာထက်အချမ်းပိုသည်။ ရန်ကုန်တမြို့ထည်းမဟုတ် နေရာအတော်များများ အအေးပိုသည်ဟု သတင်းစာထဲမှာဖတ်ရသည်။ မိုးလေ၀သကတော့ တိမ်စိုင်များကြောင့်ဟုဆိုသည်။ ဘာပဲဖြစ်ဖြစ်နေလို့ကောင်းနေတာတော့အမှန်။ တနေ့လုံး ချွေးမထွက်ပဲ အေးအေးလေးနေရသည့်အရသာကို သူကြိုက်သည်။ နောက်တခုကတော့ ညနေဘက် ချမ်းချမ်းစီးစီး ယာမကာ လေးဘာလေးမှီဝဲလို့ကောင်းသည်။ အပြင်ကအေးနေသော်လည်း အတွင်းကပူနေသည့်အရသာကို သူကြိုက်သည်။ ရှမ်းပြည်မှာနေခဲ့စဉ်ကဆိုလျှင် ညနေအလုပ်ပြီးလျှင် အားကစားတခုခုလုပ်ပြီး ရေချိုးသည်။ ပြီှးလျှင် အကင်ဆိုင်တွင် စတားကိုလာလို ပုလင်းမျိူးဖြင့်ထဲ့ထားသည် ဆန်အရက်တပိုင်းလောက်တော့ အမြည်းကောင်းကောင်းနှင့် နေ့တိုင်းနီးပါးသောက်လေ့ရှိသည်။ နေ့တိုင်းနီးပါးသောက်သော်လည်း သူအရက်သမားမဟုတ်။ အရက်မသောက်ပဲလည်း သုံးလေးငါးရက် နေနိုင်သည်။ သောက်ပြီးလျှင်လည်းအလုပ်မပျက်။ မိုးလင်းကတည်း ကအရက်နှင့်မျက်နှာသစ်သည့် မောနင်းပက်သမားမျိုး၊ အမြည်းမစားပဲ `ဂွတ်´သည့်လူမျိုး၊ အရက်မသောက်ရလျှင် လက်တုန်ခြေတုန်ဟာတာတာဖြစ်သည့် လူစားမျိုးကိုမှ သူက အရက်သမားဟု သတ်မှတ်သည်။ သို့သော် မသောက်မစားလူမျိုးတွေများသည့် မိန်းမဘက်မှအသိုင်းအ၀ိုင်းကတော့ သူ့ကို အရက်သမားဟု သမုတ်သည်။ သူ့မိန်းမ အသိုင်းအ၀ိုင်းတွင် အရက်သောက်တတ်ပြီဆိုတာနှင့် အရက်သမားရာထူးကို တန်းရသည်။

          နယ်မှရန်ကုန်ရောက်ပြီးကတည်းက အပေါင်းအသင်းတွေနှင့် ကောင်းကောင်းမဆုံရသေး။ သူ့အလုပ် ကိုယ့်အလုပ်တွေရှုပ်နေတာကတကြောင်း၊ ငွေရေးကြေးရေးချိုးခြံချွေတာနေရသည်က တကြောင်း စသည့် အကြောင်းကြောင်းကြောင့် နယ်မှာလို အရက်ပုံမှန်မသောက်ဖြစ်တော့။ သူက အရက်သောက်ရသည့် ရည်ရွယ်ချက်ကို အကြမ်းဖျဉ်း နှစ်မျိုးသာခွဲထားသည်။ တမျိုးက အထီးကျန်မှုကိုဖြေဖျောက်ရန် တကိုယ်ရည်တကာယ ယာမကာမှီဝဲခြင်း။ ဒါမျိုးက နယ်ရောက်သွားချိန် စကားပြောဖော်မရှိချိန်တွင် အလွန်အဆင်ပြေသည်။ တယောက်ထည်းသောက်ပြီးခပ်ထွေထွေဖြစ်နေချိန် သီချင်းလေးဘာလေး နားထောင်ပြီး အိပ်ယာဝင်မည်။ နောက်တမျိူးကတော့ သူငယ်ချင်းများနှင့် ဆုံကာ ရှေးဟောင်းနှောင်းဖြစ်များ စားမြုံပြန်ခြင်း ၊ လက်တလောအကြောင်းခြင်းရာများကို ငြင်းခုံရင်း သောက်သည့်ပွဲမျိုး။ ဒါမျိုးကတော့ မြို့ရောက်နေချိန်တွင် မကြာခဏကြုံရတတ်သည်။ တယောက်ယောက် မင်္ဂလာဆောင်တာမျိုး၊ အပြောင်းအရွေ့ပါတာမျိူး၊ စာမေးပွဲကျတာမျိုး စသည်ဖြင့် အကြောင်းပြချက်အမျိုးမျိုးဖြင့်ဆုံတတ်ကြသည်။ သည်ရက်ပိုင်းတွေတော့ ဒီလိုပွဲမျိူး သိပ်မတွေ့တော့။ လကုန်ခါနီးလေလေ ဆုံတာနည်းလာလေလေဖြစ်သည်။ လူပျိုဘ၀က အမြဲတမ်းဆုံနေကြကောင်တွေလည်း အိမ်ထောင်တွေဘာတွေကျကုန်တော့ ခြေငြိမ်ကုန်သည်။ သူအတွက်တော့ မိန်းမရပြီးကတည်းက နေဖို့စားဖို့ကြံစည်နေရသည်နှင့် လူပျိုဆောင်ဘက်ကိုပင် ခြေဦးမလှည့်ဖြစ်။ ယခုတော့ အဆောင်ကို သွားရမည့်အကြောင်းကပေါ်လာသည်။ လက်ရှိနေသည့် ကျောက်မြောင်းက တိုက်ခန်းက စာချုပ်ပြည့်တော့မည်။ စပေါ်မပေးရသော်လည်း လခသင့်တင့်သဖြင့် ငှားခဲ့ခြင်း ဖြစ်သော်လည်း အိမ်ရှင်က ဆက်မငှားလိုတော့ဟိုဆိုလာသည်။ ထို့ကြောင့် လကုန်လျှင် ပြောင်းပေး ပါမည်ဟုကတိပေးလိုက်ရသည်။ ကတိသာပေးလိုက်ရသည် တကယ်တမ်းကျတော့ ဘယ်ပြောင်းပေးရမှန်းမသိ။ ပိုက်ဆံလည်းလက်ထဲမှာ များများစားစားမရှိ။ သည်ကြားထဲ မိန်းမက ကိုယ်ဝန်နေပြီ ဖြစ်သဖြင့် စိတ်မဆင်းရဲစေချင်။ ထို့ကြောင့် အဆောင်နေဘော်ဒါများထံ ငွေရရ အကြံရရ သဘောဖြင့်ထွက်လာခဲ့ခြင်းဖြစ်သည်။ လက်ထဲတွင်တော့ ငါးရာတန်တရွက် နှင့် နှစ်ရာတန် နှစ်ရွက်သာထည့်လာခဲ့သည်။

          အဆောင်ရောက်တော့ ညနေမိုးချုပ်နေပြီ။ ရာသီဥတုကတော့ အတော်လေးအေးနေပြီဖြစ်သော်လည်း သူ့တွင် အနွေးထည်မပါခဲ့။ မြိုထဲတွင် သိပ်မအေးသော်လည်း မင်္ဂလာဒုံဘက်တွင်တော့ အအေးပိုသည်။ လာသာလာရသည် သိပ်တော့အားမရှိလှ။ လကုန်ခါနီးဖြစ်သောကြောင့် ဒီကောင်တွေထံတွင်လည်း သိပ်များများ စားစားမရှိနိုင်။ လူပျိုတွေက သူ့ထက်ပင် အသုံးကြမ်းသေးသည်။ ဘာပဲပြောပြော တကယ်တမ်း ဖြစ်လာလျှင်လည်း အကူအညီတောင်းရန် ဒီကောင်တွေသာရှိသည်။ ပိုက်ဆံမရတောင်မှာ မြို့ထဲရှိ ပေါချောင်ကောင်းတိုက်ခန်းလေးတခုလောက်တော့ လမ်းညွန်ပေးနိုင်သေးသည်။ ထိုင်နေကျ ကန်တင်းကို မျက်လုံးဝေ့၀ဲကြည့်လိုက်တော့ ဘော်ဒါအရင်း တယောက်မှမတွေ့။ ချယ်(လ)ဆီးဘောပွဲကြောင့်  ၀ိုင်းအတော်များများက ပြည့်နေကြသည်။ တီဗွီနှင့်ခပ်လှမ်းလှမ်း တ၀ိုင်းတော့လွတ်နေသေးသည်။ စားပွဲကို ၀င်ထိုင်ရင်း လူစောင့်ဦးမည့်ဟန်ဖြင့် စားပွဲထိုးမှလေးက နောက်မှဟုလှမ်းပြောလိုက်သည်။ တကယ်တမ်း မည်သူမျှမတွေ့လျှင် အပြန်လမ်းစရိတ်ချန်ရဦးမည်။ အိပ်ကပ်ထဲမှ ငါးသိန်းတန်ဖုန်းကိုထုတ်ပြီး အဆောင်တွင် ရှိနိုင်သည့်သူများထံ miss call ထိုင်ပေးနေလိုက်သည်။ ဖုန်းခကလည်း သိပ်မကျန်တော့။ မိန်းမရပြီး ဖုန်းသိပ်မပြောဖြစ်သောလည်း တလောက ယောက္ခမနေမကောင်းဖြစ်သည့်အတွက် ဆေးခန်းပြဖို့ကိစ္စ ဖုန်းတော်တော်လေးပြောလိုက်သဖြင့် လက်ကျန်ငွေက ၉၅ ကျပ်သာကျန်တော့သည်။ အရေးအကြောင်း ဖုန်းခေါ်ဖို့တော့ ချန်ထားရအုံးမည်။

          ကံကောင်းထောက်မစွာပင် Miss call ပေးထားသူ ဘော်ဒါငါးယောက်ထဲမှတယောက်က ဖုန်းပြန်ခေါ်သည်။ တဖက်မှအသံကို ကောင်းကောင်းမကြားရ။

`ဟယ်လို .... အေး ...ဟေ့ကောင်ကြားရလား...မင်းဘယ်ရောက်နေလဲ´

`အေး.... ပြောင်ကြီးလား.... ငါ..အိုင်စီရှိုးပွဲရောက်နေတယ် ...ပြော..ဘာရှိလို့လဲ´ သူအတော်လေး စိတ်ပျက်သွားသည်။ စကားကိုမြန်မြန်ဖြတ်လိုက်ပြီး ဖုန်းချလိုက်သည်။ သည်ကောင်က အိုင်စီရှိုးပွဲသွားကြည့်ရအောင် ပိုက်ဆံအတော်ပေါနေပါလားဟု မှတ်ချက်ချမိသည်။ သူပိုက်ဆံနှင့်သူ သွားတာတော့ မဖြစ်နိုင်။ ကြောင်တကောင်လောက်တော့ ပါရမည်ဟုလည်းတွေးဖြစ်သည်။ သိပ်မကြာခင် နောက်တယောက်ဖုန်းပြန်ခေါ်သည်။ ဒီကောင်ကတော့ အဆောင်မြဲသည်။ အသောက်အစားကင်းသည့် အပြင် ဆေးခန်းလေးကလည်း ၀င်ငွေကောင်းသောကြောင့် ကျွန်တော့်အကြံအစည် အထမြောက်နိုင်သည်။

`အေး .... မျိုးဇော်... မင်းအဆောင်မှာလား´ ကျွန်တော်က စိတ်မရှည်စွာ တည့်မေးချလိုက်သည်။

`မဟုတ်ဘူးကွ..... ဆေးခန်းက အခုမှပြန်လာတာ ... အဆောင်တော့ရောက်တော့မယ်´ ဒီကောင့်ဆေးခန်းက ရွှေပြည်သာမှာရှိသည်။ တနေ့လျှင် အနည်းဆုံး လူနာငါးယောက်မှ ဆယ်ယောက်ခန့် ပုံမှန်ရှိသည်။ အပြောအဟောကောင်းသည့်အပြင် တရုတ်ဆေးမသုံးသောကြောင့် လူနာများကြိုက်ကြသည်။

`အေးကွာ ... ငါ..အဆောင်ရောက်နေလို့ ... မင်းပြန်လာရင်... ငါဒေါ်ဝတုတ်ဆိုင်က စောင့်နေမယ်´ ဟိုဘက်က `အေး..အေး´ နှစ်ခွန်းသာပြောပြီးဖုန်းချသွားသည်။

 ဒေါ်ဝတုတ်ဆိုင်က သူလူပျိုကတည်းက စားနေကြဆိုင်။ ဟင်းအမျိုးစုံပြီး တရုတ်ဟင်းပါရသောကြောင့် လူဝင်များသည်။ ဆိုင်၏ ထူးခြားချက်တခုမှာ စားပွဲထိုးကို အမျိုးသမီးငယ်လေးများသာခန့်ခြင်းဖြစ်သည်။ အမျိုးသမီးငယ်များဆိုလို့ ရန်ကုန်သူတွေမဟုတ်။ ရိုးရိုးယဉ်ယဉ်ဝတ်စားထားသည့် နယ်ဘက်မှအမျိုးသမီးများဖြစ်ဟန်တူသည်။ စိတ်ရှည်ပြီး မှာသမျှကို မညဉ်းမညူလုပ်ပေးတတ်သည်။ ယောကျာင်္းလေးအဆောင်ဖြစ်သော်လည်း ကိုယ်နူတ်အမူအယာ ယဉ်ကျေးသောကြောင့် ဘာပြဿနာမျှမရှိ။

သိပ်ကြာကြာမစောင့်လိုက်ရ သကောင့်သားက အထုပ်တထုပ်ဆွဲပြီးပေါက်ချလာသည်။

`ဘာမှမှာမထားဘူးလား´ ရေနွေးအိုးတလုံးသာရှိသည့် သူ့စားပွဲကိုကြည့်၍မေးခြင်းဖြစ်သည်။

`မမှာသေးပါဘူးကွာ ... ဗိုက်လဲသိပ်မဆာသေးတာနဲ့´

`မင်းက ... ထူးထူးဆန်းဆန်း .. အဆောင်ကိုဘာလာလုပ်တာတုန်း´ ဟုတ်လဲဟုတ်သည်။ သူအဆောင်ဘက်ကို ခြေဦးမလှည့်ဖြစ်သည်မှာ သုံးလခန့်ပင်ရှိတော့မည်။

`ဒီလိုပါပဲကွာ .. ဘာရယ်တော့မဟုတ်ပါဘူး။ မင်းတို့နဲ့လည်းမတွေ့တာကြာလို့... နောက်ပြီး ကိစ္စလေးတခုလည်းရှိလို့´

သူ့အခက်အခဲကို တည့်တိုးပြောချလိုက်လို့မဖြစ်။ စကားရှိန်ရလာပြီးသာကြောင်းနာကြောင်းမေးမှ ပြောချလိုက်မည်ဟု စိတ်ကူးထားသည်။

`မင်း ... ဆေးခန်းရောအဆင်ပြေလား´

`အေး ... ဒီလိုပါပဲကွာ .. မှန်တန်းပဲ´

ပြောပြောဆိုဆို မျိုးဇော်က စားပွဲထိုးမလေးကိုခေါ်ပြီး ကြက်ခြောက်စပ်တပွဲ၊ ကန်စွန်းပလိန်းတပွဲ မှာလိုက်သည်။ ဆေးခန်းကအပြန် ဗိုက်ဆာလာသည်ထင်သည်။

`မင်းအရက်သောက်မလား´ မျိုးဇော်က စမေးလိုက်တော့ သူအံသြသွားသည်။ ကျောင်းတုန်းကတည်းက အသောက်အစားလုံးဝမရှိသော မျိုးဇော်မျက်နှာပေးကတည်ငြိမ်လှသည်။

`ဘာတုန်း .. မင်းတိုက်မလို့လား´

`အေး .. ငါ`၀ီ´ တတောင့်ဝယ်လာတယ်... အခန်းထဲမှာ ချမလို့´

`နေပါအုန်း ... မင်းဘယ်တုန်းက အရက်တွေဘာတွေသောက်နေတာတုန်း´

`အရင်တုန်းက မသောက်ပါဘူး.... ဒီနေ့မှသောက်မလို့ကွ´

မျိုးဇော်မျက်နှာက အနည်းငယ်သုန်မှုန်နေသည်။ သူသိသလောက် ဒီကောင့်ထံတွင် စိတ်ညစ်စရာ သိပ်များများမရှိ။ အဖေက ၀င်ငွေကောင်းသော သဘောင်္သားတယောက်... အမေနှင့်သူ့ညီက နယ်တွင် စတိုးဆိုင်လေးဖွင့်ထားသည်။ မျိုးဇော်ရည်းစား မီမီနိုင်ကလည်း လေကြောင်းလိုင်းတခုတွင် စီမံခန့်ခွဲမှု ရာထူးတခုရထားသည့် ရည်မွန်သော အမျိုးသမီးတယောက်။ သင်္ကြန်အပြီး လက်ထပ်ကြတော့မည်ဟု တခါကပြောဘူးသည်။

`မင်းက ဘာတွေစိတ်ညစ်နေတာလဲ´ သူက တည့်ပဲမေးချလိုက်သည်။

`အင်း .... ပြောရရင်တော့အရှည်ကြီးပဲကွာ... ငါလည်း မင်းတို့ပဲရင်ဖွင့်စရာရှိတာပါ။ ဒီလိုလုပ်ကွာ .. အခန်းထဲမှာလည်း ခွက်ရှာရမှာနဲ့ ရေခပ်ရမှာနဲ့ အလုပ်ရှုပ်တယ်။ ဒီဆိုင်မှာပဲ လျှိုတိတ်လေး ချရအောင်ကွာ´

`ဟေ့ကောင်ဖြစ်ပါ့မလားကွ ... ဒီဆိုင်ကထမင်းဆိုင်ကြီးပဲ .. ပြီးတော့ အရက်မရောင်းပါဆိုတဲ့ ဆိုင်းဘုတ်ကြီးလဲချိတ်ထားသေးတယ်´

`ဘာဖြစ်လဲကွာ..... ဒီဆိုင်ကအရက်မရောင်းပါလို့ပဲရေးထားတာ... `အရက်မသောက်ရ´ လို့ရေးထားတာမှ မဟုတ်တာ... ပုလင်းလေးအောက်ချပြီးဆွဲရင် မသိသာပါဘူးဟ´

မျိုးဇော်က ကျောင်းမှာကတည်းက ထိုကဲ့သို တဇွတ်ထိုးအကျင့်လေးတော့ရှိသည်။ သူ့လာရင်းကိစ္စအောင်မြင်ရန် မျိုးဇော်ရင်ဖွင့်သံကိုတော့ နားထောင်ပေးရပေမည်ဟု  စိတ်ဒုံးဒုံးချကာ ရေနွေးခွက်ငယ်လေးထဲသို့ငှဲ့ထားသည့် အရက်ကို ကောက်မေ့ာလိုက်သည်။

`ပြောစမ်းပါအုန်း .... မင်းဘာတွေဖြစ်နေလဲဆိုတာ´

မျိုးဇော်က အရက်ကို ရှုံ့မဲသောမျက်နှာဖြင့် မော့ချလိုက်ပြီး သူ့အကြောင်းတွေကို ပြောပြတော့သည်။ ပြဿနာအရင်းခံက သူ့အမေ။ နယ်မှာစတိုးဆိုင်လေးဖွင့်ထားသောသူ့အမေက စီးပွားရေးတိုးချဲ့လိုသည်။ လူရင်းတယောက်ကို ငွေပေးပြီး ထိုင်းပစ္စည်းတွေဆွဲခိုင်းသည်။ လူရင်းက တခေါက်လောက် ယုံကြည်အောင် လုပ်ပြပြီး နောက်တခေါက်ကြတော့ ငွေအချီကြီးဘတ်ပြီးပေါ်မလာတော့။ သူ့အဖေသိမှာစိုးသောကြောင့် ကြံမိကြံရာကြံရင်း နောက်ဆုံးတော့ နှစ်လုံးထီဘက်ရောက်သွားသည်။ တသက်လုံးရှာထားသမျှတွေကုန်ရုံသာ မက အိမ်နှင့်ခြံပါရောင်းလိုက်ရသဖြင့် လူက အိပ်ယာထဲဘုန်းဘုန်းလဲတော့သည်။ သည်ကြားထဲ သူ့ညီကောင်မလေးက ကိုယ်ဝန်ရှိနေသဖြင့် ကောင်မလေးမိဘတွေက အတင်းလက်ထပ်ခိုင်းနေသည်။ ဒီကိစ္စတွေ သဘောင်္တက်နေသောသူ့အဖေကို အသိမပေးရသေး။ သူ့ရည်းစား မိဘတွေကလည်း ထုံးတမ်းအစဉ်အလာအရ တင့်တောင့်တင့်တယ် တင်တောင်း၍ ခမ်းခမ်းနားနား မင်္ဂလာဆောင်ပေးစေလိုသည်။ မျိုးဇော်အမေဘက်ကလည်း ငွေဂုဏ်ရှိသဖြင့် ကောင်မလေး မိဘတွေကို မစားရ၀ခမန်းဂတိတွေပေးထားသည်။ သည်အချိန်မှာမျိူးဇော်တယောက် ခြေမကိုင်မိလက်မကိုင်မိဖြစ်တော့ သည်။ သူ့အဖေကိုလည်း ဒီအကြောင်းတွေ မပြောရဲသလို မီမီနိုင့်မိဘတွေဘက်ကိုလည်း အသိမပေးလိုသေး။

`လောလောဆယ်....ပြဿနာက ငါ့ညီကို မင်္ဂလာဆောင်ပေးဖို့ကွ။ သူ့ကောင်မလေး မိဘတွေက အဲဒီကိစ္စကို အမြန်ဆုံးဖြစ်စေခြင်နေတယ်ကွာ... အဲဒါကြောင့် ဆေးခန်းကအပြန် ဆွဲကြိုးဝင်ရောင်းလာတာ .. လေးသိန်းပဲပေးတယ်ကွာ´

မျိုးဇော်လေသံက အတော်လေး လုံးထွေးနေသည်။ အရက်ပုလင်းက လက်တလုံးခန့်သာကျန်တော့် သော်လည်း သူ မမူးနိုင်သေး။ မျိုးဇော်အစားရင်လေးမိသည် သော်လည်းနှစ်သိမ့်ရန်စကားသူ့ထံတွင်မရှိပါ။ မျိုးဇော်ကို အခန်းထဲလိုက်ပို့ပြီး အပြန်တွင် သူ့စိတ်ထဲအတော်လေး ပေါ့ပါးနေသည်။ သူ မျိုးဇော်လောက် အခြေအနေမဆိုးသေး။ လကုန်ရန် တပါတ်ခန့်လိုသေးသည်။ သည်ကြားထဲတွင် အပြောင်းအလဲတွေ အများကြီး ဖြစ်သွားနိုင်သေးသည်။ အရက်ရှိန်ကြောင့် မင်္ဂလာဒုံအအေးဒဏ်ကို သတိမထားမိ။ အပြန်လမ်းတွင်တော့ ၅၀ တန် ဘတ်(စ်)ကားကိုသာ ရွေးချယ်လိုက်တော့သည်။

ဒဏ်ရာမိုးရေစက်များ

          ဒီနေ့ ကျွန်တော့်ချစ်သူ စံပယ်၏ ၂၆ နှစ်မြောက်မွေးနေ့။ သူအနားမှာ ဘယ်သူတွေနဲ့ မွေးနေ့ပွဲကိုဆင်နွဲနေမည်နည်း။ ကျွန်တော့ တောစီးဖိနပ်ထဲမှ ခြေထောက်သည် ရေစိုထားသောကြောင့် အထိအတွေ့မသိပဲ ထုံနေသည်။ မိုးရေစိုထားသဖြင့် ကျောပိုးအိတ် အလေးချိန်က ပိုလာသည်။ စံပယ် ကျွန်တော့်ကိုမှ သတိရပါ့မလား။ ယမန်နှစ် မွေးနေ့ ကျွန်တော်တို့နှစ်ယောက် ပရဟိတဂေဟာတခုတွင် အလှူလုပ်ခဲ့ကြသည်။ ခေါင်းပေါ်မှ တောဆောင်းဦးထုပ်က ညှီစို့စို့ အနံ့ထွက်နေသည်ကို သတိထားမိသည်။ ရင်းနှီးနေသော သွေးနံ့လိုလို အနံ့ကြောင့် စိတ်အနှောင့်အယှက်ဖြစ်ရသည်။ စံပယ်က မိုးတွင်းကိုကြိုက်သည်။ ဖားအော်သံ၊ ရေစီးသံ၊ စိမ်းစိုနေသော မြင်ကွင်းများကို သဘောကျသည်။ ယခုဖြတ်ရမည့် ချောင်းက အနည်းငယ်ရေစီးသန်သည်။ ဖြတ်ကူးခါနီး မိမိပစ္စည်းများကို ခိုင်မာမှုရှိမရှိစစ်ဆေးနေရင်း ပိန်းရွက်ပေါ်မှ မျက်လုံးပြူးပြုးနှင့် ဖားတကောင်ကို သတိထားမိသည်။ စံပယ် နှင့် ကျွန်တော် နှစ်ယောက်စလုံး မိုးရေထဲလမ်းလျှောက်ရသည်ကို သဘောကျသည်။ အိမ်ပြန်ရောက်လျှင် ကော်ဖီပူပူ သောက်၍ တယောက်ကိုတယောက် သတိရကြသည်။ ချောင်းကိုဖြတ်ပြီးချိန်တွင် ကျောရိုးထဲမှ စိမ့်၍ချမ်းလာ၍ ဘေးလွယ်အိတ်ထဲမှ အာမီရမ်ပုလင်းပြားလေးကို သတိရမိသည်။  လက်နှလုံးခန့်သာ ကျန်တော့်သဖြင့် ညစခန်းချမှ သောက်တော့မည်ဟု မချင့်မရဲ ဆုံးဖြတ်ချက်ချလိုက်သည်။

          စံပယ်မွေးနေ့တိုင်းတွင် ဆေးလိပ်ဖြတ်ပါမည်ဟု အကြိမ်ကြိမ်ကတိပေးဖူးသည်။ နောက်တော့လည်း အကြောင်းအမျိုးမျိုးပြ၍ ပြန်သောက်ဖြစ်သည်။ ခေတ္တစခန်းချရာနေရာသို့ရောက်ရန် နောက်ထပ်နှစ်ရက်ခန့် လမ်းလျှောက်ရအုံးမည်ဟု တွက်ထားသည်။ ကျွန်တော့်အိပ်ကပ်ထဲမှ ပလတ်စတစ်ဖြင့်ပတ်ထားသော ဆေးပေါ့လိပ်အတိုကို စမ်းကြည့်လိုက်သည်။ စံပါယ်က ငါးအတော်ကြိုက်သလောက် ကျွန်တော်က ငါးလုံးဝမစား။ လက်ထပ်ပြီးလျှင် ငါးမချက်ရဟု စံပါယ်ကို ကျွန်တော်ကတိတောင်းဖူးသည်။ ညနေမှောင်ရီပျိုးချိန်အထိ မိုးကမတိတ်သေး။ တပ်ရင်းမှူးက ညအိပ်ရန်နေရာကို အမြင့်ပိုင်းတွင် သတ်မှတ်လိုသည်။ စံပါယ်က စစ်သားဆိုလျှင် ကျွန်တော်ကလွဲ၍ သဘောမကျဟုပြောလေ့ရှိသည်။ စစ်သားများကို မုန်းခြင်းသည် စံပါယ်တို့တက္ကသိုလ်တွင် ဖက်ရှင်တခုလည်းဖြစ်သည်။ အမှောင်ထုက ပိုမိုသိပ်သသည်းလာသည့်အပြင် အအေးဓါတ်ကပိုလာသည်။ ရုတ်တရက် နားစည်ကွဲမတတ် အသံကျယ်ကြီးကို ကြားလိုက်ရပြီး အလိုအလျှောက်မြေကြီးပေါ်မှောက်လျှက်သားဖြစ်နေသည်။ စံပါယ်ကို ရှေ့တန်းထွက်ခါနီး နူတ်ဆက်တော့ ကျွန်တော့်ကို မကြည့်ပဲ တရှုံ့ရူံ့ငိုနေသည်။ ကျွန်တော်ကို အဆက်အသွယ် မပြတ်ဖို့ တဖွဖွမှာသည်။ နားအူနေသဖြင့် အပြန်အလှန်လက်နှက်ငယ်ပစ်ခတ်သံများကြားမှ အော်သံများကို မသဲမကွဲသာ ကြားရသည်။ ကျွန်တော်ရှေ့သုံးယောက်အကွာမှ တပ်ကြပ်ကြီးတယောက် မိုင်းထိသဖြင့် ကျွန်တော် ရှေ့တက်ရတော့မည်။

          စံပါယ်က သွေးကိုကြောက်သဖြင့် ဆရာဝန်မလုပ်ချင်ဟု တခါပြောဖူးသည်။ သို့သော် ဆရာဝန်အလုပ်သည် အာမခံချက်အပြည့်ရှိပြီး ထမင်းမငတ်ဟု သူကသုံးသပ်သည်။ ယမ်းနံ့နှင့်သွေးနံက ကျွန်တော်အာရုံကြောထဲသို့စိမ့်ဝင်လာသည်။ အနီရောင် ကျည်ဆန်တန်းတရွီရွှီကြားမှ ကျွန်တော့်ရှေ့နှင့်နောက်မှ ရဲဘော်နှစ်ယောက်က ကျွန်တော့်ကိုယ်ပေါ်သို့ သူတို့၏ ကျောပိုးအိတ်များကိုပစ်တင်လိုက်ကြသည်။ အမေကတော့ ခေတ်ဆန်သည့် စံပါယ်ကို သိပ်ဘောမကျ။ ဖတဆိုးညီမလေးကို စောင့်ရှောက်ရန် လက်ထပ်ပွဲကို ရွေ့ဆိုင်းလိုသည်။ အပြန်အလှန်ပစ်ခေတ်သံများ တိတ်ဆိတ်သွားချိန်တွင် ကျွန်တော်ကိုရှေ့တက်ခိုင်းသော တပ်ရင်းမှူးအမိန်ကို့ လက်ဆင့်ကမ်းရရှိသည်။ မိုင်းထိသောသောတပ်ကြပ်ကြီးထံသို့  မိကျောင်းတက်ဖြင့် တဖြည်းဖြည်းတက်လာလိုက်သည်။ သွေးတိုးနှင့် နှလုံးသွေးကြောရောဂါရှိသော အမေ့ကို သမားတော်နှင့်ပြရန် စံပါယ့်ကို ကျွန်တော်မှာခဲ့သည်။ အမေက အစားအသောက် မဆင်ခြင်သဖြင့် ပို၍ စိတ်ပူရသည်။ သွေးအိုင်ထဲတွင် လဲနေသောတပ်ကြပ်ကြီးထံမှ ညဉ်းညူသံခပ်တိုးတိုးသာကြားရသည်။ ဘယ်ဘယ်ခြေကျင်းဝတ်တခုလုံးကြေမွနေသည့်အပြင် ညာပေါင်နှင့် ၀မ်းဗိုက်တွင် သွေးထွက်နေသည့် နေရာများရှိသည်။ အမေက ဆရာဝန်စစ်ဗိုလ်ကြီးဖြစ်နေသော သားကြီးအကြောင်းကို ဂုဏ်ယူစွာဖြင့် ကြွားလေ့ရှိသည်ဟို စံပါယ်က ကျွန်တော့်ကိုပြောပြဖူးသည်။ အမေ့ထံတွင် သားသမီးများကို အမွေပေးရန် ပညာသာရှိသည်ဟို မကြာခဏပြောဖူးသည်ကို ကျွန်တော်ပြန်လည်ကြားယောင်နေသည်။

          ဓါတ်မီးကိုပါးစပ်မှကိုက်ပြီး အနာများကို စစ်ဆေးကြည့်လိုက်တော့ အတော်လေးသွေးထွက်လွန်နေသည်။ ဘယ်ဘက်တောင်ကုန်းဆီမှ လက်နှက်ငယ်သံများ ထပ်မံထွက်ပေါ်လာသဖြင့် ဘယ်ဘက်ရှိသစ်ပင်ခြေသို့ လူနာကို ဆွဲချလိုက်ရသည်။ စံပါယ်က ကျွန်တော်လူနာတွေအပေါ်ဆက်ဆံသည့်ပုံစံကို သဘောကျသည်ဟုတခါကပြောဖူးသည်။ ပရဟိတဂေဟာတွင် ကျွန်တော်ဆေးကုသစဉ် သူကိုယ်တိုင်ဆေးပေးရသည်ကို စံပါယ်သဘောကျသည်။ ဓါတ်မီးရောင်ရှိရာကို လှမ်းပစ်နေသဖြင့် နောက်ကျောရှိသစ်ပင်ကို ကျည်ဆန်တချို့လာမှန်သည့် အပြင် အပြန်အလှန် အော်ဟစ်ပစ်ခတ်နေမှုကြားက စကားသံများက မသဲကွဲ ။ လူနာ၏ လက်ကောက်ဝတ်သွေးကြောကို သွေးထွက်လွန်နေသဖြင့် စမ်းမရ။ ရှေ့တန်းရောက်လျှင်ဘုရားတရားမမေ့ဖို့ အမြဲတမ်းမှာတတ်သောအမေ့ကို သတိရသည်။ လူတယောက်၏အသက်ကို မလိုအပ်ပဲမသတ်ဖို့ ကျွန်တော်အတွေးရှိခဲ့သလား မသေချာပါ။ နာကျင်မှုကြောင့်ရုန်းကန်အော်ဟစ်နေသည့် ရှမ်းလူမျိုးတပ်ကြပ်ကြီး၏ ပါးစပ်ထဲသို့ ပါတ်တီးလုံးတခုကို အတင်းထိုးထည့်လိုက်ပြီး သွေးလွန်နေသည့် ခြေပြတ်အထက်မှ ပါတ်တီးလိပ်ကို ခပ်တင်းတင်း နှစ်ပါတ်သုံးပါတ်စည်းလိုက်သည်။ နောက်အပါတ်သောကြာနေ့သည် အဖေ့၏ တနှစ်ပြည့်ရက်လည်ဖြစ်သည်။ အဖေဆုံးတုံးက အမေမျက်ရည်မကျပဲ ကျွန်တော်တို့ မောင်နှစ်မ နှစ်ယောက်ကိုသာ တင်းတင်းဖက်၍ အံကြိတ်ထားသည့် မြင်ကွင်းကို ပြန်လည်မြင်ယောင်မိသည်။

          သစ်ပင်အောက်တွင် ခြေတွင်ပိတ်မိနေသော ကျွန်တော်နှင့်လူနာကို ရဲဘော်နှစ်ယောက်က ကမူတခုနောက်ရှိ ကျည်လွတ်မြေသို့ဆွဲခေါ်သွားချိန်တွင် ကျွန်တော့်ဘယ်ဘက်ပေါင်တဖက် ပူခနဲဖြစ်သွားသည်ကို သတိထားမိသည်။ ကျည်ဆန်အချို့က တရပ်စပ်ပျံဝဲနေသည်ကို ကြည့်ခြင်းအားဖြင့် ရန်သူအင်အားများမည်ဟု ခန့်မှန်းရသည်။ ကျွန်တော်က စံပါယ်ကို အမေ့လိုရဲရင့်တည်ငြိမ်သည့် အမျိုးသမီး တယောက်ဖြစ်စေချင်သည်။ စံပါယ်က ကလေးဆန်ပြီး ကျွန်တော့်အပေါ်မှီခိုလွန်းသည်ဟု ကျွန်တော်မြင်သည်။ ကျွန်တော်တို့နှစ်ယောက်ကိုလာဆွဲသော ရဲဘော်နှစ်ယောက်အနက် တယောက်က ကျွန်တော့်အပေါ်လဲပြိုလာသည်။ အမှောင်ထဲမို့ မည်သည့်နေရာမှန်သည်ကိုရုတ်တရက်မသိနိုင်သော်လည်း လည်ပင်းသွေးလွတ်ကြောကိုစမ်းမရတော့။ အမေ နှင့် စံပါယ် နှစ်ယောက်စလုံးက ကရင်ပြည်နယ်ထွက် ဒူးရင်းသီးကြိုက်တတ်သည်။ ရှေ့တန်းမှာတော့ အပြန်လက်ဆောင်ယူသွားရန် မည်သည့်ဒူးရင်းသီးမှမရှိ။ ကျသွားသော ရဲဘော်သေနတ်ကို ဆွဲယူရင်း ကျည်လွတ်ရာတောင်ကမူနားသို့ တဖြည်းဖြည်းချဉ်းကပ်သွားချိန်တွင် ကျွန်တော့နားထဲတွင် ဒုတိယအကြိမ် ကျယ်လောင်သည့် ပေါက်ကွဲသံကြားလိုက်ရာပြီး ကိုက် ၅၀ခန့်ကျွန်တော်လွင့်ထွက်သွားသည်ကို နောက်ဆုံးအကြိမ်မှတ်မိလိုက်သည်။ အိပ်မက်ထဲတွင် စံပါယ်က ကျွန်တော့်လက်သည်းများကို ညှပ်ပေးနေပြီး အမေက ကျွန်တော့်ကို ဒုလ္လဘရဟန်းဝတ်ပေးရန် စီစဉ်နေလေသည်။